بسم الله الرحمن الرحيم (f)(f)
يا بنات النهارده هقولكم على الاكله المصريه الجميله الحواوشى وانا عارفه ان كل الناس بيحبوها:tongue:
- نصف كيلو لحمه مفرومه عند الجزار
- 4بصلات حجم متوسط مبشورين بالمبشره مش فى الكبه
- نضع البصل المبشور على اللحمه المفرومه وعليهم ملح وفلفل اسود وبهارات من عند العطار
- نضع معلقه كبيره فى حجم البصلايه من الدهن اللى بتستخدميه فى الطعام وده بيكون دهن من الذبيحه وبنسيحه مع الزيت ونضعه فى بطرمان ونستخدمه فى الطبخ ولو مش متوفر عندك قولى للجزار يفرم مع اللحمه قطعة دهن
- نخلط المقادير كويس جدا جدا لازم يتداخلو فى بعض
- لازم تدوقى اللحمه وهى نيه علشان الحياء
- بعدها تفتحى ارغفه عيش بلدى {بيكون عيش من القمح }من اتجاه واحد يدخل كف يدك
- نضع اللحم فى العيش ونضغط على العيش المحشو
- نضع قليل من الزيت فى طاسه{كأنك داهنه الطاسه او اكتر شويه} على النار المتوسطه
- ونضع رغيف العيش فى الطاسه ونقلبه من حين لاخر حتى يحمر من الوجهين ودى طريقة التسويه اللى اتبعها ولكن طريقه تانيه انى اضع كل رغيف عيش فى ورق زبد وارشه بسيط اوى واضع الارغفه الملفوفه فى الفرن واقلبها على الوجهين ودى لم اجربها طريقه تالته انى اطلع الصاجه الكبيره اللى فى الفرن واضعها على البوتاجاز واشعل اكتر من عين واضع اكتر من رغيف كأنها طاسه كبيره علشان الوقت بس لازم تكونى مركزه
تسلم ايديكى اكيد هيكون طعمه لذيذ جدا
الله يعطيكى الف عافية يارب
وتسلمى على الوصفة الجميلة
تسلم الايادى ياقمر
يعطيكي العافيه يا عسل
تسلم ايديك والحواوشي طبق مصري معروف
دمتي بحفظ الله واكيد راح ننتظر جديدك 
تسلم الايادي ياعسل