(f)(f)(f)(f)(f)(f)(f)(f)(f)(f)(f)(f)(f)(f)(f)(f)(f )(f)(f)(f)(f)(f)(f)(f)(f)(f)(f)
أتمنى الطلبات تكون في الموضوع الأول وهذا للردود فقط
يالله نبدأ…
بسم الله
ان شاالله تعجبكم أفكاري..
إقتباس المشاركة الأصلية بواسطة um_7amo0o0d
thank you for giving us this apportunity
unfortunatly i dont have arabic facility now.. maybe latetr i can wirte in arabic
I have shifted recently to new villa, and i would like to use the modern style in the living room but i dont know how to start or what items do i have to buy(lights , sofas,…etc)
i would appriciate if you can give me an idea on every thing related to the modern style
um_7amo0o0d
السلام عليج..
أول شئ لازم تحددين اللون.أحب الابيض مع البني الغامق والسلفر.أحس انهن الوان مودرن وما تنتهي موضتهن ولا تملين منهن.
اقترح الكراسي تكون بنيه جلد أو شامواه.الطاولات بالابيض(طاولة قهوه في الوسط وطاولات جانبيات).ابجوره طويله في زاوية الصاله على الارض ولو تكون فيها حركه مميزه بيكون أحلى.
اضاءة السقف لو تكونspotlight بيكون شئ رائع ولو يكون لونهن سلفر.السجاده لازم تكون دمج بين الابيض والبني.ألحين باقي الاكسسوار.طبعا لازم يكون كله بالسلفر و شوي بني.مثلا شمعدانات فضيه لو تاخذين مجموعه كبيره وتحطينهن في مكان واحد على طاوله جانبيه بيطلع شكلهن روعه مثل محل ذ-ون أحب ترتيبهم في الشموع.طاولة القهوه خذيلها اكسسوار بسيط مثل طاسه(مله) فضيه كبيره وبس بيطلع شكلها حلو وبسيط.
خذي كوشنات من كل الشكال فرو و ريش و قطن و ساتان وحطي شئ عالارض وشئ عالكراسي.
لا تنسين طاولة التلفزيون لو تسوينها تفصيل عند محل خشب راقي ويسويلج مكتبه ثابته عالجدار ويطلع منها رف عريض للتلفزيون (LCD) ورف صغير للرسيفر هذي الفكره شفتها في محل المارينا للأثاث و كانت وايد حلوه.
هذي أفكاري واذا عندج أسأله أو شئ ما عجبج أو تريدين تغيرينه ما عليج الا انج تقوليلي.
واسمحيلي عالقصور
هلا اختي انا ابغى افكار لغرفه النوم مجلس الحريم
غرفه النوم من الغرف اللي تجي في المسلسلات اللي لها اعمده
وقطعها كثيرة
والف شكر لك
————————————————————————————————-
ام الوليد*2007*
السلام عليج.
أختي نصيحتي لك انك تشوفين الغرفه اللي عجبتك اكثر وتسوين نفسها بالضبط.لأنه المسلسلات ما تقصر وأحلى شئ تسوين على عينك لاني لو بعطيك افكار ترا بتكون نفسها..
واسمحيلي
اذا عندك استفسار أنا حاضره
الله يعطيك العافيه
واذا ماكان عليك كلافه
ابغى افكار حلوه لعيد زواجي اهو قرب الله لايهينك والالوان افضل الاحمر
0والهديه ايش رايك وش تكون
__________________________________________________ __________________________
السلام عليج..
اقترح أنك لازم ادخلين لون مع الحمر مثلا أخضر عشان تستخدمين أوراق الشجر البلاستيكيه،والروز الاحمر،
ابيتدي بالحمام اعزك الله،خليه حديقه من الاوراق الخضراء،حطي في كل زاويه،واذا عندك علاقات في الحمام علقي عليهن اوراق،والفوط الحمراء لفيها بسلسلة اوراق،وحتى نعال الحمام لصقي عله ورقتين خضر ولونه يكون اخضر،(انا احب الخضر لانه يعطي حياه في اي مكان تستخدمينه فيه) ،وطبعا لا تنسين الشموع الحمرا في الحمام،عبيه شموع،كأنك داخله محل شموع،حاولي تخلين جو الحمام كأنه غرفه دافيه في هذا البرد،
والحين نروح لغرفةالنوم،خذي روز احمر وضعيه في فازا كبيره على طاوله دائريه في وسط الغرفه، ضعي ناموسيه علئ السرير اذا كانت بيضاء مثل اللي في ايكيا سويلها مثل التاج فوق بالتور الاحمر،ونزلي منه ورد وباقي الناموسيه من تحت لصقي عليها أوراق روز حمراء بس صناعيه أكيد،وتقدرين تجيبين اضاءة الكرسميس الصغيره الحراء وتضعينها حول السرير كامل،مع فراش احمر للسرير وعبيه كوشنات حمرا، حاوي تستخدمين المخمل مثلا على الكرسي اللي بالغرفه روعه المخمل،أرضية الغرفه عبيها شموع،كيف؟ حطي الشموع الصغيره حول اي قطعة اثاث بالغرفه ما عدا السرير، وسوي ممشى من الباب الى السرير من الشموع وافرشيه بالمخمل وانثري عليه ورد.
لا تنسين كرت الزواج، حطيه عالباب كأنها دعوه له أو في السياره الصبح مع رساله صغيره منك تقوليله انك عازمتنه على زواجكم،وحاولي تلبسين فستان البيض قصير مع تور ابيض على الراس(طرحه) وكعب عالي ابيض.
والسموحه..اي استفسار او افكار اكثر انا حاضره
هلا والله خيووه
انا بغيت اسوي حفله كمال سنه بخطوبتي
وبغيت افكااارش بالهدايا والترتيب وكل شي
وبغيت الشي الترتيب يغلب عليه اللون الاحمر
ومشكووورة اختي مقدما
__________________________________________________ ______________________________
تقدرين تقرأين الرد السابق وبتلقين فيه افكار تساعدك، وازيد شئ حطي روزنامه وسوي قلب أحمر على تاريخ الخطوبه،عشان بعد الزواج تكون مناسبه كل سنه تحتفلون بها وكل سنه تستخدمين روزنامه جديده،وتكون ذكرى حلوه،وبعد جيبي دفتر حلو للذكريات وكل واحد يكتب رايه في الشخص الثاني،وشو يتمنى في حياته، اتصلي بمحل ورد وخليه يعبيلك الغرفه ورد،
انا عندي افكار وايد بس بصراحه ما حددتي وين بتكون الحفله عشان اعطيك افكار مناسبه…..
ردي عليه وانا حاضره…..
اعطيني فكره اسويها حق اعراس قدام باب الاستقبال
نبي نحط طاوله وش نحط عليها قدم الباب الرئيسي
وشنحط من هدايا اكل بخور بس تكون بطريقه مرتبه عليها
يجزاك الله خير
__________________________________________________ _________________________
السلام عليكي
ما انصحك تحطين اكل، تقدرين توزعين ورده على كل شخص،أو تحطين صندوق فيه دعاء للعروسين،
وفكره حلوه لو تحطين قفص كبير فيه طيور،والقفص يكون مزين بالورود،وفكره بعد حلوه لو بدال الطاوله تحطين شجره مصنوعه من الحديد مش مثل شجرة الكرسميس،لا شجره عاديه وتعلقين فيها هدايا للمعازيم،
حلوه فكرة البخور، في مدخن(مبخره) في محل جنيد كبيره وايد تقدرين ترتبين البخور فيها والمعازيم يشيلوا منها،
اذا في استفسار قوليلي والسلام
انا خالتي بتسوي حفلة لزوجها بمناسبة مرور اول سنة من زواجهم
وطلبت مساعدتي اذا تقدرين تساعديني عشان اساعدها
نبي افكار جديدة ومشكورة على تقديم الخدمات للي يحتاجونها
__________________________________________________ _______________________________
انا حطيت افكار للاحتفال بذكرى الزواج وشوفي الردود واذا ما عجبتك الافكار بكتبلك غيرهن،كله لعيونك.
بصبغ صالتي لكن ابي الوان فخمه تكون من البيج لكن اي لون يكون حلو بدرجاااات البيج …وشنو رايج بالتعتيق قديم ..؟؟؟ وعندي اساله وااايد بس انتظر تردين علي
__________________________________________________ _____________________________
انا ما اعرف كيف ستايل الصاله عشان اقولك سوي تعتيق أو لا،البيج الغامق حلو ودافي، ويناسب الذهبي وكل الالوان الغامقه،انتي حددي لون الاثاث والستايل عشان نعرف كيف نرتب،
وتسلمين أختي لثقتك فيني.
بس اللي محيرني شكل الكرستالات والمايا الملونه اخذ اي شكل بيضاوي او مستطيل او مربع ؟؟
الممر شنو اصبغه؟وعندي صاله اصغر من الصاله الاساسيه شنو اصبغها لانها بالطريق لصاله الرئيسيه؟
 |
اقتباس |  |
 |
المشاركة الأساسية كتبها ام الورود*  |
 |
 |
| يا قلبي مشكوووره …….شوفي زوجي مو راضي اني اشتري وبعدها اصبغ يقول الصبغ وبعدها الاثااااث واقترح علي البيج والبني يقول ينااااااااسب اي اثااااااااث ورضيت برايه وراي باجي رفيجاتي لكن انا عندي طريقه وبقولج عليها وانتي عطيني رايج >>>>> ناويه اخلي الجدار اللي مقاااااابل يعني الناس اول ما يدخلون تكون بالوجه نويت اسويها احط فيها ثريتين بالجدار وابروزهم بالجبس واصبغ الجبس بني وباجي الجدار راح انثر المرايا والكرستالات وبعض الرسم الذهبي والبيج والبني >>>>وباجي الطوف الثلاث راح اخلي الطوفه يصبغها لي بالعرض تقريبا شبر ونص لماااع وتحت منه عرض شبر ونص نص لمعه وهكذا <<يارب فهمتي علي بس اللي محيرني شكل الكرستالات والمايا الملونه اخذ اي شكل بيضاوي او مستطيل او مربع ؟؟ الممر شنو اصبغه؟وعندي صاله اصغر من الصاله الاساسيه شنو اصبغها لانها بالطريق لصاله الرئيسيه؟ |
||
 |
 |
ماشاالله أفكارك روعه وما عليها زود،اذا عندج صور الثريتين ودي أشوفهن عشان اعرف احدد شكل المرايا أو حتى صور الاثاث لانه يمكن تكون فيه حركه دائريه أو مثلث أو حتى معين، اسمحيلي كل شوي وسألتج أسئله بس والله عشان تكون الاشياء متناسقه،
أريد اسالج عن الصاله