للطابخات المهره في مجال الطبخ الايطالي ابي اعرف كيفية عمل
الباستا الايطالية والي تباع في سلسلة مطاعم يم يم تري
وخصوصا طريقة عمل السوس البيضا
ولكم مني جزيل الشكر
تحياتي :cool2:
نور العاشقين
ومن كثر حبي لها سألت الطباخ عن الصلصه وشنو مكوناتها:cool: أتصدقين ما رضى يقولي عن مكوناتها وقال أنها أساسا تصنع من الجبن وبـــــــــس:eek: غير جذيه ما قال شي.. يا ليت لو عرفتي أشلون الطريقه تعلميني عليها أوكيه حبيبتي عزيزاتي .. انا بقول لكم عن الطريقه ترى اخوي سندرني وهو يشرحها لي وقول لي عنها واخر شي وداني هناك واكلتها واستنتجت مكوناتها .. واذا تحبون تسونها هذه هي الطريقه تراها عباره عن باشميل خفيف
طبعا ما عندي مقادير ..
ملعقتين طحين عادي رقم واحد يعني
كاسين حليب
كريمه خفيفه تباع في السوبر ماركتات وتجي في كاسات مثل الروب او في علب في صغار بحجم علبه السن توب وفيه حجم كبير .. واذا ما حصلتوا استعملوا القيمر بس الافضل الكريمه بس تكون بلا سكر انتبهوا
جبن ما زرولا علي حسب ذوقكم يعني اذا تحبون الجبن وايد علبه كامله
الطريقه:
في الخلاط الكاس ضعي الحليب والطحين وخلطيهم زين وبعدين ضعيهم في قدر عل يالنار مع التحريك المستمر حتي لا يتكتل .. وبعد ما يطبخ اضيفي الجبن المازرولا مع التحريك الي ان يذوب .. وفي الاخير ضعي الكريمه ولا تخليها علي النار وايد بس الي ان تمتزج زين شيلها ….
وطبعا قبل ما تضيفي الجبن والكريما تشوفينها اذا صارت وايد غليظه زيديها شوي حليب بارد وحركيها زين لين تصلين الي المطلوب واذا تريدين
مقدار اكثر ضاعفي الكميه… واضيف الملح والفلفل علي كيفك
طبعا تكوني مجهزه الباستا ومعها اي خضار تحبين مثل البروكلي و الكوسا والفاصوليا الخضره وممكن ربيان و سجق وتصبين عليها الصوص
طبعا الخضار تكون مسلوقه خفيف مو كلض تنضجونها .. وبس وان شاء الله تكون هذي المطلوبه حاولا وخبروني ولكم تحياتي
على فكرة انا وايد احب هالاكلة
تحياتي لكم جميعا
نبراس الحياة