كنت ابحث بالنت عن شي يهدئ من مغص ابني البالغ من العمر شهر و 13 يوم يعني توه طالع من الاربعين ب3 ايام بس
لكن من اليوم العاشر من عمره واني اعاني هذي المشكله مغص لدرجه انه حتى واهو نايم يصير يعصر نفسه ويصير وجهه احمر ويضم ارجله لبطنه ويصيح واهو نايم
الحاله مأساويه لدرجه اني راح اتجنن:angry:
و احيانا يكسر خاطري وابغي اصيح:sad:
وحصلت في منتداكم العزيز على هذي الخلطه
((ماشاء الله دايما كنت اعطي اولادي وبناتي ماء مع سكر نبات وكمان اغلي لهم ملعقة صغيرة من كل من الكمون ويانسون وكراوية وحلبة يكونوا حبوب يعني بدون طحن ونعناع جاف مطحون مع سكر نبات مع كوب ماء واصفيه واعطيهم منه ماشاء الله تبارك الله المغلي هذا مايخللي عند الطفل غازات ولا مغص ويخللي خروجه طبيعي وهذا طبعا مع الرضاعة الطبيعية المفيدة للام والطفل
لك مني احلى تحية))
نقلا عن الاخت alina
لكن الشي اللي محيرني بعد لاقيت وصفه غير؟؟؟
كراويه ينسون وشمر وحبة السوداء وحلبه
وسؤالي هنيه شنو اهو الشمر؟؟؟ هل اهو نفسه الكمون او اهو الحبة الحلوة
اني جربت الحلوة والكراويه والينسون بس ما فيه فايده
للحين نفس الشي وفوق هذا صاير عنده امساك يعني قبل الشهر كان يمشيه في اليوم من 3 الى 2 الحين مرة وساعات ماكو
وكله يصيح:confused:
لدرجه اني من كثر ما يصيح اعصب واقوم اعطيه احد غير لين ما اهدئ 🙁
ساعدوني رجاءا
واذا احد جرب هذي الخلطات يخبرني
وجربي تعطيه كمون ونعنع هي الوصفة الدكتور والله وصفها لبنتي ومفيدة
واصبري الله يكون في عونك وعون ابنك هو المغص سبحان الله معروف بمغص الثلاث شهور يعني بعد الثلاث شهور يخف باذنه تعالى
وحبيبتي حاولي بالليل تجربي معه زيت الزيتون انك تدهني بطنه وضهره ودفيه منيح
والله يكون بعونك يارب
امسحي على بطنه بزيت الزيتون
وفيه دوى بيوصفه لج الدكتور اللي تراجعين عنده ..
وما انصحج بالاعشاب …بس عليج بالحبه الحمرا
خذي مقدار ملعقه شاي +شوي من سكر الاطفال+ماي
عطي البيبي مقدار فنجان قهوه كل يوم …بينظف بطنه
والله يكون في العون
ايقولون فية نسبة كحول او مخدر ؟؟ صح الخبر .. لانى ابغي اعطي بنتى وخايفة … خاصة انها نفس حالة ام علووووي .. اتصيييييح طول الوقت من المغص…
ولما وديتها الطبيب نصحنى بدوا انفكول .. بس حسيت انة مافية فايدة ..
الحين اعطيها شاي (ميلوبا) وماء مع سكر نبات..
الله ايهوون على اعيالنا من هالمغص ..
والله انى حاسة فيج يام علوووووى
ماي الغريب هذا ماسوى ولا شي مع ولي لانه عندنا بالبحرين مخفف وايد
يقولون انه الاصلي والقوي يبيعونه بس في الامارات
اني الحين مجربه معاه شاي ميلوبا بالبابونج واشوفه شويه تحسن بالاضافه الى اني اخلط مع الشاي خلطه يسمونها عندنا الطبيخه او ماء النقوعه
وهذي خلطه اعشاب اتجي جاهزه من عند العطار او اشتري اللي مسوينها ماء الحينه يعني جاهزه واضيف ليها ماء الحلوه وماء الينسون
والحمدلله مابقى علينا شي كمل عولدي شهرين والله يصبرنا مع المغص لين ما يبدأ ياكل