اول مرة ادش هالقسم وحبيت اشارك فيه ، واطلب منكم هالطلب ومااتوقع تردوني والله انكم حبايبي ..
اختي قريب ان شالله بتولد وحابة تعطوني افكار عشان انزلن لها الغرفة اللي بتقعد فيها بالمستشفى اقصد ،،،، يعني حركات حلوة نحطها في الحجرة ..
انا عملت لوحات كبيرةوفيها عبارات و صور عشان بنلزقها في الغرفة ، لكن باب الغرفة يكون احلى بالزينة ، ممكن تعطوني افكار لتزيين الباب …… او اي افكار ثانية نزين فيها الغرفة …. بالصور اذا قدرتو خواتي
ومشكورين وماقصرتووووو وعساكم ع القوة يا الغاليات ..
الله يسهل عليها ولادتها ويقومها بالسلامة هي ومولودها
حبيبتي توني منزله موضوع اطلب فيه الطلب نفسه
تفضلي هالرابط وإن شاء الله تستفيدين
وهذا الرابط فيه بعض الأفكار للتوزيعات وتزيين باب الغرفة
الله لا يخلي هالمنتدى من هالبنات الطيبين
والله يقوم اختج بالسلامة حبيبتي
ولاتخلين شي في خاطرج الا سويه في هالغرفة
تدرين انا احب الورود الطبيعية عند باب الغرفة من برع
ثنتين عند جانبي الباب
وعلقي على الباب حركة دائرية من الورد وفيها الحمد لله على سلامتج يا اغلى اخت بالدنيا
ويتربى المولود في عزكم