~&~*~ الخشاف اللذيذ . لازم قبل الفطور ~&~*~ 2024.

أهلا بالعرايس الحلوين
جبت لكم النهاردة طبق صحي ولذيذ وحلو
ولازم اعمله بشكل يومي في رمضان
لاني بافطر منه اول حاجة بما ان من مكوناته التمر
والحلو كمان انه مش بياخذ في التحضير 10 دقائق بس

الخشاف
هو معروف عندنا وكتير منا بيعملوه وباشكال مختلفة

والمقادير … على حسب الافراد

تمر – مشمش مجفف – قراصيا – تين مجفف – حليب – م ك سكر ( ل 2 كوب حليب ) – موز فريش

طبعا في الصورة مفيش تين لاني مش من هواته

نقطع المكونات كلها ..

ونضيف عليها اللبن والسكر ..

وتغطيه وتسيبيه لحد الفطور بتحضريه من الظهر مثلا عشان تطرى المكونات
وقبل الفطور بساعة تقريبا تقطعي الموز شرائح ..

وتدخليه الثلاجة عشان يبرد .. ماتحطيهوش في الثلاجة من الاول عشان ماياخدش وقت لما يطرى .. الماء البادر هيبطئ العملية …<<< عملية جراحية هي ههههههه:wink:

وعند التقديم ..

وبالف هنا وشفا ..

ملحوظة :: لو عاوزة الطبق يكون أخف ممكن بدل الحليب تستخدمي ماء مع عصير ليمونة وده المفضل عندي … وهنا ممكن تحطي اي فاكهة فريش تحبيها .. موز او رمان او كمثرى
وممكن كمان بدل الماء والحليب عصير قمر الدين ..

اظن مفيش اسهل واسرع من كده
يلا سلام ياحلوات

يرجى عند النقل ذكر المصدر ..