السلام عليكم و رحمة الله و بركاته ..(f)(f)
عزيزاتي عروسات المنتدى .. اليوم حبيت أعرض لكم بعض من افكاري البسيطة
في ترتيب مملكتي الصغيرة ..(a) .. انا طبعاً ساكنة في جناح في بيت اهل زوجي
يعني غرفة نوم و صالة و حمام كرمكم الله 
.. و احب ارتب كل شي لوحدي ..
في هذا الموضوع بعرض لكم طريقة ترتيبي أغراضي الشخصية .. و ان شاء الله
قريب بعرض بعد "طريقتي في تنظيف مملكتي الصغيرة .. أسهل وأسرع الطرق"
و ان شاء الله تستفيدون منها .. خصوصاً للزوجات إلي يدرسون مثلي ..(i)
بس الحمدلله .. بالنسبة لي لما تنظمين وقتك و شغلك وكل شي يكون مرتب
أول بأول .. مافي أي مجال انه يتعفس او يخرب شي .. و الحمدلله هذي من أهم
أسباب تعلق زوجي فيني .. و مدح ام زوجي دايم :o.. رغم اني كنت في بيت اهلي
مثل كل البنوتات مدلعات .. (a) ..
(i)ملاحظة: ما أحلل اي وحدة تنقل موضوعي سواء بذكر المصدر او غيرهـ .. لانه مجهود شخصي تعبت عليه اولاً ، ثانياً هذي صور شخصية ..(i)
و إلي يعجبها موضوعي .. فضلاً وليس أمراً .. تقيمني :15:
طولت عليكم حكي لوووووووووووووول ادري:o..
اول شي بالنسبة لكل بنت و حرمة .. المجوهرات :15:..
انا احتفظ فيها بصندوق او تقدرون تقولون شنطة خاصة لهذا الغرض و معها مفتاحها الخاص ..
بهذا الشكل ..
وهذي وهي مفتوحة ..
تلاحظون فيه مكان للخواتم و امكان للحلقان و اماكن بعد للعقود و بعد للبروشات ..
بحيث يكون كل شي مرتب و سهل الحصول عليه .. و لما تخلصين من كل شي ..
يرجع مكانه .. في هالحالة مستحيل ينحاسون دامك دايم مرتبتهم(y) و حاطتها فوق
التسريحة ..
ثاني شي ..
الاكسسورات اليومية .. اساور عقود باندات … إلخ
انا حافظتهم بسله من القماش ماخذتها من ايكيا .. فيها مربعات مقسمه ..
و ميزة القماش طبعاً انها تدخل في درج التسريحة حتى لو كان الدرجة قصير
يعني تقدرين تعوجينها و تدخلينها –> ما اعرف اشرح لووووووووول
و تلاحظون انها كبيرة .. بحيث في مكان حطيت فيه المكياج اليومي إلي استخدمه .. كحل
ماسكرا الاروج اليومية و القلوسات و الكونسلير ووووو غيرهـ (a)
طبعاً هي بالاصل مليانة .. بس في اشياء خاصة شلتهم .. و عرض الصور مجرد لتقريب الفكرة :tongue:
ثالث شي ..
مكياج السهرات و العزايم الغالي :tongue: حافظته بشنطة من البلاستيك و لها سحاب ..
طبعاً ميزة شنطة البلاستك .. انها حتى لو توسخت مع المكياج سهل غسيلها غير
شنطة القماش (n)
رابع شي ..
الاطواق و المشوطة و غيرها .. طبعاً بما انها حجمها كبير شوي ما يدخل بسلة القماش إلي فوق .. فاستعنت بس مجموعة قواطع اشتريتهم بعد من ايكيا لهذا الغرض ..
و بعد استعنت فيهم .. للاغراض اليومية .. مثل القطن و العدسات و اعواد الاذان .. و مناديل المزيلة للمكياج .. يعني الشغلات إلي استعملهم يومياً .. احب تكون قدامي و سهل الوصول لها (a)
طبعاً السلة القماش و القواطع إلي فوق .. حاطتهم في اول درجين بالتسريحة .. عشان تكون قدامي و جنبي .. لاني عموماً ما احب فوق التسريحة اشياء وايد احبها تكون مرتبة وسهل مسح الغبار منها .. لو كانت مليانة اغراض صعب تمسحين الغبار يومياً منها .. طبعاً حاطة فوق التسريحة فقط عطوري و عطور زوجي .. و سلة صغيرة حق اغراض زوجي الشخصية لما يرجع من الدوام يحطها فيهم يطلع شكلهم مرتب و مو حوسة .. يعني المحفظة و النظارة الشمسية و المفاتيح و غيرهـ ..(a) و حتى حيل عجبته الفكرة .. و سهلة مرة لما تجين تمسحين الغبار فقط تشيلين السلة 😉 .. بس للاسف نسيت اصورها لكم 
يتبع .. لو سمحتوا لحد يرد إلى ما يكتمل الموضوع عشان يكون مترابط (f)(f)
البخور .. إلي ما استغني عنه ابد ..:15: و لانه عندي مجموعة كبيرة و انواع كثيرة ..
حبيت احطه في علبة حلوهـ و شكلها مميز .. و خليتها على التسريحة بعد ..
عشان تكون دايم قدامي .. و ابخر فيها جناحي كل يوم .. مافي احلى من ريحة البخور(a)
سادس شي ..
الملابس الداخلية .. رتبتهم بنفس القواطع إلي شفتوها فوق .. و حطيتها في مجموعة ادراج طويلة عندي بنفس اثاث غرفة النوم .. اخذت لي درجين منها حق ملابسي الداخلية و رتبتها فيهم … بشكل مرتب و حلو .. و حاطها معها شوي مسك مبشور من مسك عبدالصمد القرشي و لافته بأكياس تل صغيره .. والله نصيحة جربوها تطلع ريحة الملابس ولا أرووووووووع (f)
طبعاً صورتها فاضية :tongue:
سابع شي ..
الجزم او الاحذية كرمكم الله .. طبعاً اخذت لي القواطع حقت الجزم إلي بعد من ايكيا ..
و بما انه عندي دولاب كبير مو بغرفة النوم .. استغليت احط فيه ملابس السهرة حقتي و الشراشف و الشغلات الزايدة .. خذيت لي من هالدولاب بابين وحطيت فيهم هذي القواطع ..
و صففت فيهم جزمي و جزم زوجي الله يكرمكم .. ميزتها طبعاً اولاً ما تاخذ مكان يعني ما اضطريت اشتري دولاب الجزم الله يكرمكم و راح ياخذ مكان في السويت .. ثانياً حلو لما تحفظين الجزم كرمكم الله في مكان خاص فيهم مسكر .. بدال ما يصيرون مصففين في ارفف عند ممر الغرفة .. ما يحتاج الروائح عاد :tongue: لووووووووووول
هذولي اثنين .. و فيه اثنين بالجهة الثانية .. حطيتها حق جزمي السهرة وا لكشخة
ثامن شي ..
الاغراض الزوجية حقت السهرات 😮 .. حافظتهم في هذا البوكس الخشبي ..
عشان إذا احتجت اسوي حفلة بسيطة لزوجي او اجهز شي .. اعرف مكانه بالضبط .. مو اقعد احوس و ادور .. و يروح الوقت علي 😉
تاسع شي ..
الحلويات و الشيبسات والاندومي و غيرهـ … يعني الاكل :tongue: خصوصاً لما تجوعين اخر الليل ..
حبيت يكون لهم مكان معين جنب الثلاجة .. مرتبة بطريقة حلوووهـ .. و تكون في متناول الايدي :tongue:
فاخترت لها هذي السلة الخوص الحلوة ..(a)
ثامن شي ..
لزوم الشاي و القهوة حق المغرب لما يرد زوجي من الدوام :15:.. رتبتهم في هذولي العلب .. و حبيت كل شي يكون خشب .. لانه تصميم صالتي كله خشب بني محروق
و هنا الاكواب ..
و حتى للموية ( الماء ) نصيب من هذا كله .. حبيت يكون الموية في علب حلوهـ و مرتبة و شكلها حلو حتى لو ناخذها معنا في غرفة النوم إذا بغينا ننام (a)
و خذيت هذولي القوارير من ايكيا بعد ..
و رتبتهم فوق الثلاجة بعد ما حطيت عليها شرشف بطريقة حلوهـ..(w)
و هينا شكل كورنر الثلاجة كامل ..بس نسيت ما اصور معاه الهيتر 😮
تاسع شي ..
الاغراض الشخصية حقت الحمام الله يكرمكم .. يعني الحلاوة والامواس و الفوط الصحية و غيرهـ .. حبيت تكون في مكان محفوظ و مسكر في الحمام الله يكرمكم .. (a)
فاشتريت هذا الصندوق زي حق الصيدلة بس حرصت يكون مسكر مو شفاف ..
و بكذا اكون انتهيت ..(a)
اتمنى الجميع يستفيد من هذا الموضوع البسيط ..:15:
و انتظروني بموضوعي طريقة تنظيفي بنفسي و بأسهل و أكثر الطرف فعالية .. بعد ما اخلص امتحانات ان شاء الله (i)..
حبيباتي (f).. حتى لو ما يعجبك الموضوع لا تنسي ذكر الله " ما شاء الله .. تبارك الله.. لا إله إلا الله "..
تمنياتي للجميع .. بحياة سعيدة هانئة (f)
و لا تنسوا التقييم إذا عجبكم موضوعي المتواضع.. بانتظار تعليقاتكم الحلوة..(e)
بس عايزة اقولك انتى تجننى انتى وحاجاتك تسلمى ياقمر على المجهود ده
ماقصرتي
طرق جميل وافكاار احلى تتهني فيهم
ماشاء الله أفكار حلوة و دكية
تسلم ايدك اختي
موفقة ان شاء الله
تستحقي التقييم
.✿.