شخباركم
وحشتوونا وااايد
بس للاسف الأمومة تعابتني وايد وعندي حالة اكتئاب من كثر ما ولدي يصيح 24 ساعة خاطري اشوفة مبتسم حتى عمتي ام زوجي تكره الصغير بسبب صياحة وما تاخذة فما اطلع مكان وحرمت الطلعة يا ناس
المشكلة ان ولدي الي الحين صار عمره 3 شهور ودخل في الشهر الرابع يعاني من غازات حادة مع اني ارضعة طبيعي واشربة ماء مرقدوش وماء الحلوة حتى ماء اللبان عطيتة وهم مثل الشي احاول اجشيه بعد الرضاعة ساعات يتجشأ ساعات لا ..والله الغازات منفخة بطنه تنفيخ حتى وهو يرضع يصيح ما يقدر يكمل الرضاعة وبس عشان جدي تصير رضاعتة ناقصة ومو منتظمة فيرجع ثاني يعطش ..وطول يومي حاملتة اتمشى فيه يا اسكتة يا اجشيه حتى في شهر رمضان زين ما متت لان شغل البيت على راسي وفوق هذا سهر وقلة نوم واجهاد من التربية وانا هم بعاني من هالغازات واحيانا امساك واحاول قد ما اقدر ابتعد عن الاطعمة الي تجيب الغازات وهم اشرب مرقدوش
افيدوني يا اصحاب الخبرة بالنصائح عشان اعيش مرتاحة
:L:
انصحش بمغلي الينسون
اخذي ينسون من الحواج واغسليه واغليه لمدة خمس دقايق وضيفي معاهم قطعة صغيرة كلش نباتة
وشربيهم ولدش
وان شاء الله الغازات كلها تطلع منه ويمشيه بطنه ويرتاح وانتين هم ترتاحين
وانتين بعد حاولي ما تاكلين الاكلات الي تسبب الفازات مثل البقوليات والذرة والربيان والمانجو
تقدرين بعد تعطينه ماي الحلوة المخصص للاطفال وماعليه شر ان شاء الله
ويارب تبشرينا باخبار حلوة
انا جربت ماء الحلوة الي في الغراش الجاهز وماء المرقدوش المخصص للاطفال
بس صار ما يتقبل يشربه من الرضاعة حتى لو محلى بالنباتة
بحاول وياه بعد وبشوف!!
واذا ما نفع وياه بجرب مغلي الينسون
ما احد مرت عليه او شاف نظام معين نفع ويا الرضيع !
وكمان عليكي من بعد الله بالنعناع خذي كم ورقة واغسليهم وحطيهم على ماء مغلي وغطيهم دقايق ثم صفيهم ولم تبرد شوي اعطيه وحليهم بسكر نبات ان شاء الله من وقتها حتسمعي الغازات وهي تطلع ويرتاح انا مرة اعطي ولدي نعناع ومرة يانسون وبينهم مرات اعطيه ماء غريب في موية دافية شوي
وماعليه الا العافية ولدك يارب جربي وخبرينا ولو بغيتي شرفينا في تجمع امهات شوال فتحته نجد الله يخليها وكثييييييير بنتعلم من بعض تعالي استفيدي
استخدمي مغلي الكراوية
مغلي اليانسون
من عند محلات المكسرات يبيعوهم
أول مراا أسمع المردقوش لأطفال
النعناع بعد مفيد و مهدىء
أمي الله يحفظها كانت تسوي لنا حركة و احنا بيبيهات و ممغوصين
لفي قماط البيبي ( أعتقد كذا يسمووه )
على بطنه
يعني اطويه بحيث يكون مستطيل و تالي لفيه على بطن البيبي بقوة
يكون راخي شوي
و شربيه مغلي الكراوية
و شوي ماي دافي
و حطيه على بطنه
الله يهديه و يرتاح بالك
بس نصيحتي انا انتي كمان اشربي يانسون … نعنع … كمووون رااائع
ولما انتي بتشربي طفلك بيرتاح ان شالله لان يوصله هالشي ايضا مع حليبك
وقد ماقدرتي ابتعدي عن الاكل اللي ينفخ مثل البقوليات والبهارات لانها السبب الرئيسي للنفخة
وبعد كذا قالت لي أمي الله يحفظها انومه على بطنه وبالفعل سارت الغازات
بس على فكرة خذت فترة لين ما سارت
فيه عشبه اسمهاالشيح معروفه فيه مثل يقول الشيح عدو الريح …اشربيها زي الشاي كل يوم
وبالنسبه للنونو شكل غازاته منك انتي عموما اعطيه كمون افضل شي يمشي مع اولادي واتحملي الصغار مع نهاية الشهر الرابع تخف عنهم الغازات واذا انتي عالجتي نفسك حيتحسن وضعه
عليك بتجنب الاكلات اللي تسوي غازات واهتمي بعد كل رضعه ان يتجشع البيبي والافضل الذهاب الى الدكتوره بتعطيك دواء قبل الرضاعه نقاط تساعد على طرد الغازات
وبالشفـــــــــــــــــــــــــــــــــــــاء