السلام عليكم يا بنات
أنا الله يسلمكم صاير لي فتره والده و من ولدت وولدي متغير علي 180 درجة و هل شي ذابحني و مسبب لي ازمة نفسية لدرجة ساعات احس بانفجر و آقعد اصيح
يعني باقولكم قبل اشلون كان معاي كاان مب بس يحبني إلا يعشقني و ما يرضه علي و حتى الكل يقول لي اول مره انشوف ياهل هل كثر يحب امه
و حتى في المستشفى اشلون كان الكل يستغرب لأنه يبيني و يبي يرقد يمي و يبيني اقص عليه قصص لدرجة احرجني جدام ضيوفي
و من رديت البيت وهو منقلب علي صار يكررررهني و ما يحبني صار عنيد و نحيس و زعوووول لأتفه الأسباب و يطالعني بنظرات كلها غضب .. و ما يسمع كلامي و لا اييني
اتصدقون اذا اقوم الفجر اشوفه يرفس و يكفخ في روحه حتى وهو راقد!!
اقول معقوله كل ذي من الغيره ؟
بنات اشلون اتصرف معاااه تعبني تعبني تعبنييييي و ذبحني
عمري الله يساعدج مشكلتج تعور القلب
ماعندي فكره بهالاشياء بس قد ماتقدرين تفنني بطرقج عشان تجذبينه لج
وسويله الاكلات الي يبيها ويحبها وزينيها له.. و اممممم مادري شاقولج ماعندي فكره
وانتي بعد اقري عليه دوم وهو نايم
يمكن عين اسم الله عليه بعد ماشافوه الناس واستغربوا من حبه لج مثل ماقلتي
الله يهديه ويصلح باله
اختي عيون جزاج الله خير
بس والله ما توقعت كل هل تجاهل من العضوات لموضوعي
الله يعينك
اولا اقرأي المعوذات واية الكرسي وكرريها عليه
ثانيا حاولي تحضنيه وتضميه حتى لو عاند
اشتري له هدايا يحبها وخبريه انها علشانه لانك تحبيه
اقرأي له القصص اللي يحبها وحتى لو تجاهلها استمري عليها
حاولي تعوضيه بحنانك وتحببيه للمولود الجديد وتعطيه هدية وتخبريه انها من اخوه او اخته
وبعدين خليه يشارك في عمل الرضعة او مثلا يجيب لك الحفاظ او اي شي من هالقبيل وتخبريه ان النونو يحبه
وتعاملي معاه بهدوء لا بالعصبية وان شاء الله ربي يهديه
اولا اقرأي المعوذات واية الكرسي وكرريها عليه
ثانيا حاولي تحضنيه وتضميه حتى لو عاند
اشتري له هدايا يحبها وخبريه انها علشانه لانك تحبيه
اقرأي له القصص اللي يحبها وحتى لو تجاهلها استمري عليها
حاولي تعوضيه بحنانك وتحببيه للمولود الجديد وتعطيه هدية وتخبريه انها من اخوه او اخته
وبعدين خليه يشارك في عمل الرضعة او مثلا يجيب لك الحفاظ او اي شي من هالقبيل وتخبريه ان النونو يحبه
وتعاملي معاه بهدوء لا بالعصبية وان شاء الله ربي يهديه
ايسمار مشكورة عمري و كلامج تحت التطبيق