الشياكة والراحة تبدأ من الحذاء 2024.

طيب تعالِ نعمل مع بعض تجربة وهي إنك تلبسي طقم في منتهى الشياكة وتلبسي عليه حذاء مش شيك أو مش مناسب.. بذمتك مش هتلاقي نفسك حاسّة زي ما يكون ناقصك حاجة، ومش عارفة تمشي، ومكسوفة..

أكيد دلوقتي بتقولي إن كلامي صح ونفسك تعرفي ازاي تشتري حذاء شيك، وفي نفس الوقت يكون مريح.. هي معادلة صعبة شوية بس إنت عارفة إن مع عروس وتوتى طبعا اللى هو انا مفيش أي حاجة صعبة نهائي…

علشان كده هاقولك دلوقتي على شوية نصائح هتساعدك على اختيار الحذاء المناسب ليكي، واللي في نفس الوقت يكون شيك ويريحك في اللبس..

نشوف مع بعض

النصيحة الأولى
ما تجريش وراء الموضة

أكيد مش محتاجة حد يقول لك إن راحتك تبدأ من راحة قدميك علشان كده يا ريت تختاري الحذاء اللي تحسي إنه هيريحك في اللبس وبلاش تجري وراء الموضة، وتختاري حذاء مش هيريحك لمجرد إنه موضة زي مثلاً: "إنك تختاري حذاء بكعب عالي علشان الكعب العالي موضة مع إنك متأكدة إنه هيتعبك ومش هيساعدك على الحركة".

النصيحة الثانية
اقفي وأنت بتقيسي

لما تيجي تقيسي "الحذاء" اقفي بيه، وحاولي تمشي في المحل كذا مرة؛ علشان تشوفي رجلك عاملة فيه إيه؟؟

النصيحة الثالثة
ما تسمعيش كلام البائع

كتير مننا لما تيجي تشتري الحذاء وتحس إنه مش مظبوط صاحب المحل يقول الجملة دي: "ما تخافيش يا فندم ده هيريّح مع المشي".. بس بيني وبينك الجملة دي ما لهاش أي أساس من الصحة…

علشان كده عايزاكي تبقي ناصحة، ولو حاسة إن الحذاء ده مش مضبوط أو مش مريّح رجلك وأنت بتقيسيه يبقى غيّريه على طول؛ لأنه عمره ما هيريح معاكي وهيتعبك…

اتكلمنا كتير.. صح؟
وطبعاً إنت عايزة تعرفي إيه هي الموضة

ما تخفيش.. حالاً هنتكلم عنها..

شوفي يا قمر.. الصيف ده نازلة تشكيلة هايلة من الأحذية بألوان وتصميمات متعددة..

فالبنسبة للألوان هتلاقي إن صيف 2024 بيتميز بوجود أحذية بألوان جريئة جدّاً فهتلاقي أحذية بألوان زي..

التركواز

الفوشيا

بالإضافة إلى وجود الحذاء اللي فيه ألوان متداخلة مع بعضها زي كده مثلا

واللون ده كمان لون جديد جدّاً

والأخضر بدرجاته المختلفة كمان موضة

والأحمر بدرجاته المختلفة

ده بالإضافة للألوان التقليدية زي الأسود والأبيض والبني بدرجاته

بالنسبة للتصميمات والخامات

هتلاقي أحذية بتصميمات وخامات مختلفة زي مثلاً:

الحذاء اللي على شكل ضفيرة..

والحذاء اللي من غير كعب هو الموضة اللي غالبة على صيف 2024

والحذاء المصنوع من القماش موضة جديدة نازلة في صيف 2024

ده كمان تصميم جديد نازل.. وعلى فكرة الشكل ده بيناسب البنت اللي في الجامعة؛ لأنه مريح جدّاً

ودي مجموعة مختلفة من التصميمات والألوان ممكن تبصي عليها