مرحباااااااااااااا عرايس المنتدى
انا عندي مشكلة في شعري انه خفيف خاصة من الأمام وما خليت شي الا وحطيته في شعري أي وصفة سمعت عنه أقوم اسويه أي أعشاب سمعت عنه أسويه بس ما حسيت بتحسن .
واخيرا سمعت عن الصبار مع العسل ………. هل في وحدة فيكم سمعت عن هذي الخلطة ؟؟
وايش فايدته للشعر … ياليت اللي جربت تدخل وتقولي … واللي تعرف فوائد الخلطة هذي برضوا تقولي ….
والله يعطيكم العافية
انا شغالتي قالت لي ان المدام اللي كانت تشتغل عندها اول جتها عين
و طاااح شعرها فراحت لدكتور اعشاب في ماليزيا و كانت الشغاله معها
لانها كانت مربيه للولد الصغير المهم تقول انه قال لها تستخدم لب الصبار
مع زيت بس مدري وش الزيت تقول ما تعرف اسمه بس تقول موجود بالسعوديه
المهم تقول انه قال لها تحط الصبار نص ساعه بعدين تحط الزيت بعدين تتروش
عاد سألتها وش سوت كفيلتها قالت لي
انها كانت تخلطهم بالخلاط ما لها خلق الظاهر تنتظر المهم تخلط الزيت و لب
الصبار و تحطه على شعرها مدري نسيت كم بس يمكن نص ساعه
و تقول انه ما شاء الله لا اله الا الله ان شعر المره صار كثييييير مره و طويل
لحد ظهرها
و تقول بعد شغالتي (صارت خبيره مو شغاله خخخخ) تقول ان الصبار كل ما كان اقدم
كل ما كان احسن هي تقول الصبار الامريكي القديم عمره اكثر من سنتين تقشرينه و
تاخذين اللب اللي بوسطه
اما الزيت مدري وشو الصراحه بس اعتقد ان اي زيت مجرب و مضمون بيعطي فايده و اتوقع
انه غير فايدته العاديه الهدف منه تليين الشعر لان الصبار ينشف
انا ما جربتها الصراحه لاني للحين ما جاب لي زوجي صبار و بعد ما جا الشتاء
برد ما لي خلق قلت اذا ولدت ان شاء الله بجربها و حاسه انها باذن الله زينه
عاد مره رحت ازور ناس اول مره ادخل بيتهم و كانت معي الشغاله قامت فزت و بدت
تسحب عبايتي و تنطط وتقول مداااام مداااام و انا ابتسم و اسلم على الناس فشلتني قلت لها
وش تبين ؟!!!
قالت شوفي هذا الصبار اللي زارعينه هذا اللي اقول لك زين اروح اقطع منه !!!
قلت لها اصصص ولا كلمه بتفشليني قدام الناس اقضبي ارضك لا تقطعين وجهي
بعدين اشتري انا….
وبسسس هاذي السالفه اللي طالت و لا بغت تخلص
اما عن العسل ما ادري الصراحه
عسى بس تكونين و البنات استفدتوا شي من هالهذره
سلاااااااام
كل اللي اعرفه عن الصبار اني استخدم حمام كريم للشعر منه
أول شيء جيبي الصبار وخذي اللب بتاعه وضيفيه لثلاثة كاسات من زيت النارجيل وخليه عالنار لمدة 5 دقائق
وخليه لين يبرد وبعدين صفيه وحطيه في علبة بلاستيكية ويستخدم مرة واحدة في الاسبوع كحمام زيت
انا من سنتين تقريبا عملت فرد لشعري وكان الفرد قوي على شعري فقام يتساقط بشكل كبير
جبت الصبار العادي المفلطح وقشرته بعدين بشرته بالمبشرة وصفيته واخدت الزلال الي طلع صافي وكنت اضيف له ريت الذرة (عافية ) واحيانا زيت الزيتون وادفيه على انار بعدين افرك بيه فروة راسي والباقي ادلك به خصلات الشعر واتركه من ساعتين لثلاث ساعات بعدين اغسله
والنتيجة ظهرت لي خلال شهر تلقين الشعر بدا يطول وتوقف التساقط نهائيا وحتى انه يساعد في تنعيم الشعر
لكن الكثير يمدحون في النوع الثاني من الصبار وهو الألو فيرا النوع الطويل المثلث الي حوافه مشرشرة لكن صدقيني كلا النوعين يحتويان على نقس الخواص الفعالة للشعر
فما تحتاري جيبي الصبار اللي تلقينة منهم وابدي استعمليه على طول ولا تبخلي
تحيات وتمنياتي لك بشعر صحي وجميل مع الصبار