انا طالبتكم في مساعدتي تراني في ورطة
بدخل في الموضوع وبدون مقدمات احسن
تراني وحدة احب احط مكياج لخواتي وصديقاتي وكلهم يمدحون مكياجي وشجعوني اني اشتغل في صالون
ولما رحت بشتغل في صالون جديد للحين ما فتحو تفاجأت أن راعية الصالون تبيني انا اروح معاها واشتري عدة المكياج كاملة الي نحتاجها حق الصالون
😥 بس أنا حبايبي ما عندي خبرة عدل بكل المستلزمات الي بنحتاجها انا اعرف احط مكياج بس ما اعرف اتشرى عدل
ابيكم تساعدوني وتقولولي بالتفصيل شنو احتاج وقولو لي الماركات بعد
طولت عليكم وايد بس اسمحولي
بااااااااي
انا ماعندي خبره .. بس حبيت ارد عليك
اتوقع اهم شي تشترين الفرش اللي للظل كذا نوع العريضه
والنحيفه واللي نهاية شعر الفرشه مايل وفرشة الكحل النحيفه مره
واللي للبلشر احمر الخدود الكبيره وتكون من ماركه ممتازه
مثل ماركة ماك ..
وتشترين كمية اسفنج للميك اب
وتشترين رموش تركيب
وتختارين علبه كبيره تحتوي على الوان مختلفه من الظلال من ماركة
ماك او ميك اب فور ايفر ..او ديور انتر ادرا
وتختارين الكحل القلم العادي والايلاينر اللسائل من ماركة لانكوم
والماسكارا..
والميك اب والبودره اللوس والمضغوطه عندك ماكس فاكتور
او ميك اب فور ايفر او انتي ادرا حسب خبرتك
اختيار الميك اب والارواج ومحدد الروج
ولا تنسين منظف المكياج ….و الكريم المرطب قبل المكياج
ووو الكونسيلر خافي العيوب..
انا عن نفسي احب الوان شانيل في الظل والارواج.. وفيه ظل للعيون
من ديور توه نازل حلو كثير فيه لمعه..
سامحيني عالتقصير وان شاء الله البنات يفيدونك اكثر
والله يوفقك يارب ..قولي آمين:smile:
ولا تقلقي او تخافي احنا بنات عروس معاك دايما وفي الخدمة …
شوفي ارين انتي بتشترين مستلزمات المكياج ,,, ورح تعملين في صالون يعني في زباين من مختلف الاذواق ………… ومختلف انواع البشرات والالوان …….. وجايين يتمكيجوا لمناسبات مختلفة …..
يعني رح تحتاجي
اساسات للبشرات الدهنية والجافة والعادية مع بودراتها ودرجات مختلفة حسب الوان البشرة ………… انصح بالاساس السائل هو افضل من الستيك ….. من ناحية سهولة التحكم فيه … في ماركات مختلفة حلوة في بودي شوب ( خفيف) وماك وماكس فاكتور ونيفيا .. وكفرمارك للمناسبات الكبيرة
ماسكرا لانكوم او نيفيا او ماكس فاكتور
كونسيلر لاخفاء العيوب ايضا عدة درجات ….
روجات مختلف الالوان ما تدرين يمكن الزبونة تبي لون غامق مع انه الموضة الفاتح …. روجات نيفيا حلوة ……
قلم للعين ,,,, أي ماركة بس يكون اسود
ظلال للعيون ……. يحتاجلك تشتري البوكس اللي فيه جميع درجات الالوان ,,,
ظل للعيون اسود يفضل من ماك
جلوسات ,,,, فاتحة وشفافة
منظف الميكاج واعواد قطنية حقت الاذن لاي خطأ يحصل المكياج … ممكن ستراس فضي اللي ينحط عالوجه …
قلم حواجب يجي معاه مشط في غطاه …
سبراي لماع
على فكرة الماركات ما تعمل مكياج حلو ممكن تشتري ماركات حلوة ومعروفة زي لوريال ونيفيا وماكس فاكتور وافون مو غالية وايد اهم شئ شغلك الحلوووو
احمر خدود بلاش بلون زهري , خوخي , وردي , بيج
فراشي مكيااااج مختلف الانواع والاحجام :shy:
اتمنى اني افدتك او اعطيتك افكار حق عملك
تحياااااااااتي
توووووووووووتة
اتمنى من الأخواتي الي ما ردو علي وبعد عندهم خبرة يزيدوني اكثر وكثر وبكون شاكرة لكم
بااااااااااااااي
أللي تعرف تحط ميك آب لها ولغيرها لازم تعرف شنو الأدوات والمواد وألا انتي بشو تحطين الميك آب؟؟؟؟؟؟؟؟؟؟:s2
وبخصوص عدة المكياج أقترح أن تشترون أستاند كامل من ماركة معينة طبعا ممتازة ….. مثل استاند محلات التجميل لأنه يشتمل على كل شي
واختاري الماركة المرغوبة والثابتة مو بس الأسم …..وأتمنى لك التوفيق و …….لا …….تنسيني ………في ………العمل معاكم ……………
على فكرة الإستاند ممكن تشترونه من الوكيل المعتمد للماركة …………..
أنا استفيد منكم … حبيبتي مذهلة البحرين انتي اظاهر ما فهمتي علي قلت لج انا كنت احط في البيت حق صديقاتي وخواتي يعني ما عندي الخبرة الكافية بالصالونات شنو يستخدمون وشنو الماركات واظن ان صديقاتنا العضوات فهمو علي
حبيبتي ( كيفي دلوعة) يا ريت تكوني معانا نحنا نتشرف بيج لكن ما اعتقد راعية الصالون تبي موظفات زيادة خبرش الصالون يعني صبري شوي لين يتوسع وينشهر
Dubai 2 حياش الله معانا ويا ريت الكل يستفيد
معقم الفراشي وهذا بالنسبه لي شي مهم ويضمن لج فراشي نظيفه
وانا جربت معقم فور ايفر جيد ما اشتكي منه واذا شي معقم ثاني فلا بأس منه
اتمنى افدتج
تمنياتي لج بالتوفيق
انك راح تحطين بودره على الجسم مستحيل
تستغنين عنها خصوصا" لما تكون الزبونه عندها مناسبه ولابسه
فستان كات (يعني الذراع مكشوف مثلا")
راح يكون لون الوجه غير ولون الجسم غير فلازم تحطين بودره
فانصحك ببودرة سمركيك:shy:
وثانيا" لاتنسين اللامع(اللمعه) اللي ننثرها على الوجه والشعر والجسم
علشان يطلع شكلك يبرق كنك نجمه
وطبعا" في منه الوان
وبعد لاتنسين اشتري قد ماتقدرين من الوان المحدد
لانك ممكن راح تستخدمينها بعد في الرسم على الوجه قصدي رسم
نجوم اوقلوب او زخرفه بسيطه لان هالحركات دارجه هالايام اللي هو الرسم على الوجه
ولاتنسين اشتري(فصوص كريستاليه) ماادري ايش تسمونها
علشان تزينين ابهاالوجه
ويجيك منها اشكال على شكل دمعه على شكل نجمه على شكل قلوب اشكال واشكال
وعلى فكره بعضه يجيك لازق منه وفيه يعني عليك بس تثبتينه على طول في الوجه
وبعضه حصوصا" الفصوص الصغيره مررره هذي تحتاج انك تشترين معها صمغ خاص لتثبيتها على الوجه(كان ودي اقولك اسمه بس مااعرف لكني يوم كان عندي مناسبه وكنت طالبه من الكوافيره اللي تمكيجني تحط فيني مكياج هندي وتحط فوق حواجبي هالكريستالات شفتها تثبتها
على وجهي بالصمغ الخاص هو على شكل عصره صغيره وماشاء الله ظلوا ثابتين لنهاية العرس لحد ماشلتهم انا بنفسي)
ولا تنسين بعد المسكرات الخاصه بالشعر ومنها الوان
علشان تخصلين الشعر باللون المناسب مع فستان الزبونه اذا كانت تبي خصلات
وكذلك الرشات الملونه الخاصه بالشعر
ولاتنسين الورود الجففه المنسقه باشكال عده والوان عده
علشان نثبتها على التسريحه
واذا تذكرت شي ماراح ابخل عليتس
ماشاء الله علي خبره من كثر ماروووح هالمشاغل
ولاحتى من كثر مانروح احفظوا اشكالنا:pain:
فلوسنا راحت على هالمشاغل:confused: ودي بس اضبط المكياج صح
علشان استغنى عن المشاغل بس في التسريحات مانقدر نستغنى عنهن