ابي حل حق المسام والبشره الجافه 2024.

لأن بعد تنظيف البشره تكون المسامات مفتوحه .. فالأفضل بعد غسل الوجه و تنظيفه آخر شطفه تكون ماء بارد او مثلج ..هالخطوه راح تغلق المسام .. وكذلك تمنع تجمع الاوساخ داخل المسامات اللي ممكن مع الوقت تصير رؤوس سوداء ..

والافضل اول ماتقومين من النوم وبعد غسل الوجه تمسحين الوجه بقطنه مغموسه بماء ورد .. والافضل تكونين محتفظه بماء الورد في الثلاجه بعد كل استخدام ..ماء الورد ممتاز فهو تونر وقابض مسام طبيعي ،، ويعمل على توريد البشره ..

ولأن بشرتج جافه ،، الافضل تستخدمين تونر طبيعي لأن التونر اللي ينباع جاهز غالباً راح يزيد من مشكلة جفاف بشرتج ..

اساسيات العنايه بالبشره وهي :

غسل الوجه و تنظيفه .. الافضل تستخدمين الغسول الكريمي او الغسول او الصابون اللي من مكوناته زيت الزيتون .. في صابونه في الجمعيات اسمها فاشكول بزيت الزيتون وهي ممتازه ..

المقشر .. تستخدمين مقشر مناسب لنوعية بشرتج وانتبهي انه مايكون من النوع اللي ينشف البشره .. واستخدميه مره في الاسبوع عشان يشيل طبقة الجلد الميت ..

التونر او قابض المسام مثل ما ذكرت لج في بداية الرد .. ماء الورد ،، وممكن تخلطين مقدار من خل التفاح مع مقدارين من ماء الورد و تغمسين بقطنه وتمسحين الوجه بعد الغسل والتنشيف .. وهو ممتاز لحل مشكلة المسامات ..

ولا تنسين اهميه الكريم المرطب خصوصاً وان بشرتج جافه ،، اختاري كريم مرطب قوي تستخدمينه مرتين في اليوم على الاقل

الماسكات و تنظيف البشره وهذي كلها اشياء دوريه لازم ترتبينها بحسب نوعية بشرتج وحاجتها ..