شحالكم بنات ان شاء الله طيبين
بغيت اسالكم عن الحنى البيضاء للجسم
حد منكم جربها؟
وحده مدحتها لي وقالت بيضتها في اسبوع ونتيجتها حلوة وسريعه
وهي شكلها تاجرة
لانها تبي تبيعها علي ,,وبصراحة انا ثقتي فيكم شديييييييييييدة وما اثق في اي بنات غير بنات عروووووووس لان اعرف انهم اهل ذمة والله حسيبهم
وقالت لي انها ماتنباع بقطر وبتبيعها علي بـ 150
انتو شرايكم قبل لاخذها واتورط؟؟
بنتظار الردود جزاكم الله خير
وعن فوائدها
بس تجربه ما جربت
انشالله اللي جربت تفيدج اكثر
بالتوفيق انشالله
الحين انا طالبه وحده ثانيه من نوع ثاني بجربها وبقول لج على النتايج
بس ترى 150 وايد عليها
انا اللي طلبتها اول مره وكانت من المغرب بعد كانت ب 75
فاانصحج انج تنتظرين شوي وتتاكدين قبل ماتاخذينها
بس تقول انها مافادتها !!!
ماادري انتي شوفي راي الأغلبيه بعد
لكن 150 واايد عليهاا
انا رفيجتي ماخذتها ب 100 وماستفادت شي (n)
انشالله باقي البنات يفيدونج
والله سويت بحث عنها
ولقيت بنات وايد يمدحونها
انها بيضتهم من اول مره
هل هي مثل الصبغة تصبغ لون فاتح عالجسم؟؟
بليززززززززززززززز ردوا علي ماتم شي ماجربته
عرسي قرب خلطتها مع الصابون المغربي والليمون وبصراحه حسيت انها تفتح الجسم
وشريتها ب 20 درهم كيس صغير مرسوم عليه ورده حمرا
هذي انا شفتها عند العطار .. في سوق واقف محل اسمه مختار << الكل يعرفه ..
كنت ناوية آخذها بس طلعت بـ 50 ريال .. وأنا فلوسي خلصت على الخرابيط الثانية خخخ :tongue:
كان كيس تقريبا 20سم في20سم وكان لونها يبين وردي !! 😉
و قــالي انه هذا طــين .. بس احنا نسميه حنه بيضه
بس للأمــانه ما جربتهــا لين الحيــن
و شــريتها بـ 50 او اقل .. مب متذكرره
بس ترى مب غالــيه
لا تكذب علييج اللي تبي تبيعها لج
و في ناس مدحووها لي واااجد
ان شاءالله لما افضى بجربها ..
تحــياتي لــكم
وبعدين على طاري مختار العطار ماتلاحطون يا بنات قطر انه قام يغلي في اسعاره !!
وياليت عنده كل شي فريش
اكثر من مره انا ارجع له اللي اشتريه يطلع خربان ولا منتهى الصلاحيه
ماتعرفون عطار غيره في قطر