كنت اشتكي من حمود قبل ان كان حركي ويضرب الناس الحين كبر وصار العكس كثر ما عصبوا عليه الناس ما قام يتحرك من مكانه يوم نسير بيت احد .. وكله يستحي واذا يونا ضيوف ينخش فالغرفه او يطلع عنهم …
بنت خالتي نبهتني وقالتلي كيف ترضين الناس يعصبون على ولدج كنت اقولها هو شيطان ما ييلس مكان واحد ويضرب عيالهم … الحين تلومني تقولي كله منج انا نبهتج …
خاصتا عمتي وعمي (امريلي وابو ريلي ) ما يتحملون شقاوة حمود كله يعصبون عليه ويفتنون عليه على كل حركة يسويها .. صار ما يحب يسيرلهم وايد مع ان يالسين وياهم في نفس البيت يوم اقوله انا وابوك بنسير فوق عند امي (الي هي جدته) يقول ما بيي انا زعلان منهم
الحمدلله انه تغير للأفضل و مثل ما تبين .. !
انتي متخوفة من شنو ؟ انه يكون مو اجتماعي او منعزل ؟
انا اشوف انها ردة فعل طبيعية من طفل دايما يعصبون عليه .. ان شاء الله فترة بسيطة و تعدي و يرجع اوكي !
معا انو زميلتي مدرسه ذوي الاحتاجات الخااصه وتعاامل ابنها تمام بس هو يلقاه دعم من عماته يشجعوونه على
ضرب الاطفال ,,,بس الولد الحين انقلب 380 درجه صار خوااف ومايدافع عن نفسه ابداا ,,,
الله المستعاان
اول اجتمااعيه وكله تجلس تحوس وتعفس فينها وتجلس في وسط جمعه الناااس
الحين البنت فجئاه تغيرت وصار كله تجلس بروحها وماتبي تدخل عند النااس تجلس تبكي وماتحب الازعااج
عمرها الحين 4 سنين اضطرت امها تدخلها المدرسه علشاان تتغير
بس يبيلها وقت
خاصتا من طرف عمتي الي هي جدته لانه ما شاء الله احنا عدنا عدد البنات اكثر من الاولاد يوم ييلس يلعب معاهم من دون سبب تفتن عليه تقوله انت ولد ليش يالس وسط البنات قوم اطلع برع العب .. وهو من الاحراج يشيل عمرة ويطلع .. حمود في سن صغير على ان يسمع هالكلام قريب ال3 سنوات .. على فكرة كل هذا الي تسوية عمتي عشان البنت الي تربيها تخاف حمود يضربها وهي الي تنبهه على هالشي كل شوي تقوله لا تضربها قوم عنها لا تسوي انت شيطان واذا تضاربوا تقوله حمار سبال .. يعني الولد تغير وايد وايد …
اهلي واجهتهم قلتلهم انا بعامل عيالكم مثل ما تعاملون ولدي عاملتوه بالزين وكلمتوه بالزين بسوي نفس الشي في عيالكم اذا عصبتوا عليه بعصب على عيالكم … الحمدلله ما قاموا يعصبون عليه الا اذا زودها …
بس اهل زوجي مب عارفه كيف افهمهم وخاصتا عمتي مع ان اول حفيد لهم حمود ..
امس حمود الساعه 4 الفجر ناش من النوم يصيح اقوله شو فيك يقولي امي سوت امي قالتلي سير انا ما احبك احب علياء(البنت الي ترببيها) ومريم (اخته)
قمت اشتريله DVD عشان ما يخالطهم وايد بس هذا مب حل بيصير الولد مدمن تلفزيون ..
عطوني الحل .. ادري الحل اني لازم افهم عمتي (للعلم عمتي مش عوده يعني شبابيه بس ما اعرف ليش تصرفاتها مثل اليهال ) الكل فهم وغير تصرفاته ويا الولد الا هاي صايره عدوة الولد ما طيقه عمري ما شفتها تحظنه ولا تقوله حبيبي ولا تمدحه كله تذمه وفي نفس الوقت تمدح مريومه وعلاية ….
لدرجه انها قامت تخاف على البنيه مني ما تخليها اتي صوبنا كله حاطتنها خاشتنهاتحت باطها
مهما كان هو طفل
والله لو اني منج ويصارخون على ولدي والله لأقلب لهم الدنيا فوق تحت
اسمه جاهل وما يفهم ومرده بيكبر وبيفهم وبتقل شقاوته وشطانته
ربي يحفظ حمود من كل شر.. انا اقول تكسبي حماتك بصفك احسن من هالهواش .. يعني كلمي عمتك في ساعة صفا وخبريها ان حمود شيطان وحركي والله يساعدنا عليه وانش تخافي على البنت من شطانته فحنا لازم نقلل من هالسلوكيات بانك تمدحيه وتحبيه تشتري له هدايا حتى يحبك وبيحب البنت وبتكون صدبقته وهو ترى بعده صغير على العب مع البنات.. يعني حاولي انك تغيرها على ولدك بالزين.. انتي لا تصرخي على البنت بس فهمي عمتك بالهدوء والسياسة
الحنان..الحب..الحضن..اللعب..الاهتمام..التقبيل..كل هذه الامور تغرس في نفسه التقة وحبه لذاته..وعمتك
وغيرها ماعليك فيها..اناعمتي كذا مع اولادي مزاجييييييييية..مهتمة بابن بنتها اكتر.بس انا مايهمني..
المهم علاقتي انا بيهم..كوني حنونةمعاه..احكيله قصص على طول..وحاولي القصص تكون هادفة فيها
من الجراة والشجاعة وغير ذلك من الامور..اهم شئ الاساس من البيت يكون متين وقوي..وبعدين اي
مؤثرات خارجية مش حاتاثرعليه لانه متحصن من البيت بالثقة والحب والاهتمام والرعاية من البيت..
علميه النظام والنظافة والترتيب اشغليه باشياء تعطيه التقة ..لاتكتري من التلفزيون والكمبيوتر والالكترونات
لاكتر من ساعتين في اليوم ولازم تكوني حازمة في هذه الامور حازمة وليس قاسية ..قولي لا باسلوب
فيه الحزم الهادئ وليس القاسي..
خرجيه لاماكن واسعة يستكشف فيها..امدحيه واشكريه في حضوره وغير حضوره قدام الناس ..بغير افراط
حتى مايملوا..لانك لماتعطي اهمية لاولادك قدام الناس حتى هما بيعملولهم حساب..
واياك من عبارة..انت صعب او غبي او مشاكس اوماتسمع الكلام اوعصبي..لان كثرة هالكلمات بترسخ في راسه
بيصدقها في نفسه والناس بتصدقها فيه..
علميه حب نفسه..وحب الناس.. وماتقارنيه ابدا بغيره..ومع جدته حسسيها بان لما هي تكون قاسية مع ابنك
انك منك موافقة وتقدري تنسحبي انت وولدك بدون مايحس هو..ولعبيه اواذاممكن بتطلعوا انت وهو وابوه لمكان
ترفيهي..لان في عمره مافي داعي يحس بانه في فروقات بينه وبين البنات..لانه صغير..
الحديت يطول بس هذه اهم الاشياء..
الله يساعدك ويهنيك على ابنك.(f)