الثوم يفيد ولا يضر 2024.

السلام عليكم ورحمة الله وبركاته

خواتي الكريمات..مشكورين كلكم على الوصفات الحلوة ..وما قصرتوا

لكن انا عندي استفسار..بخصوص الثوم..
لاحظت انه معظم وصفات تطويل الشعر يدخل فيها الثوم ..لكن انا الحين في حيرة خاصة انه بعض الوصفات بالمنتدى تمدح الثوم وتشكر فيه ووصفات اخرى تقول أنه يطلع الشيب بالراس..

المشكلة انه معظم اللي عندي بالبيت حابين يطولون شعرهم ودايما يسألوني شوفيلنا وصفه كويسة لتطويل وغزارة الشعر ..انا قلت ما في غير الثوم لكن من بعد ما عرفت انه يطلع الشيب اترددت
..ياليت تريحوني من حيرتي وتقولولي يابنات هل اتوكل على الله وأقول للي عندي بالبيت يستخدمون الثوم ولا يبتعدون عنه..ترى انا بعد بستخدمها

الله يخليكم أفيدوني :eek2:]

اهلين اختي sadlove

بالنسبه للثوم فعلاًمفيييدجدا للشعر ومهو مضر لكن مشكلته في الريحه تجلس فتره طويييييله

هذا هو عيبه والا مايضر الشعر ابداً

عزيزتي…..

الثوم يعتبر من المنشطات لفروة الرأس وبويصلات الشعر..
ولكن اذا استخدم بإعتدال ..

يعني مرتين في الشهر فقط لا أكثر .. ويفضل إستخدامه مع شئ آخر .. مثلا عصير الجرجير أو الحناء وغيرها من الوصفات الكثيرة التي ستجدينها في القسم ..

عموما انصحك شخصيا بإستخدامه فقد عمل العمايل في شعري ولله الحمد ..

تحياتي لك

مرحباااا

Sad love..الثوم يمدحونه للتطويل بس الريحه صعبه وعشان جذيه ماجربته للحين بس اذا مع الحناء احس بيكون ok لان الحناء بتخفف الريحه بس ودي اعرف الاخت شوكولاته شو طريقتها؟
يعني تخلطين الثوم في الخلاط ولا تاخذين مايه بس في الحناء وكم مره اتسوينها وكم اتخلينها على الشعر؟؟؟؟؟؟؟؟؟؟؟

والسموحه

عزيزتي
انصحك ان تستخدمين الثوم مرة في الاسبوع فقط
لأنه كالمضاد الحيوي ان استخدم أكثر من المقدار المعين يضر
وهذا اللي سمعته وقريته في بعض المواقع:smile:

الثوم قوي جدااا خاصة للفروة .. ممكن لو تم استخدامه
بروحه او لأيام متواصلة يعطي نتيجة عكسية …

ولكن خلطه في وصفات اخرى أفضل ولفترات متباعدة ..

والأفضل استعمال زيت الثوم بدل من الثوم الطازج …

تحياااااتي 🙂

السلام عليكم ورحمة الله وبركاته

هلا أختى الغالية الثوم ما أطول الشعر الثوم يعلاج تساقط الشعر
وطبعاً يستخدم في الخلطات من أجل توقف تساقط الشعر

هناك زيوت تتطول الشعر مثل زيت جوز الهند ،، ودابر

وغيره من الزيوت

لو سمحتوا شو اسوي بالثوم، عادي لو غليته في النار مع زيت جوز الهند؟؟؟

مرحبا

شخباركم بنات؟؟؟؟؟ انشالله تمام

بنات…… الثوم يحرق بصيلة الشعر من قوته
يعني لو بشرتج ماتتحمله رحتي فيها

مثل ما قالوا الأخوات اخلطيه مع شي وأحسن شي وأنصحكم كلكم اخلطوه مع زيت السمسم 🙂

يعطي سواااااااد سرييييع للشعر وطووووول وبتلاحظون هالشي بسرعة
بس طبعا شي طبيعي تساقط الشعر لكن بعدين شعركم أبدا ما بيتساقط

أتمنى أكون أفدتكم..

إختكم

Frfooora

تكفون ردوا علي لنا استخدمت خلطه فيها ثوم من المنتدى ومن شروطها هالخلطه اني استخدمها اول اسبوع يوميا وبعدين يوم اي ويوم لا لكن الله وكيلكم طااااااااااااااااااااااااااااااااااح شعري بطريقه غير طبيعيه ومش عارفه هو طريقه استخدامي غلط مع العلم ان هذه شروط استخدام الخلطه ومش عارفه وش اسوي صرت اخاف احط زيوت :confused::confused::confused::confused::confused:

ساااااااااااااااااااااااااااااااااااااااعدوني تكفون وش اسوي لان شعري لين الحين يتساقط مع العلم اني موقفه استخدام الخلطه