افكاااااااااااار حلوة من المتزوجات 2024.

(u)(u)(u)(u)(u)(u)(u)(u) عرايسنا الزينات

ابي كل واحدة تحط فكرة اقدرت من خلالها انها تكسب

زوجها وانا اولكم انا قدرت اكسبه بالكلمة الحلوة والطيبة وتركت عني

العناد اللي يودي في داهية (وكنت الخسرانة )

ابي الهمة

علشان يستفيدون العرايس اللي على وجه زواج

:think: :think: :think: :yes: :yes:

انا بالهدوء والرقه
وتركت عني العصيبه والصراخ 😡 الي ماجبت لي الا الهم…
وطبعا اللبس والزينه والتجدد مطلوب
ام كريمه فكره حلوه وايد…وان شاء الله الكل يستفيد من الي بيتزوجن بس حتى المتزوجات
يعطيج الف عافيه
اختج

دايما بيني له انه انيق ووسيم وخصوصا كل ما لبس لبس يديد،،، عن طريق نظرات الاعجاب او ردة الفعل الاولي او المدح الزايد،،، طبعا لا تمدحينه اذا كان ذوقه مب حلو وتخلينه ياخذ مقلب في عمره وحليله ،،، "حتى عجب بتلاحظين انه قام اييج بس عشان ياخذ رايج او حتى يشوف ردة فعلج"

ودايما دايما اشكريه :z_thanks: على كل مبادرة منه لصالحج او تصرف حلو او خدمه،،، ها الشي وايد مهم ،،، عشان تبين له انج تقدرينه وايد،،،

ويوم يدخل البيت دايما استقبليه بابتسامة حلوة منج ومبادرة:y_hi: كأنج ما شفتيه من زمان وخصوصا اذا كان راجع من الشغل تعبان،،، "ويوم بيدخل عليج نشي من مكانج وسلمي عليه،، مب تسلمين عليه وانتي يالسه،،، مب قصدي على القبله بس بيني له من وقفتج انج محترمه وجوده،،، وبيني له انج كنت ياسه تترينه،،، واكيد لازم يكون شكلج حلو ومرتب يوم يشوفج،،،،

اهتمي وايد باهتماماته واسأليه دايما عنها حتى لو كانت ما تعنيلج شي،،، ودايما كلميه عن آخر الاخبار والاحداث اللي استوت لج خلال اليوم وخصوصا المواقف الطريفة،،، عوديه انج دايما تخبرينه وتشاركينه في كل شي يمر بحياتج اليومية،،، عشان تولدين نوع من الحوار اليومي الايجابي،،،

لا تخبرينه عن الاشياء اللي تعرفين انها تزعجه "طبعا اكيد حاولي ما تسوينها" ولكن اذا استوت عن غير قصد لا تخبرينه عنها،،، خصوصا اذا ما كانت في فرصة انه يعرفها من مكان ثاني،،، لانه ممكن انها تعكر صفو العلاقة اللي بينكم وممكن انها تولد خلافات،،، على قولتهم "الريال ما يقولوله كل شي"،،، وانا الغبية ما اخلي شي ما اقوله واتجاشر على عمري في النهاية،،، 😥

تحيني المزاج الحلو يوم تبين شي منه وعندج مصلحة 222،،، هذا اذا بغيتي ينفذلج طلباتج والا بتكونين انتي الخسرانه ها :cool2:،،،،،
وايضا يوم بيكون عندج خبر مش ولابد مضطرة انج تقولينه:pain:،،،، كلميه وهو في ها المزاج ومب يوم هو معصب ،، عشان تكون ردة فعله اخف شوي عن يوم هو معصب،،،،

دايما دايما بيني له انج مرتاحه وياه وانج مب محتاجة لشي لانه موفر لج كل شي حتى لو ماكان لانه ها الشي بيولد عنده نوع من الرضى النفسي من ناحيته هو وتلقائي بتلاحظين انه يسعى انه يكون كذلك بدون ما يحس،،،والله والله بنات صدقوني انه ها الشي يأثر،،، يعني كل ما كنتي ايجابية وياه كل ما كانت النتايج في صالحج وطول ما انتي مب راضية وتتذمرين طول الوقت والله ما بتحصلين شي في النهاية،،،

اذا كانت امكانياته المادية ما تسمح انه يكون كريم وايد وياج،،، اصبري عليه ولا تغثينه بالطلب المستمر،،، والاجر لج عند رب العالمين

الظاهر وايد خذت راحتي ،،، بكمل لكم بعدين وخصوصا عجب ما نسمع آراء الاخوات عشان نستفيد كلنا،،،، وانا اولكم

والله ان زوجي يموت من الوناسه كل ماقلت له انه أحلى شي في حياتي واني من دونه ماكنت أدري اشلون بعيش …ويعني من هالكلام الطيب ..ترى الريال مثل الطفل الكلمه الحلوة تجيبه وتخليه مافي أحسن منه حتى لو كان في قمة عصبيته..

:confused::confused::confused::confused::confused:

ماهقيتها من المتزوجات

كذا اتفشلوني ماعندكم افكار تعاملتوا بها مع

ازواجكم

يا متزوجات نبي الفايدة تعم على الجميع

وخاصة اخواتنا المقبلات على الزواج

خلونا نستفيد ونفيد

انتظركم

تحياتي (u)(u)(u)

[c]السلام عليكم..

انا بعدني يديده على عالم الزواج.. بس لاحظت انه الدلع مفيد شوي.. بس مب زياده عن اللزوم.. يعني شوية دلع.. على حب.. على حنان.. يقضون الغرض..

عوديه على شي.. بحيث انه اذا ما سويتله هالشي مره وحده يحس انج بالفعل مهمة بالنسبة له.. يعني مثلا. عوديه يوم يرجع البيت يحصل الغدا زاهب والحمام والفوطة .. ولبسه.. والبيت معطر ومدخن.. ويوم بتغيبين عن البيت.. بتشوفين كيف بيتوله عليج وعلى ريحتج في البيت..

وسلامتكم
واذا في شي يديد بخبركم ان شاء الله..
.. [/c]

زوجي عنده اهم شي اني ما اعصي كلامه ولا اني ابين له عنادي (اكره شي عنده)

وبعدين يبغيني على طول حلوة في عينه واخر شي يستانس اذا اهتميت بشكله واخترت له ثيابه.:cool:

انا اكتشفت ان طريق لقلب زوجي هو معدته..فقمت اتفنن في الطبيخ…

طبعا غير اني من فتره لثانيه اسويلي حركه رومانسيه تجدد الحب…مثل اترك له ورقه مثلا فيها كلام حلو…او مسج…

هالمره ان شالله ناويه اعلق له صوره من شهر العسل والبطايق اللي كنت اهديها له في الكبت ..وبشوف ردة فعله…لكن شو رايكم بالحركه؟؟؟

شو رايكم نسويها مع بعض؟

فكرة ممتازة و حلوة…و بنطبقها وياج….و مشكورة…

😉 😉 😉 😉 😉 😉 😉 😉 😉

……………فوانيس……………

فكرة حلوة (عروس قديمة)

وانا معك 😉 😉 😉 😉 😉