التهاب في بنتي

مرحبا

شخباركم

بنات بنتي اامس طول الليل تبجي

ودينها مستشفي يقول طبيب فيها بداية التهاب في الاذن اليمين

عطاني قطره قطرت له و نامت

في احد منكم صار لعياله جذي

حدي خايفه

انا مو متزوجه ولا عندي عيال بس عندي خبره عادي حبيبتي الغالبيه من الاطفال يصيدهم التهاب باذنهم ويصخنون على هلالتهاب بس طبعا لازم يتعالج واهم شي تدفيين اذنهاا عن الهواء لبسيها قبعه تكون تغطي الاذن تمنع الهواء يدش فيها وتحملي اثناء الاستحمام يدخل ماي في اذنها انا ما اعرف جم عمر بنتج بس اتوقعها بيبي يعني عمرها اشهر فلو كانت نفس اللي اتوقع خلي راسها على يدج بحيث يكون مستوى اذنها مرتفع ما يصيده اي ماي وعقب بس مسحي من بره بقطنه مبلوله بماي دافي منطقه حواليين اذنها عن الوصخ وماعلييها شر وواصلي على العلاج وإن شاء الله ماعليها إلا العافيه يارب لا تخافيين حبيبتي اغلب اليهال تلتهب اذنهم بس لازم علاج حاله حال اي مرض

يسلمو اختي ع مرورج بنتي عمرها 19 يوم ..

وينكم

ننتظر الخبيرااات

حبيبتي يمكن أنتي حممتيها ودخل باذنها ماي .ولا لما ترضعيها ماترفعي راسها يأيدك يعني تتركيه متواسي مع جسمها وهذا يسبب الألتهاب والأحتقان
شوفيي أختي أنا ولدي لما كان بالأشهر من عمره كان يبكي من أذنه مانفع معه غير هذي الوصفة الشعبية بس مادري يمكن ماتصلح لولدك الحين بس لأحتفظي فيها لما يكبر شوي هي عبارة عن (زيت زيتون ،وحلتيته قد نوات التمرة وشوي خوا جوا)تطبخينهم على النار حتى تغلي المقادير وتذوب الحلتيته ثم تبعديهم عن النار واذا بردو تحتفظين فيهم بقطرة وتقطرين بأذن بنتك وماتشوف شر العروس…………زعلى فكرة العلاج يكون سايل ولونه أحمر….

حبيبتي عادي الالتهاب يصير وايد عند الاطفال

بس ما ادري اذا بهذا السن لان ولدي ما صار فيه

بس اذا الدكتور ما قال شي ماكو داعي تحاتين

تسلموون طمنتووني

يدتي حطت لها زيت زيتون قرت باذونها الحمدالله مابجت وايد

الحمد لله على السلامة وتتربى في عزكم التهاب الأذن يجي في الغالب من دخول الماء اذن الطفل او الهواء البارد او ممكن ترضعيها بدون ماترفعي راسها وهذا سبب رئيسي لالتهاب الاذن وطبعا الالتهاب يخلي الطفل يبكي ويسبب حرارة فأنتبهي اليها خصوصا انها توها صغنونة الله يحفظها اني اعاني مع ابني من الالتهاب بس الخطأ مني لاني ارضعه واني نايمة وهو الحين عنده التهاب شديد وياخذ مضاد حيوي وماتشوف شر الحلوة