الحمد لله زوجي شاااااف بعينه وسمع باذنه وانكشفت الامور وياغافلين لكم الله 2024.

امس زوجي مسكين حب يسوي لهله مفاجاءه فجاني وقلي بنروح لهم بس ما بنقول لاحد ان احنا جايين انا بصراحه نغزني قلبي بس قلت له اوكي اللي تبي ركبنا السياره واذن المغرب قال خلاص بنصلي عند اهلي المغرب احسن المهم رحنا ولما وصلنا عند الباب الا الباب مفتوح انا حسيت فيه شي بس طبعا ساكته زوجي شاف الباب مفتوح قال يمكن حاسين ان احنا بنجي المهم دخلنا الا المفاااااااااااااجاءه :rolleyes::rolleyes::rolleyes:
لقينا اخته جايه من مكه وماقالوا لنا وهي مسكينه فاتحه الباب لئهلها لانهم كانوا طالعين بس انا وزوجي جينا قبلهم هي مسكينه جات تركض تفكرنا امها واخواتها ولما شافتنا :ss::ss:انفجعت وجلست كذا مده 3 ثواني بس تطالع وفوق راسها علامه تعجب :eek::eek: وزوجي مسكيين والله رحمته يطالع ومصدوم ويقولها متى جيتي ؟؟ قالت اليوم قال ليه ماعلمتيني ؟ قالت اهلي ما قالوا لك ؟؟؟ قال محد علمني بشي ليه ما اتصلتي علي وقلتي تراني جايه يا اخوي
المهم شوي الا امه واخواته كلهم مجتمعين وطالعين مع الدرج وكل وحده معها صينيه حلا وكيك والذي منه الا شافونا قدامهم وبانت على وجوههم علامت التعجب والاستفهام والحزن والياس
انا طبعا سلمت وجلست وزوجي مسكين بدء معهم ليه ماقلتو لي ؟ ليه ماعلمتوني
قالوا ماكنا ندري قال كيف ما تدرون وانتو كل واحد جاي ومعاه صينيه وحلا ودلع وكلكم مجتمعين كيف ماكنتوا تدرون وانتوا كلكم جايين وخواتي جايين على غير العاده قصده انها وسط الاسبوع مو ايام الويك اند
المهم مسكين زوجي والله خفت يجيه شي قعدنا وبدا قط الكلام انواع واشكال كل مالذوطاب كلام على كيف كيفك كله نغزات فيني وانا مطنشه ولا كني اسمع
بس بصراحه ما كنت اتوقع ابدا انهم يكرهوني لذا الدرجه مجتمعين ولا كانوا يبوني معهم مو مشكله بس ضاق صدري على زوجي ماتوقعها منهم بس الحمد لله رب ضاره نافعه
المهم المفاجاءه الثانيه
اخته حامل ولا قالوا لي ولا لزوجي مسكين هو جاء ولقى كل الامور متغيره من جد مفاجاءه
انا اشوف بطنها منتفخ بس اني ساكته ولا سالت ولا علي منهم
بس المصيبه ان زوجي يسال اخته يقولها هذي خدامه مين ؟؟ قالت خدامتي قال ماشاء الله قالت توها جايه لها يومين شوي رجع سالها قال ما شاء الله يافلانه حامل ؟؟ قالت مسكينه ووجههايظرب اللوان:o لا والله بس متعافيه كيف متعافيه بس من عند بطنك ؟؟المهم قال زوجي كيف ؟ وش سويتي ؟؟ تاكلين شي يسمنك ؟؟ قالت لا بس لما جات الخدامه ارتحت صرت بس اكل وانام

طيب كيف وهي توها تقول ان خدامتها جايه من يومين ؟؟؟ معقوله بتسمن في يومين ؟؟انا اعرف اخت زوجي لي سنه معاهم ماني غبيه واضح ان الشغله كذب في كذب
حتى لو حامل الله يهنيها ما حركت فيني شعره بس ماله داعي الكذب ترا حتى القطاوه يحملون طبعا الجلسه كانت كلها مفاجاءت في مفاجاءت وزوجي يطالع ومستغرب :eek::ss::eek:

انا والله خفت يصير له شي لانه ماتعود يسوون معاه كذا الا ما توقع انهم بيسوون معاه كذا مسكين دايم يمدح في خواته ويقول خواتي يحبوني خواتي يموتون فيني وانا اقول في نفسي وااااااااااااااااضح والدليل الموقف اللي صار
تدرون عاد انا لما تعبت منهم ومن حركاتهم وكلامهم ونغزاتهم قلت خلااص بوقفهم عند حدهم الدنيا اخذ وعطى ا نا ياما عطيتهم ولا بين في عيونهم خلاص اللي بيحترمني بحترمه اللي بيسال عني بسال عنه اللي بيقدرني بقدره والله تعبت يجرحوني ويسبون فيني وبعد يبوني احطهم فوق راسي لا والله محد يحب لنفسه الشقى
عاد احنا طلعنا من عندهم ومدري وش صار بعدها بس اللي كسر خاطري زوجي يابنات ما تتخيلون كيف صار وجهه من الصدمه وطول امس وهو معصب ومتضايق وحالته حاله
ماينلام بس الله يعين والله يعيني عليهم بعد انا