حبيت اطرح ها الموضوع عليكم نبي ارائكم وخااصة الامهاات الي عندهم اكثر من طفل
يعني الخبيرات
راح يجي الصيف واغلب اناس بدت تشغل المكيف ابي اعرررف شلون تحافضون على اطفالكم من برد المكيفااات ومايتعرضون للمرض
ودي اعرف شلون بتتصرفوون وكيف بتحمووونهم من اخطار المكيف ومايسببة من تعب للطفل ؟؟
يلا بنااااااات ابي اعرررررف اوضاعكم مع التكييف ..
تحياااااااتي
فعلا الموضوع مهم…
انتو الحين شغلتوا التكييف؟ احنا للحين الجو بالليل بارد وما يحتاج اكثر من المروحة…
شوفي بقولج الحين شنو اسوي في الصيف..
الطفل اذا كان ينلف.. ما يتلبس غير اللبس الداخلي… ويفضل لو كان بدون اكمام.. او حمالات فقط ..
( ما اعرف شنو يسمونهم بالكويت .. شباحات.. تباانات.. اللي هوه 
)
وبعدين تلفينه باللف او القماط.. ويكون من نوعية قماش قطني خفيف..
وفيه لحافات قطنية مخرّمة.. تنباع شفتها بالبيبي شوب.. وانا شريتها من سناء.. تحطينها فوق وبس خلاص..
انتبهي.. لوقعد للرضاعة وكان معرّق.. لا تفتحينه والمكيف شغال.. اما تبندين المكيف… او تطلعين به برااا الغرفة..
اذا الطفل اكبر وما ينلف…
تلبسينه بجامات نوم اكمامها طويلة.. بمذركير وبيبي شوب البجامات على مدار السنة تحصلين منهم اكمام طويلة.. ولو كانت سراويل افضل.. حتى لو بنوتة…
الغطى او اللحاف.. تدخلينه تحت الفراش من الجهات الثلاث.. وبس جهة الراس مفتوحة.. عشان ما يتحرك البيبي ويرتفع عنه..
ونصيحة عامة… لا تحممين الطفل قبل النوم مباشرة … او على الاقل لا تغسلين شعره.. عشان ما ينضر من الهوا البارد ..
لان اصلا ماعنا هالبرد اللي هو دائما نعاني من حر شديد واحيانا يكون الجو جميل ممكن نطفي المكيف كم ساعة مو اكثر سبحان الله على جو هالبلد
انا ولادي متعودين من صغرهم على المكيف يعني بالليل كنت البسهم مظبوط وينامو على صوت المكيف اصلا
ولما احممهم بطفي المكيف شوي لانهم بيكونو لسى عرقانين ومبلولين من الحمام وبعد ساعة بشغلله
اشكرك موضوع مهم
وولدي مزكم وبلاعيمه تعبانه ومصخن مايقدر يتنفس مسكين
شكله يكسر الخاطر
مع اني ألفه بالمهاد بس مع ذلك مرض
بالعادة لازم البس ولدي بيجامات بأكمام طويلة سواء صيف أو شتاء، ومستحيل أحممه قبل النوم مباشرة،، أحممه قبل نومه بكم ساعة يكون ينشف راسه.
البيبيات الصغار ، بيجامات شبك كامل، ولو ينلف بالمهاد ينلف بالخفيف وعليه بطانية خفيفة.
وربي يحفظ اعيالنا واعيال جميع المسلمين
لان زوجي بدى يشغل المكيف من كم يوم لابن الجو بدا يصير حار ورطب ..فقعدت الف ولدي بكم لحاف والبسه كم طويل وبعدين اغطيه والبسه قبعة ..
يحليلكم و الله تحاتون الجو احنا لحد الحين عندنا برد
و اذا اجى الصيف القاتل عندنا فممكن نستعين بمروحة هههههههههههههه
سبحان الله كل بلد و له جو مختلف