ابي طريقه لازانيا بس تكون لذيذة وتجنن وياليت لو تردون علي بسرعه :pain:
عندي لك طريقه تهبل
اولا اعملي صلصة طماطم كالتالي
كشني او خدلي البصل في الزيت ثم اضيفي له الثوم الناعم واخيرا الطماطم المعصورة ( اعصريها بدون اضافة الماء)
واضيفي اليها مكعب ماجي وملعقة او اثنين من صلصة الطماطم ( العلالي او السعودية ) واتركيها على نار هادئة لمدة ربع ساعة
ثانيا اسلقي اللزانيا في ماء به زيت وملح لمدة ربع ساعة
ثالثا حضري لحم مفروم معصج ( يعني ضعي اللحم والبصل والثوم في اناء على النار واضيفي له بهار مشكل وملح وشنبت او شبت واذا مافي مو مهم واتركيه على النار الى ان ينضج ويجف ماؤه)
احضري صينية مستطيلة وضعي في قاعها قليل من الزيت ثم ضعي اول طبقة من اللزانيا ثم طبقة من المفروم وطبقة من الصلصة وقليل من جبنة الموزاريلا وان كان عندك جبنة شيزديل المدخنة يكون افضل وكرري الطبقات بحيث تكون اخرها جبنة المزاريلا
على فكرة جبنة الشيزديل هي عبارة عن شرائح مربعة تباع في السوبر ماركت
وان وجدتيها ضعيها هي والموزاريلا ( اهم شي الموزاريلا)
وبالعافية عليك حبيبتي
واي استفسار انا جاهزة
انا بعطيج وصفة الزانياا الي انا اطبخها في البيت
وكلهم يقولون لي طعمهاا جنن وانشااء الله تعجبج
بس بقوله لج باختصاار واتمنى منج تفهميني
واذا كنتي شاطرة بالطبخ اكيد رااح تفهميني:z_cool: :z_cool:
اللزاانياا
اولا : تحضرين صلصة المعكرونه الحمرة وسب الرغبة باللحم المفرومم او بالدجاج المفروم ضايفة عليها البهاارات ونكهتج الخاصة
ثانيا تحضرين صلصةالبشمل البيضة (طحين وزيت وحليب وبيضة وملح وبهار) بس تكون سايله شوي
ثالثا: المعكرونه الصفائح الازانياا الي تنباع في الجمعية حطيها في قدر كبير مليان ماي مغلي وعلى الناار حطي 6 قطع تقريبا ولا تنسين معلقة الزيت والملح في ماي المعكرونه وخليه ربع ساعة لين تصبح المعكرونه لينه وقابله للقطع نزليها من الماي الحار بحذر قبل لا تنقطع وحطيها ماي بارد فاتر
طبعا انتي تكونين محضرة صينه تيفال مستطيله ودهنيها بملعقة من البشمل وحطي اول ثلاث قطع جنب بعض وبعدين حطي كمية من الصلصة وشوي بشمل بعد وحطي 3 القطع الثانية وعيدي نفس الطريقة لين ما ما تخلص الكمية
طبعا بتكون اخر طبقة معكرونه حطي كل كمية البشمل ورشي عليها بجبنه البيزا دخليها الفرن النار من تحت ولما تندا تستوي من الاطراف تبين انها بدت تستوي خلي النار من فوق لين ما يحمر وجه المعكرونه
وبالهنااااء والشفاااء
هـلا شعشبونة
وأخــواتـــنـــا مـــا قــصّــرن مـــعـــاج
والـطــريـقـتـــيــن حــلـوات وأنــــا مــجــربـتــهــن,,,,,,,,,,
وان شــاءالله تنـجـحـــيـن بـعــمــل اللـــي تــحــبيـنــهـــا
فــشـكــر اَ يــا همس الدجى
وشــكـــراً يــا أمواج الليل
اللزانيا اللي عندي طويله ولو اجيب اعرض قدر ماراح ينفع احطها الا اذا كسرتها وهذا الذي لا اريده
كيف اسلقها ينفع احطها في صينيه بايركس واسلقها…بالرغم اني افضل اسلقها بقدر …فكيف؟؟؟؟
انا اقترح انه بعد ما تسلقينها في القدر راح تكون طريه فبعدين راح يكون لك مطلق الحريه بالحجم بقطعها بالسكين بسهوله طالما هي مسلوقه لك تحياتي
اختك:خجوله
انا اقصد اني لااريد قطعها……..قبل السلق او بعده..فكيف؟؟؟
:shy:
مع اني اسوي معكرونة بالبشاميل .. و تطلع روعة .. بس مادري ليش خايفة من اللزانيا .. 
اول شي تسلقين اللزانيا ..تقريبا 15 حبة بس انتبهي لا تسلقينه وايد عشان ما يطلع لين…يعني 4/3 سلقه..و حطي على المشخال بعد ما يجهز.
الصلصه:
4 ملعق طحين
2 ملعقه زبده
1ملعقه زيت
فلفل ابيض
5 اكواب ماي
10 ملاعق حليب بودره
1 مكعب ماجي
تذوبين الحليب في الماي و تخلينه و على النار حطي الزبده و الزيت و ضيفي الطحين فوقه و حركي لين ايصير كتله و بعدين ضيفي الحليب و حركي بالخفاقه و حطي بنفس الوقت الماجي و خفقي زين لين ما يغلظ و ضيفي عليه الفلفل وبس.
خلطة اللحم:
نص كيلو لحم مفروم
3 حبات جزر مقطع مكعبات او عو كرفس مقطع مكعبات
نص علبه معجون طماطم
2 بصل مفروم
2 فص ثوم مدقوق
شويه من الزنجبيل المدقوق
فلفل اسود
مكعب ماجي
حمسي البصل و الثوم و الزنجبيل و بعدين ضيفيه عليه اللحم و حركيه زين ما زين لين ما يتفرفت..ضيفي عليه معجون الطماطم و الماجي و الفلفل الأسود و حركيه و اخر شي حطي الجزر او الكرفس.
في البايركس حطي شويه من الصلصه في القاع و بعدين صفي شرائح اللزانيا لين ما تغطي القاع كله..و حطي فوق الشرائح شوي من خلطة اللحم و شوي من الصلصه و وزعيه و حطي فوقه جبنة الشدر و الموزيريلا و غطيه بشرائح اللزانيا و كملي على نفس الخطوات لين ما تخلص الكميه عندج يعني تكون اخر طبقه هي طبقة الجبنه و كثري منها لانها بتطلع يمممممممم
حطي البايركس فالفرن لمدة نص او ثلاثة ارباع الساعه على درجه حرارة 180 ..
و بالعافييييييه:cool2: