ولدي عنده نقص حديد وعطوني له دواء فروز مرتين باليوم بالاضافة إلى فيتامينات
المشكلة أنه ما يرضى يشربهم .. حاولت بكل الطرق وما فيه فايدة
تعبت وياه صراحة
فاللي عندها خبرة تفيدني وجزاها الله خير
انا عن نفسي ولدي مل من ادوية الحديد فالدكتور وصف له حديد بس على شكل حلاوه مثل المصاص اللي يذوب بسرعه و فيه اشكال حيوانات…………
انتي المره اليايه خبري الدكتور عن هذا النوع
ولا تخلطينه وية حليب لانة الحليب يعيق امتصاص الحديد
لكن عصير البرتقال يحتوي فيتامين سي وهالفيتامين يساعدة على امتصاص الحديد
أني جربت وعطيته مع عصير برتقال بس حس بالطعم وما رضى يشرب
وحتى بالأبرة يعاند ما يرضى يفتح فمه .. ولو حاولت معاه بالقوة يطلع الدوا كله بره
المشكلة أن دواء الفيتامينات بالذات طعمه لاذع وله ريحة قوية
ما عرف شسوي معاه
الحل الابرة وتخلين احد يمسكه معاك وتحطين في فمه نقطنين وتمسكين خشمه لين يبلع وكذا
المشكلة لو دوا واحد اهون بس مجموعة الله يعينك المرة الجاية قولي للدكتورة لان في ادوية للحديد مخلوطة بفيتامينات على الاقل لو دوا واحد بيكون اهون
وصراحة الله يعينك
فعلا واجد أعاني لما يمرض ولدي لأنه الأدوية عدوته
وفكرة أني أمسك خشمه لين يبلع الدوا هادي جديدة عليي بحاول استخدمها معاه(y)
حاليا أني أخذت له بسكوت فارليز وخلطته ليه مع عصير برتقال وأعطيه ملعقتين ثلاث وبعدين أضيف دوا الحديد إلى البسكوت وياكله عادي تطوف عليه 
بس المشكلة في الفيتامينات بس أقربها ليه يشمها وما يرضى يفتح فمه
فأضطر أني أخلي أحد يمسكه وأعطيه بالغصب .. الله يعينا بس