(r)(r)(r)
والله اول مرة احط موضوع جديد او خاص بالاحرى… ووالله مستحية لان اول موضوع لي طلب…
يعني ياويه استح…:o:o:o
المهم والله لو ماكنت محتاجة وادري ان شاء الله وباذن الله بحصل عندكم الحل جان ماطلبت منكم…
مشكلتي اهي…
احنه كل اسبوع نتجمع انه وصديقاتي 2 وانه اكون الثالثة… كل اسبوع بيت وحدة يعني كل خميس… وهالعادة من زمااااااان نسويها صيف شتى ربيع خريف… دوام اجازة على طول… المهم كل مرة لما ييون بيتنا احس اطباقنا تكون مكررة حق العشى 🙁 وسعات احس صديقاتي خلاص تمللوا من نفس الاطباق… سعات اقولهم خلاص راح نطلب من بره شوفوا انتوا اختاروا اللي تبون تاكلونه وعلي الدفع …وهالاسبوع راح يكون في بيتنا…
حاليا احنه في عطلة الصيف الوقت طويل… واقدر اروح السوبر ماركت اشتري الاغراض ويكون لي مزاج ادخل المطبخ … يعني مب انه الوالدة اللي يخليها لي… فقلت راح اطلب منكم تعطوني اطباق جديدة وسهلة… منها مقبلات والاطباق الرئيسية والسويت … وصديقاتي من النوع اللي يحبون يجربون الجديد في الاكل … يعني طبق جديد وشكله جديد وايد يحبون هالسوالف… مو مهم حار بارد ثقيل خفيف…
المهم يابنات ياحلوين ياعروسات… اللي ابيه منكم اذا ماعليكم امر كل وحدة عندها فكرة جديدة او طبق جديد وغريب… بس ياريت تكون مقاديره متوفرة … تعطيني اياها لاني تعبت وانه الف في المنتدى ومو عارفة دار راسي احترت…
فقلت اكيد العرايس ماراح يقصرون معاي وبيعطوني افكار واطباق جديدة….:bigsmile:
فياريت ماتتاخرون علي في الرد لاني في امس الحاجة لكم 🙁 وخاصة ان التجمع يوم الخميس هالاسبوع بيكون في بيتنا … اتمنى انكم ماتهملون طلبي وتاخذونه على محمل الجد…:sad::bigsmile:
ومع السلامة والى اللقاء..
ادخلي على الأقسام الموجودة في هذا الركن
عندك قسم خاص بالمقبلات وقسم عن الحلويات وعن الاطباق الرئيسيه
ونقي اللي يصلحلك
كنت أتمنى افيدك أكثر من كذا
ودمت بود وبارك الله لكم في هذه العاده
وموفقه الغاليه
انا احب اتفنن في التوست يعني سندويشات اقطع التوست بالقطاعه او بالكوب المهم واحشيه جبنه
كيري او المراعي او بيض مسلوق واخلطه مع المايونيز المهم احشيه باي شي طبعا في النص
ومن الاطراف ادهنيه بالجبنه واضغي عليه اشوي واقليه في الزيت وبالهنا والعافيه
والسموحه ما رحبت بج في البدايه قلت الحق واساعدج اول
مرحبا مليون