مشكلتي مادري اذا كانت سهله ولا عاديه ولا شئ لازم يصير
انا لما يطلع لي حرار في ويهي يروح البروز الي يكون فيه ويوم عن يوم يروح بس
يصيرلي مكانه بقعه داخليه يمكن
لان مالها ملمس
والحمدلله مب وايد بس على خدي
وابي حل لها
واللي عندها نفس مشكلتي ومجربه من الاعشاب او ايشي تقولي
تكفون
سااااعدوني
عزيزتي ملاذ ممكن تشرحين اكثر كيف يعني بروز وتختفي؟!
وان شاء الله البنات ما بيقصرون معاج..
ملاذ الحب
حبيبتي وضحي أكثر !!
السلام عليكم ورحمة الله وبركاته
مرحبا حبيبتي ..
يالغالية شو سبب الحرارة .. من الحساسية والا من شي ثاني ..
والبقع تكون على شكل نمش والا بقع خفيفة فاتحة …
بانتظار الرد ..
اختج
ام عدول
ام سعيده
وام الوله
وام عدول
ياهلا فيكم حبيباتي 
باوضح لكم اكثر ان شاء الله
انا يطلع لي حرار كل ماتجيني الدوره ولما تروح بعد نفس الحاله
وكل حراره اكبر من الثانيه وتكون طبعا بارزه نوعا ما
ولما تروح الحراره
تسويلي بقعه مكانها لونها بني فاااتح
واحس انه خدي من غير كريم اساس مب حلووو كله بقع في خدي
ان شاء الله اكون وضحت لكم مشكلتي
وان شاء الله احصل وصفه منكم يالغاليات تفيد مشكلتي
اللي ماشتهي اشوف خدي من سبب البقع
بس الحمدلله مب وايد
السلام عليكم ورحمة الله وبركاته
مرحبا حبيبتي …
شوفي يالغالية … الحرارة المصاحبة للدورة الشهرية ..
تكون نتيجة التغيرات الهرمونية التي تحدث داخل الجسم ..
لذا يجب أن تستشيري الطبيبة الجلدية..
حتى يتم فحص الهرمونات أولا ..
بعد ذلك ستصف لكِ الطبيبة علاجا سريعا ..
لا داعي من القلق عزيزتي فغالبا ما تزول هذه البقع بالكريمات لكن
يجب أن تُصرف هذه الكريمات والمراهم من الطبيبة التي تتابع الحالة ..
لذا غاليتي .. لا تستخدمي أي وصفة قبل استشارة الطبيبة ..
لأن الحرارة قد تكون عبارة عن حساسية مؤقته ..
أختكِ
ام عدول
وعطتني الدكتورة ريتن a للحبوب والآثار في وجهي
وانا جربت استخدمه للحرار واحس انه بخفف شوي
بس خلاص الحين ما اقدر استخدمه لأني اعالج الشعر في ويهي!!!
انا قلت باستخدم اي وصفه من الاعشاب
لكن من خلال كلامج ان شاء الله باروح حق دكتور جلد لاني مابي اهمل نفسي وويهي علشان ماندم بعدين
وشاكره لج يالغاليه
الاغلبيه يعانون من نفس مشكلتي