ما يختلف اثنين على عنواني تحياتي للجميع بغيتكم اتفيدوني بالمجمعات التجارية حسب موقعهم وقربهم من بعض علشان ارتب جدولي كل طلعه لمنطقه معينة تجمع اكثر من مكان استغلالا للوقت ولتفادي الزحمة والمشاوير .
وبغيت اعرف وش الموضة الدارجة هاليومين عندكم ؟؟؟؟وشنهي الاشياء الغريبة عندكم والجديدة؟
اكيد عندكم خطوط الجوال مسبقة الدفع وين ممكن القاهم وكم اسعارهم؟؟
اتمنى سرعة الرد وعشمي كبيييييييييييييير فيكم انتو اهل الكرم والفزعه.
ويعطيج العافية
اتمنى افيدج الصراحة واكيد البنات ماراح يقصرون معاج
بالنسبة للمجمعات التجارية ابتدي معاج بمنطقة السالمية عندج مجمع الفنار + البستان + ليلى غاليري + مركز مريم هذيلا كلهم يم بعض سطرة وحدة
في عندج المارينا مول هذا يصير عكس طريجهم واكيد اذا بغيتي تسالين ماراح تضيعين
وفي عندج الثريا وماني ذاكرة الصراحة بعد هذا اللي في بالي بالنسبة للسالمية 🙁
بمنطقة الكويت عندج الرايه والصالحية للماركات
وعندج بحولي المهلب وفي مركز توه فاتح اسمه ذا افينيوز هذا انا ما رحت له الصراحة بس الكل يمدحه اظن انه بالشويخ او الري هم انتي سالي وان شاء الله بتحصلين الجواب
بالنسبة للموضة الدارجة هالايام بالنسبة للمحجبات عندج الملافع اللي عليها ستراس هذا اكثر شي اشوفه والغير محجبات في فساتين قصيرة يلبسونها وتحتها مثل البنطلون الستيرج لكن قصير يوصل نص الساق مو طويل
انتي عموما من توصلين الكويت وتتمشين بالذات في المارينا بتشوفين كل شي يعجبج وعسى ان شاء الله فدتج واي سؤال انا حاضرة :gum:
الاخت / زمردة ……….تسلمين حبيبتي وماقصرتي بيض الله وجهك.