عالم الماكياج ده عالم واسع وكل يوم فيه تطور في الأدوات والماركات والألوان وقبل كده استضفنا عدد كبير من خبراء الماكياج وقدمنا معلومات كتير تفيد البنات اللي عايزه تكون ليها استايل خاص في الماكياج بتاعها..
وطبعا كل خبيرة في الماكياج بتتميز عن غيرها في أسلوبها ومعلوماتها ونصائحها اللي بتقدمها وبنحاول نعرف من كل ضيف حاجات جديدة، ممكن تكون بسيطة وصغيرة لكن غايبة عننا وتفرق كتير مع أي بنت..
والنهارده معانا "راندا خيرت" خبيرة تجميل معروفة ولها استايل خاص جدًّا في الماكياج بتاعها وهي من الناس اللي مش بتأيد الماسكات الطبيعية الكثيرة علشان كده ده كان أول سؤال سألناه لما اتقابلنا معاها.
هل فيه بدائل آمنة عن الماسكات الطبيعية ومفيهاش كيماويات ولا تضر البشرة؟
أنا في البداية عايزة أفهّم البنات حاجة؛ لما أنا بقول إني أشجع استخدام الكريمات الطبية بدلا من الماسكات الطبيعية ده عشان سببين..
الأول: إن كتير من البنات والسيدات بيفرحوا بالماسكات لكن مش بيواظبوا عليها ويكسلوا يعملوها.
ثانيا: الكريمات الطبية آمنة ومفيهاش كيماويات ومنها ماركات معروفة بتكون نسبة تأثيرها على البشرة أسرع من الحاجات الطبيعية.
نبدأ بتنظيف البشرة، إيه البديل؟
أهم حاجة نبعد عن الصابون وفيه غسول للوجه "شاور جيل" و"كريم جيل" وأنصح باستخدام "شاور جيل"؛ لأنه بيلطف البشرة ولا يوجد به أي نسبة من الكيماويات.
والغسول يقلل الإفرازات الدهنية ويقلل نشاطها وبالتالي مش هيكون فيها حبوب؛ لأن الحبوب بتبوظ أي ماكياج حتى لو فيه كريم أساس وبعد كده نحط ماء ورد ثم نضع كريم ترطيب طبي.
وفيه بنات كتيرة فاكرة إن البشرة الدهنية لا تستخدم كريمات مرطبة وهذه معلومة خاطئة؛ لأن البشرة الدهنية محتاجة جدًّا تترطب علشان تكون نظيفة وتمنع ظهور البثور والحبوب والكريم المرطب الطبي آمن جداً وأي ماركات بتكون عندها كريم ترطيب وكل بنت تختار الماركة اللي تناسبها.
هل فيه كريمات طبية تعالج وتجمّل في نفس الوقت؟
فيه كريم طبي (EYE AND LIPCONTOUR Cream) وموجود في كل الماركات لعلاج العين والشفايف؛ لأن تحت الشفايف بيكون في تجاعيد بسيطة جدا وده طبعا قبل الماكياج . بمعنى أن نضع الكريم الخاص بالعين ثم نضع الكونسيلر وبعد كده بودرة لتثبيته وبعد كده نضع ماسكرا فقط وأحمر خدود وأوزعه على وجهي وملمع الشفايف وده أخف ماكياج مناسب للصبح في الصيف.
وهل الكريمات الطبية هي البديل عن كريمات إخفاء العيوب؟
لا طبعا؛ لأن الكريمات الطبية بتعالج على مدى فترات معينة لكن كريمات الإخفاء بتكون عاملة زي الماكياج بالضبط وبتداري العيوب السوداء والمناطق الغامقة مع كريم الأساس.
وكريمات الإخفاء موجودة في كل الماركات لكن فيه ألوان محددة لإخفاء عيوب معينة زي مثلا:
كريم الإخفاء "البني" لإخفاء النمش أما البقع الحمراء والحبوب نستخدم كريم الإخفاء "الأخضر" وكل عيب له اللون الخاص به.
عايزة كريم تقشير طبي بدون آثار جانبية؟
المشكلة اللي موجودة في كريمات التقشير إن نسبة الأحماض بتكون فيها عالية لا تتناسب مع البشرة المصرية العادية لكن فيه تطور حصل دلوقتي لكريمات التقشير وعندنا معلومات إن أحسن كريمات التقشير هي المعروفة بأحماض الفواكة وحمض A C T هو نوع معروف من فترة كبيرة ويمتاز بأنه يعمل تقشير متوسط ويعالج التجاعيد السطحية.
وهل أضع واقي الشمس قبل ولا بعد كريم الأساس؟
يستخدم الكريم الواقي قبل وضع كريم الأساس بحوالي 5 أو 10 دقائق.
منطقة العين معروفة إنها حساسة جدًّا وكل البنات دلوقتي بيحبوا يحطوا كونسيلر، تنصحيهم بإيه?
فيه نوع كونسيلر اسمها "LIFTING CONCEALER"، وده يعني شد العين وهي عبارة عن أنبوبة صغيرة نضع منها نقطتين تحت العين؛ لأن السائل بتاعها قوي والنوع ده موجود في كل الماركات وبيقلل التجاعيد والتكسيرات اللي تحت العين وفي نفس الوقت يشدها ويفتحها.
فيه بنات كتيرة جدًّا بتحب تتقل حواجبها لكن مش عارفين يستخدموا لون أغمق ولا لون أفتح من لون الحواجب الأصلية؟
لو عاوزة تتقلي الحواجب يكون بلون أفتح من لونها يعني لو لون الحواجب أسود نغمقها بلون بني غامق؛ لأن الزيوت اللي موجودة في شعر الحواجب بتتفاعل مع اللون وبتغمقه.
والبنات كمان محتارة بين أقلام الحواجب ولا آي شادو الحواجب؟
هو فيه دلوقتي تطور في أقلام الحواجب وهي أقلام خاصة بتكون ناعمة وبالنسبة لأقلام الكحل لازم تكون ماركة حلوة والأقلام الرفيعة تستخدم داخل العين والأقلام السميكة تستخدم من خارج العين بديل عن الآي شادو.
لكن فيه بنات بتقلق من قلم الكحل عشان بيسيح؟
النصيحة المعروفة بالنسبة لأقلام الكحل عشان المشكلة دي إننا نسخن قلم الكحل قبل ما نستخدمه.
بنسمع كمان عن كريمات ليلية هل هذه الكريمات تستخدم بالليل فقط وهل فيه كريمات للصبح؟
فيه كريمات ممكن نحطها الصبح وبالليل (THREE STEPS) يفضل في الليل وأنصح بعد سن التلاتين لازم نضع كريمات كثيرة وأنا مش عايزة أقول ماركات معينة؛ لأن فيه ماركات كثيرة كلها حلوة وعلى حسب إمكانياتك وراحتك للماركة.
وهل الكريمات الكثيرة المختلفة نضعها ورا بعض على البشرة؟
ممكن نحط كريم مختلف كل ساعة المهم أنه بعد كل كريم نغسل بشرتنا ويستحسن بين كل واحد والتاني حوالي نصف ساعة.
فيه بنات كتير بتعاني من عدم ثبات الماكياج خصوصا في فصل الصيف؟
أنصح باستخدام مثبت الماكياج ويوجد طرق تانية بسيطة زي وضع بودرة على الروج وبعد كده أضع ملمع بسيط.
فيه بنات متعرفش تضبط الماكياج هل فيه أدوات تساعدها على رسم عينها كويس مثلا؟
المهم قبل ما تحط ماكياج تعرف الأدوات المناسبة، فيه دلوقتي فرش خاصة بالماكياج، ولما البنت تروح لمركز التجميل تسأل عن الفرش المستخدمة لوضع الماكياج لأن فيه فرش مناسبة للجزء العلوي والجزء السفلي من العين وفيه فرشة بتوزع أحمر الخدود كويس وفيه فرش خاصة لكريم الأساس.
البنات زهقت من الآي لاينر الأسود هل فيه ألوان موضة السنة دي في الآي لاينر؟
السنة دي فيه آي لاينر أوكسديه وبترولي موضة جدًّا وبيتعمل سحبة بسيطة له؛ لأنه موضه جدًّا السنه دي.
فيه بنات بتعاني من الآي شادو إنه مش بيثبت وبيسيح إيه الجديد في الآي شادو؟
فيه مثبتات ماكياج جديدة جدًّا في الآي شادو وهي عبارة عن جزئين مع بعض:
الجزء الأول بيكون كريمي زي زبدة الكاكاو.
والجزء التاني وهو لون آي شادو البودر نفسه فنضع أول حاجة الطبقة الكريمي طبقة خفيفة بالفرشة ثم نضع فوقها البودرة أو الآي شادو نفسه وهذا النوع بيثبت اللون ويظهره أكتر.
وإزاي أضع الماسكرا بطريقة استايل؟
أفضل الماسكرا من فوق فقط ومن تحت القلم الكحل وأمرره على رموش الجزء السفلي وبحط ماسكرا كثيفة عند جذور الرموش للعمل على تفريقهم أما الكحل من تحت نضعه قريب من الرموش.
بعض البنات بيحبوا أن تكون منطقة الخدود مسحوبة على خط رفيع إزاي الماكياج يسحبها؟
نستخدم فرشاة كبيرة وشعيراتها ناعمة ونبتدي نحطه على طريقة حركات دائرية لتفريق وتوزيع اللون على الخدود وعشان نعمل سحبة للخد نحط أحمر الخدود غامق شوية على الأطراف الخارجية للوجه وإعادة رسم شكله البيضاوي ثم نحط على طرف الأنف لتصغيره وعلى الذقن العريضة لإخفائها.
يعني لو عاوزة تكبري الخدود حطي أحمر الخدود إلى أعلى الخدين صعودا ولو عاوزة تصغريهم حطي أحمر الخدود أسفل الخد يعني من وسط الوجه باتجاه الأذن.
إزاي أعمل ماكياج عيون مدخن "السموكي" مدخن؟
على فكرة بنات كتير جربوا الطريقة دي ونجحت معاهم وهي استخدام (عيدان القطن) يعني أضع الظل الدخاني وأغطي كامل الجفن المتحرك باللون الأسود أو أي لون غامق وبعد كده أستخدم عيدان القطن لتنعيم اللون يعني تسييحه في الأطراف الخارجية للعين.
هل فيه طريقة معينة لوضع كريم الأساس تمنع الترهلات والتجاعيد؟
أنصح بوضع كريم الأساس السائل وهو الأفضل لجميع أنواع البشرة وفيه دلوقتي كريم أساس واقي للشمس وفيه كريم شد البشرة والمهم أن اللون يكون قريب من درجة البشرة وطريقة توزيع كريم الأساس.
أولا بشكل عام منطقة الجبين من تحت لفوق وفي الخدود من أول الأنف حتى الأذن ومنطقة الذقن من تحت لفوق والرقبة من تحت لفوق فهي طريقة تشبه المساج. وطريقة توزيعه إني أبدأ بوضع كريم الأساس على الجبين وأنزل على الأنف ثم الخدود والذقن وبعد كده أمرر قطعة إسفنجية لامتصاص الكريم المتبقي ثم أقوم بوضع بودرة لتثبيته من نفس لون كريم الأساس.
وإزاي أظهر أن وجهي صغير ومسحوب بكريم الأساس فقط؟
لو مش عاوزة تحطي غير كريم الأساس تجهزي درجتين وتستخدمي درجة أغمق في منطقة الأنف وعند عضمة الخدود والدرجة العادية هي للوجه كله.
بعض البنات تعاني من ظهور بعض التجاعيد والتكسيرات حول الفم.. إزاي نداريهم بالماكياج؟
نستخدم قلم كونسيلر ونرسم خطوط عرضية زي شنب القطة ثم نقوم بمسحهم بسفنجة في الاتجاه إلى أعلى لإظهار الوجه مشدود.
وهل فيه طريقة خاصة لوضع الكونسيلر حول العين؟
طريقة وضع الكونسيلر هي أننا نرفع العين إلى أعلى عشان الجزء السفلي بتاع العين يكون (مفرود) وعن طريق الصوابع نضع الكونسيلر من الزاوية الداخلية للعين إلى الخارج ومن فوق من الداخل إلى الخارج والزاوية الخارجية للعين تكون من أسفل إلى أعلى. وهذه الطريقة تحافظ على منطقة العين وتشدها باستمرار وتمنع التكسيرات والتجاعيد وهي تعتبر مساج للعين كل يوم.
بالنسبة للعيون ما الماكياج المناسب للعيون الواسعة والضيقة؟
العين الضيقة تحط كحل أبيض داخل العين بيفتح ويوسع العين ولون الآي شادو تحطه من تحت والعين الجاحظة لازم تحط كحل أسود والعين الواسعة ممكن نعمل لها (SMOKY) بكل درجاته، يعني نغمق منطقة الجفن كلها والكحل يكون من الداخل ويكون باللون الأسود والبني.
والعين الصغيرة نرسم الكحل بتاعها من بره ولو من الداخل يكون أبيض أو أزرق أو أخضر وتكون ألوان فاتحة ومنطقة الجفن تكون فاتحة.
هل فعلا محدد الشفايف مش موضة دلوقتي؟
أنا أنصح أن البنات ما تشتريش محددات اللي عندها تستعمله وتحاول تخلص منه وممكن نستخدم المحدد كأنه روج يعني مثلا الشفايف كلها بالمحدد وبعد كده تحط ملمع هيكون عليها في غاية الجمال.
عاوزين نعرف شرح تفصيلي لماكياج موديلز موجودة بالصور؟
طبعا بعد كريم الأساس وكريم الإخفاء نبتدي نضع الماكياج فمثلا الموديلز اللي موجودة مساحة الجفن العلوي بتاعها واسع وعشان كده استخدمت أكتر من لون فمثلا بدأت أستخدم الآي شادو (اللون الزيتي ذو القاعدة البنية) وهو لون واحد ابتداء من زاوية العين الداخلية حتى عضمة الجفن وصولا إلى الزاوية الخارجية للعين وبعد كده أنعم اللون على الزاوية الخارجية بالفرشاة أو (عيدان القطن).
أما المنطقة الوسطى للجفن فاستعملت لون بيج أوكسديه من الداخل للخارج وبعد كده حددت الجفن بالآي لاينر الأسود أما تحت الحاجب وضعت اللون الأبيض وبعد كده وضعت كحل أخضر داخل العين أما منطقة الجفن السفلي فحددته بالكحل الأسود على خط الرموش ثم وضعت آي شادو زيتوني فاتح فوق الكحل الأسود.
بالنسبة لأحمر الخدود استخدمت درجة البني الأورانج الأوكسديه والروج اخترته لون محايد طبيعي عشان أبرز منطقة العين اللي عملتها.
هل فيه ماكياج معين للبشرة الشاحبة التي تعاني من الإرهاق باستمرار؟
في منطقة الجفن أضع لون فاتح في الزاوية الداخلية ولون مختلف وقريب منه في الزاوية الخارجية أما تحت الحاجب فأستخدم لون ذهبي بعد كده أستخدم كحل أبيض لتوسيع العين وبعد كده أضع لون أزرق في الجفن السفلي وأضع ماسكرا بدون آي لاينر.
أما الروج فبيكون لون غامق بيلمع. أما لون أحمر الخدود يكون لون وردي.
انا كان نفسى احط صور بس ممنوع يظهر وشوش كاملة مش عارفة ليه :confused:
بس سمعونى أحلى ردود لقاء حلو أوى وانا استفدت منه أتمنى انتو كمان تستفيدو منه:wink:
وانا مش هجيب لقاء من الهوا كدا …..غير انى حبيت افيد مش أكتر
وعموما انا مش شايفة حاجة غريبة فى الى قالته
وشكرا على ردك على اى حال
 |
اقتباس |  |
 |
المشاركة الأساسية كتبها esraaaa  |
 |
 |
| وهى كلامها غلط فى حاجة دى فاهمة جدا وانا جايبه الكلام دا من مجلة الكترونية مشهورة جدا وبتقدم ناس تعمل لقاءات فيها مش منقوله وعلى فكرة مش اى حد يتقال عليه خبير كدا غير لما يكون موثوق فيه وانا مش هجيب لقاء من الهوا كدا …..غير انى حبيت افيد مش أكتر وعموما انا مش شايفة حاجة غريبة فى الى قالته |
||
 |
 |
انتي ليه اختي الكلام عليكي واني بشكك في كلامك مهمو علشان مش اي حد يتقال عليه خبيره علشان كدا عايزين نعرفها اكترر من اكتر من مقال وهيا لو كانت قالت حاجه غلط كنا علقنا علي كلامها
الموضوع مش مستاهل انك تتعصبي اوووي كدا وياريت مره تاني تقولينا المجله الكترونيه ايه علشان نعرفها ونتابع اخر اخباره
ياريت ياجميله متفهميش الناس غلط كدا من اولها
تسلمين حبيبتي
|
اقتباس | |
|
المشاركة الأساسية كتبها ساره افندي |
|
|
| كمان انا عرفت المجله وفاتحه دلوقتي وبقري كل كلمه كتباها زي النقل اللي هنا من موقع بص وطل وبشوف لوكتها للبنات اللي عايزه تشوف اللوك بتاعها ياريت ياجميله متفهميش الناس غلط كدا من اولها |
||
|
|
حصل خير انا بس لقيته مقال مفيد وشامل عن كل حاجة واانا مش زعلانة بس انا بس حسيت ان هنا مواضيع الميك اب كلها ليها شروط معينة …كل مرة بيحزفو ويعدلو وكدا يعنى تقريبا تالت موضوع اعمله دا واتحزف اتنين قبله فلو كان اتحزف كنت هزعل اوى
والله انا كل نيتى انى أفيد البنات ولو مكنتش مقتنعة انها فاهمة مكنتش حطيت كلامها
ويريت مكنتيش تحطى المصدر لان كدا الموضوع مش هيبقى له لازمة اصلا هنا
احنا بنجمع المعلومات تبع ركن الميك اب هنا
وشكرا على اهتمامك انا مش زعلانة والله على اى حال دى قوانين انا بحترمها حتى لو كان عندى عليها تحفظات(f)
|
اقتباس | |
|
المشاركة الأساسية كتبها esraaaa |
|
|
| حصل خير انا بس لقيته مقال مفيد وشامل عن كل حاجة واانا مش زعلانة بس انا بس حسيت ان هنا مواضيع الميك اب كلها ليها شروط معينة …كل مرة بيحزفو ويعدلو وكدا يعنى تقريبا تالت موضوع اعمله دا واتحزف اتنين قبله فلو كان اتحزف كنت هزعل اوى
والله انا كل نيتى انى أفيد البنات ولو مكنتش مقتنعة انها فاهمة مكنتش حطيت كلامها ويريت مكنتيش تحطى المصدر لان كدا الموضوع مش هيبقى له لازمة اصلا هنا احنا بنجمع المعلومات تبع ركن الميك اب هنا وشكرا على اهتمامك انا مش زعلانة والله على اى حال دى قوانين انا بحترمها حتى لو كان عندى عليها تحفظات(f) |
||
|
|
ولا يهمك انا كنت هنزل الصور بس لازم تضللي الانف وحاجات كدا فامنزلتهاش وقلت مكانها للي عايز يشوفها ومرسي ياجميل علي الموضوع وتعيشي وتكتبي