الرضاعه المؤلمه 2024.

وانا بالنسبه لي اول طفله وفي البدايه حسيت بالم وتشقق وماكنت اقدر ارضعها اصلا
لكن بعد الاصرار وتحمل الالم من اجلها تغلبت على المشكله ولله الحمد
وهذا الكلام بس اول اسبوعين او ثلاثه

لكن بالنسبه للولد 3 او 4 نفس الشيء اعتقد بتواجهي صعوبه في البدايه بس
وبعدين بيكون كل شيء اوكي

بولدي الاول ما كان عندي اي خبرة وتعذبت بعد الولادة في الرضاعه وتشقق صدري لدرجة حسيت ان حلمتي بتنقص وكان الدم يطلع ولما اوقف رضاعة يتجمع الحليب بصدري ويصير لي مثل الصخره على صدري حتى ما اقدر انام ولا اكل ولا اسوي شي واضطر اني ارضع ولدي واتحمل الالم حتى اني كنت ابكي ودموعي تنزل وانا ارضعه ، وفعلا كنت احس بآلام مثل آلام الطلق عند الرضاعه في الايام الاولى ولما سألت الدكتورة وانا في المستشفى قالت لي ها الشي عاااااااااادي جدا والرحم الحين قاعد يرجع لطبيعته ..

بالطفل الثاني تداركت الموضوع وابتديت من الشهر السابع ادهن حلمة صدري بزيت الزيتون ، والحمد لله بعد الولادة ما حسيت بأي الام في صدري من الرضاعه ولا تشقق ولا شي لكن الالام اللي تشبه الطلق كانت موجودة وبعد خبرت الدكتورة بهالشي وهي طمنتني وقالت ها شي جدا طبيعي ..