فكرة الموضوع بدون مقدمات هيا أننا نفيد ونستفيد
كل وحده تصور افضل منتج عندها او اسوأ منتج وتحطوا لنا مع توضيح عن سعر المنتج و طريقه الاستعمال و مكان البيع وكيف شوفتيه معاكي
يلا اتمنى تتفاعلوا
هدا مقشر من ذي بودي شوب اشتريتوا من أسبوع تقريبا سعره والله نسيت بس اللي اتذكره انو بخمسين او خمسه وخمسين تستعمليه مره وحده باليوم انا استعمله اول ماقوم من النوم بقول لكم كيف شفتوا معايا أمم
بعد ما استعملوا أحس بنعومة وجهي
وأحس ان وجهي يتنفس انا بعد ما استعملوا انشف وجهي بنعومة ورقه
وبعدين ابخ من بخاخ مويه الورد
هذا روج سائل ندمت ندم كبيييير اني اشتريتوا أخدتوا من سوق من ملاهي بالرياض و سعروا كان بالأربعين
اول مره استعملتوا اول ما حطيتوا اتوزع بشكل سريع حبيت دا الشي بس بعد دقائق حسيت اني حاطه صمغ في شفايفي خليتوا خمسه دقائق و بان في شفايفي تشققات ما كانت موجوده قبل انا الحمد لله شفايفي مو متشققة انا مهمته فيها ودائما ارطبها بس بعد هذا الروج تشققت وبالموت شلتوا حاولت بكل الطرق بالمويه والصابون وحطيت فوقه روج تاني وشلتوا بالقوه المره التانيه حطيت فازلين بعدين حطيتوا ونفس النتجيه والمره التالته حطيت لابيلو ونفس النتجيه دحين عندي ولا استعملوا حطيتوا بالدرج ياخسارة الأربعين فيه :$:
بصراحه انا مره زعلت