انا عندي مشكلة .. او يمكن ما تكون مشكلة .. ما اعرف .. المهم انتوا حلوها وطمنوني ….
انا احاول قد ما اقدر اني ارضع ولدي رضاعه طبيعية وابتعد عن الصناعي .. طبعا اضطر احيانا اعطية صناعي …
احيانا يوم اعصر على صدري يرش الحليب.. ولما ارضع ولدي احس ان يمص بس ما يطلع شي .. يمكن احساسي غلط بس ابا اطمن ..
ملاحظه ….
يوم ارضعه احس بوغزات فظيعه لما يمص .. هل هذا طبيعي …
وهو يشرب من الايسر فقط .. والايمن اشفطله ..لانه ما يرضى يشرب منه… ما اعرف ليش ..يمكن طعمه مر 
2
والشي الثاني
الغازات …. الغازات .. دلوني على شي يهدي الولد ..
كل شي عطيته .. الينسون .. والميلوبا .. وانفاكوول.. وادوية من عند الدكتور .. لكن الولد يعاني معاناه مع الغازات .. يا جماعه قلبي يتقطع يوم اشوفه راقد ويتعصر .. لدرجة ان يحمر .. و24 ساعه (تكرمون) يضارط من الغازات خاصتا يوم ادهن بطنه واسويله مساج
غير الامساك … كل يومين يمشيه بطنه ..طبعا بعد معاناه وادهنه عشرين الف مرة .. للعلم ان يوم يمشيه بطنه يكون مثل السائل ..
وديته مستشفيات خاصه وحكومية ..محد فيهم حل مشكلة الولد .. قلت اسالكم وان شاء الله حد يفيدني .. والقى الحل من تجاربكم ..
السلام عليكم ورحمة الله وبركاته
إسمحيلي أختي نقلت موضوعك ركن التربية و الطفل…لأنه مش في الحمل و الولادة 
بالنسبة للرضاعة…فعلا…اول كام شفطة يكونوا صعب على البيبي…بعدين ما شاء الله تلاقي اللبن يجري
بس أهم شيء ما تتركي صدرك يمتلئ على الآخر…لأنه طفلك ما راح يعرف يرضع…و يصير يبكي…
بالنسبة للغازات…جربي ماء غريب…سيريحه بطريقة فظيعة…و يخليه يهدى و ينام…عن تجربة..و تلاقيه صاحي مبسوط…لأنه أخذ راحته في النوم…
هذا شكل ماء غريب…تلاقيه في الجمعيات…
عطيه ماء مغلي و مبرد + حبتين سكر نبات لانه يلين البطن
و اذا زاد الامساك عن حده
اشتري تحاميل جلسرين خاصة للأطفال
و حطيله وحده بس خاصة بالليل
و انتظري دقايق و بيمشيه بطنه و بيرتاح باذن الله و بيرقد
يعني تحاميل الجلسرين مب كل يوم تستعمل
تستعمل وقت البكاء الشديد و بالليل خاصة
مع ذلك شفته في الصيدلية لكن ما تجرأت اخذه لولدي رغم ان محد بكى قده..
اذا منعوه فأكيد فيه شيء مب زين ..
السلام عليكم ورحمة الله وبركاته
هلا أختي جمانـــــة…
أختي بصراحة إحنا ما منعوه عندنا في الإمارات.,..موجود في كل مكان…
لما أعطيه لمريم بنتي…ألاقي الغازات ما شاء الله تطلع بطريقة عجيبة…تصير بعدها تضحك و فرحانة…و تنام و هي مرتاحة…
ما حسيت أبدا إنها تخدّرت !
بس اللي أعرفه إنه كانوا يقولوا زمـــــان إنه في كحول و منعوه…و بعدين رجع من غير كحول بعد الكشف عليه…
ممكن تقوليلي كيف تعطين بنتج ماء غريب … يعني هل تخلطينه مع الماي .. اشكثر تعطينها (كم ملل) واذا تحطينه مع الماي اشكثر ماي تحطين …
لاني اعطية وما اشوف فيه اي نتيجه..!!!
فوانيس …
بالنسبة للتحاميل .. ولدي يوم احطله اي تحميلة اتيه حمى.. عشان جي يوم يعطوني فالمستشفيات احاول ابدله بادوية
جمانة ..
من زمان يستخدمون ماي غريب … ما صار شي
بس تعرفين انا بتصل وبسأل الدكتور …
يا جماعة ليش ما تردووووووون على ابا ارتاح … عطوني ارائكم وطريقتكم في طرد الغازات .. ؟!؟!؟!؟!؟!؟!؟!؟!؟!؟!
السلام عليكم ورحمة الله وبركاته
طيب طيب يا bj3a…الآن بس دخلت…
جربت لبنتي ماء غريب…و بعد فترة تعودت عليه و ما صار مفعوله مثل أول..
جاب لي زوجي هذا Nurse Harvey’s Gripe Water…
هذا ماء غريب مضاف له زيت الكراوية…جدا رائع…
طريقتي كما علّمني الدكتور…
ارضعها رضعتها…و بعدين آخذ 5 مليلتر ( بالقطارة أستعمل )…و أعطيها إياها شويه شويه…( لحد 6 شهور 5 مليلتر…بعدين راح يصيروا 10 )…
بعدين أضعها على ظهري علشان أطرد الغازات…
بعدها تلاقي الغازات ما شاء الله تطلع…و هي ترتاح…و لو كانت نعسانة…تلاقيها تنام و هي مرتاحة الحمد لله تعالى…
جربي و شوفي شو يصير…و إن شاء الله خير
وبالنسبة للامساك شو اسوي …
حرام كل 3 ايام يالله يالله بطنه يمشيه … لا وبعد بالتحميلة
انا بصراحة بنتي لو ما اشوفها فيها امساك اعطيها ماي وسكر نبات بس ازيد السكر واعطيها بعد ينسون
جربي وان شاء الله بيرتاح ولدج عن الامساك