اخت الزوج من هي بالنسبة لكي ؟!!!!! 2024.

خواتي يايتنكم اليوم في طرح جديد او يمكن يكون قديم وانا ماقريته :shy:

المهم حبيت اعرف من كل متزوجه اخت أو خوات الزوج من يكونون بالنسبة لك

عدو أم صديق

نتمنى من كل متزوجه ان تنقل لنا وبكل مصداقيه عن علاقتها مع خوات زوجها أو علاقة خوات زوجها معاها

يمكن نقدر نساعد المتوهقه في اهل زوجها :cool2:

ويمكن نستفيد من المرتاحه في كيفيه التعامل مع الوحوووووووووووووووش :pain:

هاااااااااا شو رايكم موضوع حلو صح

يلا نبغي تفاعل اوكي

انا اخت الزوج …… وعندي ما شاء الله 4 اخوان متزوجين

ما اريد امدح نفسي ……. لكن عمري ما ضايقت حد منهن

ولو صار وغلطة بالكلام ………………..برد بستسمح منها

بس يالغالية اصبوعج مش نفس الشي

في من الناس …… طيب والله يخليه

وفي من الناس اعوذ بالله منه ……. شرير ويتمنى لج الشر

فعلا هذا صار لي

ان حرمه اخويه ……………………………. قامت تتطلع عليه سوالف

وتكلم عليه عند الناس باشياء لا تمت الى الواقع بصلة

ومخلتني الشريرة المسيطرة على حياتها السعيدة

هذا كلـــــــــــــــــــــــــــــــــــــــه

وانا ما اعرف

مع اني اكلمها وتكلمني

ولا جانه شي صاير …. فقط في تغير بسيط في تصرفاتها اتجاهي

ولكني لم الاحظ هذا التغير بحكم اني ما فكر بالناس بشي شين

لان الانسان يعامل الناس مثل ما يشوف نفسه

ولكن صدفة وياليته ما مرت عليه هذا الصدفة

اكتشفت المصيبة

و انفجر البركان

والحين لا اكلمها ولا تكلمني

ولا اعتبر انه موجودة في هذا الكون

لاني صدق انجرحت … جرح كبير

والحين يالغالية انتي خبريني كيف اتعامل مع هذا الوحش الذي يعيش وياكل معنا ويلعنا في قلبه

والله يسامح الجميع

هلا أختي ……..
بالنسبه لي أحس عمري بين نارين ما تعرفين تصدقين منوه…
اولا خوات زوجي فيه منهن طيبات وشريرات الطيبات 2وصارلي سنتين وشوي معاهن الحمدالله ماصار بينا شيء….
لكن الشريرااااات 4بين وقت وقت مشاكل وانا مالي دخل فيها مع انه الكبيرة معرسه وعندها عيال والثلاث في المرحله الاعداديه …..
النار الثانيه وهن حريم خوان ريلي …..
كل وحده منهن شايفه نفسها
اول مادخلت البيت قعدن يشحنني على اهل البيت ….وانا ما عندي خلفيه عنهم ..
لكن من وراي كلام عني وينقل الكلام لعمتيه وانا ما قلت …
اول كنت اصحاب معاهن لكن بعد بفترة شفتهن صارا ضدي بدون سبب فبتعدت عنهن لدرجه اذا كنتت قاعدة في مكان يقومن والكل ملاحظ هالشي ….انا من النوع اللي ما اتكلم على حد ….
بس ما عرف ليش يغارن مني ….
طبعي من النوع اللي يحب يتعدل واتلبس …..وانا لما يتهن ما كان يتلبسن يعني عادي .الكندورة غير لون الشيله ……
فلما شافني بدن يغيرن من عمارهن وبتعدن ………..علشان ما يسمعن مني من غيري انهن غارن مني ……
لانه هن من يشون حد سوى مثلهن يقعدن يرمسن عليه غار ….الخ فقلت يمكن بتعدن علشان ما يسمعن مني |……..
ا
في نضركن خواتي شو الحل معاهن
السموحه

انا اعتبرها مثل صديقتي

انا مب متزوجه

قريب ان شاء الله

بس عادي ارمسها كل يوم

وخاصة اذا خواته طيبات لازم نعتبرهم مثل الاصدقاء

والله انا كنت معتبرتها مثل اختي بس بعدين صار موقف وحمدت ربي ان زوجي ما عنده إلا اخت وحده والحين ابتعدت عنها

I have 4 they are all older than me, the youngest is 7 years older than me and my husband :angry: is 16 yrs older than me 🙁 . Their brothers wife is their cusin, who is as horrible as them.
We had good relationship before my marriage but they changed after that. I think they get jealous. the other problem is that they are all married but they still want to control my life and :angry: my husband. can you believe that they get jealous when we go out in weekends.

OOOOhhhh allah I dont know what to do. I ignore them. They are the most horrible ppl on earth. My mum used to help them alot but now they dont even see her once in a year.

ok Allah is with me and hope their daughters are treated the same when they grow up.

اخت الزوج اعتبرها اختي وصديقتي
وانا اخت زوج ايضا ولابد ان اكون طيبة مع زوجة اخوي
والانسان يعطي خير يلقى الخير امامه
وفق الله الجميع
ولا جعل مكان للزعل بيننا

دمتم سالمين
اختكم شريفة

انا في نظري اخت زوجي صديقه لي واخت صغيره انا فرحي يوم 1 سبتمبر بس كاتبه كتاب انا 22 سنه واخته لسه مكمله 15 يعني صغيره فبعاملها مثل اختي الصغيره وهي طيبه اوي ومالها اي تجارب في الحياه وبتعاملني بطبيعتها اما انا كاخت زوج لسه ما تم لان اخوي اصغر مني بعام بس ليه تؤام اختي ولما تحكي معي تقول انا ما اتخيل احد يأخذ اخوي مني بعد 21 سنه ما تفارقنا لحظه انا اموت من القهر بس انا عادي راح اعامل زوج اخوي كويس لان هي اكيد بتكون مستغربه التعامل معانا في الاول اسره جديده وعايله ما تعرف عنها شئ لازم نبقي اصدقاء عشان تحب عشرتنا والتعامل معانا واجتماعنا مع بعض

اقتباس

المشاركة الأساسية كتبها glilo

	انا اخت الزوج …… وعندي ما شاء الله 4 اخوان متزوجين ما اريد امدح نفسي ……. لكن عمري ما ضايقت حد منهن ولو صار وغلطة بالكلام ………………..برد بستسمح منها بس يالغالية اصبوعج مش نفس الشي في من الناس …… طيب والله يخليه وفي من الناس اعوذ بالله منه ……. شرير ويتمنى لج الشر فعلا هذا صار لي ان حرمه اخويه ……………………………. قامت تتطلع عليه سوالف وتكلم عليه عند الناس باشياء لا تمت الى الواقع بصلة ومخلتني الشريرة المسيطرة على حياتها السعيدة هذا كلـــــــــــــــــــــــــــــــــــــــه وانا ما اعرف مع اني اكلمها وتكلمني ولا جانه شي صاير …. فقط في تغير بسيط في تصرفاتها اتجاهي ولكني لم الاحظ هذا التغير بحكم اني ما فكر بالناس بشي شين لان الانسان يعامل الناس مثل ما يشوف نفسه ولكن صدفة وياليته ما مرت عليه هذا الصدفة اكتشفت المصيبة و انفجر البركان والحين لا اكلمها ولا تكلمني ولا اعتبر انه موجودة في هذا الكون لاني صدق انجرحت … جرح كبير والحين يالغالية انتي خبريني كيف اتعامل مع هذا الوحش الذي يعيش وياكل معنا ويلعنا في قلبه والله يسامح الجميع

انا قصتي تقريباً مثل قصتج بس الفرق ان خوات زوجي الأربعه كلهم مكونين عصابة علي

تقولين يالسه في حرب عصابات

والقهر فوق هذا كله جدامج يبينون انهم هم الفقاره المساكين والضحكه ماتفارق شفاههم

لكن غيبي انتي وتعالي شوفي الشاحن اللي يشحنون فيه راس زوجي يقولون زوجتك راحت , يت , قالت , شلت , حطت وهكذا

الله يعينا بس

نوووسه & الغالية22 & hajir & SHREEFA & amt_allah

خواتي شاكره لكم تفاعلكم

واللي مستانسه منكم الله يهنيها ويدوم عليها السعاده

واللي ضايجه ماقول غير الله يكون في عونها بس