الطفح الجلدي عند ولدي 2024.

كيفكم بنات
كثير محتارة وش اسوي في ولدي
جاه طفح جلدي في منطقة الحفاض
ومش راضي يروح
رغم اني اهويه
وما اخلي الحفضة تطول عليه
واستخدمت سودو كريم
والفازلين
والبودر
ووصفولي الدكاترة 3 انواع كريم
ومانفع
وبحط صورة للكريمات الي استخدمتها
بس ابغ اعرف تجاربكم في هذا الشيء
وابغى الحل للي عندها الحل
وتكفون لا تبخلون علي بتجاربكم
لاني عن جد محتاسة
وهو كاسر خاطري كثير

ولدي صابه نفس حالة ولدج و طلع عنده فطريات مع اني احافظ على تغير الحفاظ اول باول … حاولي تغسلينه بماء فاتر من غير صابون وتهوينه واسالي الطبيب عن مضاد للفطرياات ولاتستعملين معاه كريمات ثانية وخلال اسبوع ان شاء يكون الطفح راح….

مشكورة عزيزتي على ردك
وصدقيني اني محافضة على نظافته
بس محتارة اول كانت تروح اذا حطيت عليها كريم
الحين تزيد هذا الي جنني

ماعليه شر استعملي كريم الهملايا لمنطقة الحفاضات انا استعملته لبنتي الله يحفظها وراح عنها الاحمرار ان شاء الله يروح عنه بس ادعي لبنتي بالشفاء اي وعليك بالتهويه وشوفي حجم الحفاض لازم يكون مريح وممكن تستعملي مغلي البابونج بعد مايبرد طبعا للتنظيف ان شاء الله اكون افدتك

غيري له نوعية الحفاض ممكن الحفاض هو اللي مسبب له هالشيء ودايم خليه يتهوى

وطمنينه عليه لا تنسين

وسلامته ان شاء الله

بنتي صابها نفس الشيء… أخذتها للدكتور وطلع أنه عندها فطريات، وعطاها الدكتور الأدوية اللازمة وقال لي لا ألبسها الحفاظ 3 أيام، وفقط أغطيها بالشرشف، وعلى طول راح الطفح والحمد لله. وبعدها نصحني الدكتور أني ما ألزق الحفاظ مره مره على جسم الطفل، إنما أخلي مجال تتهوى شوي منطقة الحفاظ، وكمان أحط دائما كريم للمنطقة إسمه:
vasogen

ونصيحتي الشخصية أيظا أنك تغيري لها الحفاظ كل 2 ساعه ونص بالكثير إذا كانت صاحية و كل 3 ساعات ونص أو 4 ساعات ونص بالكثير إذا كانت نايمة.

وأي سؤال أنا حاضرة إن شاء الله.