السلام عليكم ياشباب ازيكم
يا جماعه انا الموضوع دا عملتله كذا بحث ودوخنى معاه وقرأت عنه كمان فى وبيكديا لانه لو عايز اتكلم فيه بطلاقه لازمى على الاقل 5 صفحات فاانا قلت اجيبلكم الخلاصه المفيده بلنسبه للجرى والمشى لان فى كتير من اللعيبه الافاضل بيفتكرو ان الجرى دا هو العدو اللدود لكمال الاجسام وكذا واحد اقوله يا حبيبى لازم على الاقل تجرى يوم واحد فى الاسبوع يقوم قايلى يا كابتن عضلاتى هتخس وجسمى هيخس اقوم رادد عليه واقوله الله يخرب بيت اللى قالك كدا ههههههه طب ايه فايدته يا كابتن اقولك انا يا حبيبى ايه فايدته
بس قبل ماتحب تجرى فى حاجات لازم تعملها ياكابتن
1-اهم حاجه لازم تلبس ملابس قطنيه واسعه تقولى ليه اقولك عشان التسلخات يا معلم ههههه
2-يفضل انك تجرى على ارض ترابيه او زراعيه يعنى ابعد عن الاسفلت على قد ماتقدر
3-متجريش بلنهار والدنيا شمس تقولى ليه اقولك خايف عليك لحسن يجيلك ضربه شمس تموتك ومش هتستفاد حاجه خالص وهتدعى عليا
4-متجريش خالص وانت مرهق او تعبان ولو بتشتكى من مرض زى الربو مثلا يفضل المشى وابعد عن الجرى خالص
5-لابد من استقامه الجسم كله من القدم حتى الرأس اثناء الجرى
6-لازم تبتدى الاول الجرى البسيط ثم السرعه لو حابب انك تجرى بسرعه يعنى مجريش مره واحده يا فالح ههههه
7-التنفس الطبيعى اثناء الجرى يعنى لو حسيت انك بتنهج فى التنفس ريح شويه وبعدين كمل الجرى
8-لابد من عمل تمارين الاسترخاء بعد الجرى وتبقى واد بطل لو لعبت شويه تمارين بطن بعد الجرى
بس كدا ياشباب دا المطلوب منكم قبل ماتجروا
نيجى بقى لاهميه الجرى والمشى لانى عارف انكم زهقتو منى
1-المساعده على تقويه عضلات القلب والرئتين والتقليل من امراض القلب
2-تسهيل حركه الدوره الدمويه
3-تقليل الاجهاد وتطويل النفس
4-تقليل نسبه الكوليسترول الضاره فى الجسم
5-يساعد مرضى ضغط الدم العالى على عدم زياده ضغط الدم الذى يعتبر من المسببات لامراض القلب والجلطات الدماغيه وامراض الكلى
6-مساعده المصابين بمرض السكر فى تخفيض نسبه السكر فى الدم
7-المساعده على التقليل من الاصابه بمرض هشاشه العظام
8-المساعده فى التقليل من الاصابه بمرض السرطان
9-يساعد المشى والجرى فى علاج الام المفاصل
10-يساعد فى عمليه سهوله الهضم
11-يساعد على التقليل من امراض الشيخوخه لو حد فيكم يعرف الممثل الاجنبى كلينت ايستود هيعرف انا قصدى ايه الراجل عنده حوالى 85 سنه وتشوفه تقول عنده 30 سنه ودا لمدوامته على الجرى والرياضه
12-المساعده على الارتقاء بلرياضه البدنيه
13-يساعد على النوم الهادئ والتقليل من الارق بشكل ملحوظ
منقوووووووووووووووووول:L:
تسلمي يا باشا على العلومات المفيده
انا بقالي بفتره عم بمشي
وفعلا عم بحس اني نشيطه
يعطبج الف عافيه
ثانكس على المعلومات الحلوه
بس أنا للأسف ما أقدر أمشي بسبب الدوام 
شوكريا