السلام عليكم ورحمة الله ويركاته
رمضان كريم وكل عام وانتم بخير
من يومين وانا وامي مشتهين اكلة الباكورة
وماعدنا المقادير المضبوطة فبحثت بالنت ولقيت طريقة وزودت مقادير ونقصت مقادير من عندي و طلعت بالاخير باكورة لذيييييذه فقلت لازم اصورها وافيدكم
نبدا بالمقادير.
حبة بطاطا وسط
حبة جزر كبيره او 2 صغار
بصلة صغييره
سن ثوم صغييير
كزبرة خضرا مفرومة ناعمة
فلفل اخضر حار *اختياري*
طحين حمص
وطحين عادي
كاري وبهارات هنديه و كركم وكمون
وملح وفلفل حاااار
وزيت للقلي
هذي صورة لبعض المقادير
الطريقة نبشر البصل والبطاطا والجزر والثوم
واخلطهم مع الكزبرة المفرومة والمح والبهارات
واحط طحين الحمص والطحين العادي وتخلطونهم
على فكرة الطحين ماله مقدار يعني تحطين ويصير الخليط لزج
تذكرت اصورلكم الخليط على الاخر بعد ماقليت منه
وهذي هني وانا اقليهم
وهذا الشكل النهائي
وبس الطريقة سهله والمقادير دائما متوفره والطعم يمي يمي
ان شاء الله تعجبكم ولاتنسوني من دعواتكم ان الله ينجحني بامتحاني ياااااارب
احنا في البحرين نسميها (كباب النخي) .. تختلف الأسماء بس نفس المقادير تقريبا
ننتظر باقي طبخاتج
يعطيكي العافيه
وكل سنه وانتي طيبه
(f)(f)(f)
.:.رجاوي البحرين.:.
شكرا لمروركي حبيبتي
اول مره اعرف ان عندكم بالبحرين كباب النخي
على قولتج نفس المقادير بس الاسماء تختلف
نورتي حبيبتي
ماذا اقول
شكرا لمروركي لموضوعي حبيبتي
وشكرا لختم التميز
ماقصرتي
ويعطيك الف عافيه
احنا بعد نسميه كباب… و طعمه لذيذ كثير 
الله يعطيج العافية (f)
شكرا لمروركم
نورتوا الموضوع خواتي
تسلم ايديك يا انوار تشهي
يعطيك العافية ياقمر على الطريقة
لاحرمنا من جديدك المميز
لاحرمنا من جديدك المميز
تم التقييم