أعمالي اليدوية كللللها اللي قعدت أشتغل عليهم سنين كل اللي يخطر على بالكم

بما اني ان شالله اخر ترم ليا أتخرج وانا اختصاص فنون..
حبيت اني اشارككم ببعض أعمالي اللي عملتها على مدار السنوات الجامعية ..
أتمنى تقولولي رأيكم واذا اي وحدة عندها سؤال تسأل عن أي عمل من الأعمال..

وإذا حبيتو ان شالله الموضوع الجي بيكون أعمال صحباتي كمان ..

وبسم الله ..

هدي وحدة إضاءة معمولة من قشر السمك ..

وهي مطفية..

وهي منورة..

أما هدا من أعز الأعمال على قلبي عملته بالقرع المجفف يجي جاهز في السوق عبارة عن مربعات قصيتها بنفسي واشتغلت على كل وحدة تقنية معينة ..

اما هدا فاكسسوار عملته كان عندي اختبار بالأسلاك الفضية والخرز والكريستال..وطبعا في اللبس أحلى..

هدي معلقة عملتها بالخيوط والمرايات الصغيرة والأسلاك..تجربة بسيطة كانت ..

هدي 3 أنوال فوق بعض عملتها كتجربة في مادة النسيج..عبارة عن أبعاد نفذتها بالخيوط..

هدي لوحة زيتية تعبر عن نفسيتي ..رسمت عليها بالقلم الأسود بعد ماخلصتها كنوع من التقنية…وهدي التقنية تسمى (doodling) او الرسم اللاشعوري..

هدي لوحة كلها من الجلد إلا جذوع الشجر اللي عملتهم من القرفة..بس لسه ما كملتها ..

أما هدي فمعلقة من القرع كتبت عليها قل هو الله أحد وكانت اختبار..

وهدي معلقتين عملتهم بالخيوط والأسلاك والأنوال والخرز ..

أتمنى أشوف أراءكم عشان تشجعوني