أنقذي ذكرياتك البسيطة من سلة المهملات معي وبالصور 2024.

هلا فيكم يا بنات

هذي بعض من أفكاري وتجاربي، أتمنى إنكم تستفيدوا منها وما تكون مكررة:

أعتمد على صنع أشياء حلوة من البقايا البسيطة اللي عندك في البيت، وما تهون عليك ترميها..

وبإذن الله بحاول أخلي الموضوع في سلسلة:

الحلقة الأولى تختص بالورد الذبلان..

تابعوني…

إذا كنت مثلي ما تهون عليك أغراضك، وتحاولي دايما تسألي نفسك قبل ما ترمي أي شيء مرتبط بمناسبة..
بتكون أصعب هدية ممكن تنهدى لك هي الزهور،، والسبب إنها يا دوب يومين ثلاثة ومهما حاولتي وتألمتي.. بتشوفيها تذبل قدام عينك وما تقدري تسوي شيء..
وبعدها ما تعرفي شو تسوي فيها، وما تهون عليك ترميها لأن لها ذكرى.

فكيف تتصرفي؟؟..

تعلقي الزهور بعد ما تذبل بالمقلوب في مكان بعيد عن الشمس لمدة أسبوع أو أكثر لحد ما تتأكدي إنها جفت..

طبعا بفعل الجاذبية بتصير مستقيمة مو مثل ما كانت منحنية بحزن..
والحين ممكن تستفيدي منها بأكثر من طريقة,,

تابعي وتعرفي..

(1)
إذا كانت الزهور في الأصل مغلفة بطريقة حلوة وفيها ألوان مختلفة، أزرق وبنفسجي وأبيض، والتغليف ما هاين عليك ترميه.. فلما تجي تجففيها.. علقي الباقة كاملها بالمقلوب.. وبعدين بتعطيكي بنفسها شكل جميل، ممكن تحطيها بعد كذا على طاولة أو خزانة قصيرة سطحها فاضي، أو إذا عندك مندوس أو صندوق خشبي كبير حاطة فيه أغراض.. ممكن تخليها فوق الأغراض،، وبالتالي بتكون أول شيء تشوفيه أول ما تفتحي المندوس.

(2)
لما تتجمع عندك كمية مناسبة ممكن تجففيها كل وحدة على حدة وبعد ما تجف ترتبيها بطريقة حلوة وتحطيها في فازة وتصير عندك مزهرية ما تذبل، وألوانها حلوة.

(3)
طيب الوريقات اللي تتساقط من الزهرة قبل ما تذبل.. أو الزهرة اللي تتفتت، ترميها؟
طبعا لأ..
تحطيها في كتاب أو دفتر قديم،، مثل زمان أيام المدرسة.. كنتوا تسووها؟
ويعد فترة.. قولي أسبوع أو إثنين
بتصير عندك أوراق زهور جافة،
وممكن تحطي أوراق شجر أو الأوراق الخضراء اللي تجي مع الزهور وبتصير عندك مجموعة ممكن تستغليها كالتالي،
– تزيني بها بطاقات من صنعك

– تزيني بها ألبوم الصور، وتعطيه شكل مختلف

– تجيبي ورقة مقواة وتزينيها بها وبعدين تستخدميها كمفكرة تعلقيها في ثلاجة المطبخ، أو على باب البيت من الداخل، تكتبي فيها كلام حلو في الليل قبل ما تنامي ولما يقوم زوجك الصبح يقراها وهو طالع من البيت رايح الدوام

– بالمختصر ممكن تستخدميها بطرق كثيرة،، انتي بس شغلي مخك.

(4)
في طريقة ممكن تستغلي فيها الأزهار الصغيرة أو الورود اللي ما يعجبك شكلها بعد ما تجف، أو اللي بعد ما تجف تنكسر من ساقها وما تقدري تحطيها في فازة.
في هذي الحالة ممكن تشيلي الساق منها وتخليها مثل ما هي
أوتفتتي أوراقها (يعني مثل لما تطلع في التلفزيون.. بيحبني ما بيحبنيش)

وإذا عندك بذور أو أوراق خضراء جافة ما عارفة كيف تستخدميها ممكن تحطيها معها
الحين تقدري تعطريها وتستخدميها بطريقة من الثنتين:

أ) تجمعيها في فازة واسعة أو سلة أو زجاجة شكلها حلو وتخليها على طاولة الأكل، أو في المطبخ قرب المغسلة، أو في الحمام

ب) تحطيها في كيس قماش صغير وتعلقيها في السيارة أو في خزانة الملابس..

(5)
ممكن تستخدمي الزهور الجافة في تزيين الزجاجة اللي تحفضي فيها زيت الشعر أو زيت المساج..
وفي هذي الحالة إما إنك تدخليها في الزجاجة قبل ما تجف بالكامل عشان تكون مرنة وسهل انك تدخليها، أو بعد ما تجف،، تدخلي أوراق الزهور الجافة،، بتترسب في القاع وبتعطيك شكل جمالي،، وإن شاء الله ما منها ضرر على شعرك.

(6 )
ممكن تستخدمي أوراق الزهور الجافة بعد ما تعطريها (الأمر إختياري)، ومعها لؤلؤ صناعي(بلاستيك) ، وريش إذا عندك وحدة من مسكات شعرك اللي فيها ريش انكسرت ممكن تستخدمي الريش اللي فيها خصوصا اذا لونه حلو، وقصاصات أوراق ملونة ممكن تقصيها صغيرة صغيرة، أو تقصيها بأشكال مثلا قلوب صغيرة أو نجوم، أو تقصيها على شكل أشرطة طولية وتسحبي عليها بالمقص أو المسطرة بحيث تصير لولبية.. يعني مثل الشريط اللي مربوط في الوردة هذي:

الهدف هو انك ما تشتري شي.. يعني تستخدمي الأشياء اللي عندك في البيت فعلا
والحين ممكن تحطيها كزينة لعلبة الهدايا اللي تريدي تهديها، أو إذا في حد أهداك شيء في علبة وتريدي تحتفظي بعلبة الهدايا وتزينيها ممكن تحطي هذي الحركات فيها وتستخدميها لحفظ أي شيء عزيز عليك

(7)

والحين هذي صور لأفكار مختلفة ممكن تستخدمي فيها الزهور المجففة..

ينفع تستخدميها لزينة الهدايا وتغليفها

حركة حلوة..

اصنعي منها لوحة…

زيني بها درع تهديه لشخص عزيز، أو تكتبي فيه تذكار لمناسبة غالية..

ممكن تزيني بها الشموع اللي تصنعيها أو اللي تشتريها جاهزة..

باقة العروس.. ممكن تصنعي منها لوحة وتذكار..

شكل من زهور ونباتات مجففة..

ممكن تخيطيها على شكل عقد قبل ما تجف.. وإذا تحبي الحركات الجريئة.. ممكن تلبسيه كعقد أو تحطيه على شكل طوق فوق شعرك..

هذي الحلقة انتهت..
وأرجو انها تكون عجبتكم وتستفيدوا منها..
واللي عندها أفكار بهذا الخصوص يا ريت تذكرها..

تحياتي..

جزيرة الشوق

رووووووووووووعة الله يعطيج العافية

أفكار رائعة جداً

اقتباس

	باقة العروس.. ممكن تصنعي منها لوحة وتذكار..

وااااااااااااااااااااااايد خلوة فكرة مسكة العروس

أنا بالإنتظار تكملين الأفكار