اول موضوع لي فالمنتدى ان شاء الله يعجبكم
~العصيده~
طريقة بهارات الطحين :
2 كوب طحين ابيض
1 ملعقة صغيره دارسين
1 ملعقة كبيره هيل
شوية زعفران ايراني
1 ملعقة صغيره زنجبيل مطحون
1 ملعقة صغيره كركم
1 ملعقة صغيره فلفل اسود (اختياري ) انا حبيت تكون طعمها حار شوي
نجيب جدر متوسط الحجم نخلط الطحين والبهارات مع بعض لين يتجانس الخليط على فرن متوسط الحراره نحمر الطحين مب وايد لين يصير لونه ذهبي فاتح انتبهو لا تحرقونه ..
وهذا شكله بعد ماحمرته نرفع الجدر من على النار
ننخله ونخليه على جنب
الحين دور السكر
المقادير :
2 كوب ونص سكر عادي
نذوب السكر في قدر آخر بس تحملو تحرقونه بس مجرد ان يذوب كله ويصير لونه نفس الكراميل ونضيف عليه ماي ساخن لين نص الجدر تقريبا وخلوه يفور شوي مب وايد لين يذوب السكر كله .. الحركه خطره تحملوا تحترقون
نضيف 2 ملعقة صغيره هيل
وشوية زعفران
وملعقة صغيره كركم
نصفي الماي بالمصفاه
ونجيب جدر اخر نضيف ربع كمية السكر الكراميل
نبتدي نحط الطحين ملعقه ملعقه شوي شوي عشان مايتكتل ونخلط العصيده بالشوبك الى ان يتجانس الخليط ويصير خليط ناعم ونزيد خليط السكر اللي خليناه على جنب شوي شوي مره سكر ومره طحين لين يخلص وتكون عندكم العصيده جاهزه
نصب العصيده في حراريه عشان ماتبرد وتكون على طول ساخنه
نذوب زبده ونحطها فوق العصيده
الحين جه دور البيض
نسوي بيض مخلوط 3 بيضات حسب الرغبه طبعاً هالشي اختياري للي يحبونها مع البيض
ونحطه عالوجه
وهذا الشكل النهائي للعصيده اللذيذه
هذي ثالث مره اسويها وطلعت تجنن
والكل يحبها
اتمنى انكم تجربونها 😮
تسلم ايدج
خلولي عاد بكره لاتخلصونه لوووووووول
أختي
يعطيك العافيه
شكلها لذيذذ بس لو ماحطيتي البيض تسلم ايدينك ياغاليتي
ربي يسعدك يااارب
بس يا ريت تحطي اسمك على الصور في المرات الجايه
علشان التمييز ويعطيكي الف عافيه على المجهود الرائع
فدوو..ربي يسلمج .. البيض اختياري اذا تحبين تقدرين تسوينه بدونه
ماذا اقول ..مشكوره فديتج فرحتيني برايج الطيب ..انا نسيت احط اسمي ان شاء الله فالمره الجايه ولا يهمج ^^"
يسلموووو
❤ اللهم اجعلني ممن توكل عليك فكفيتهـ و استهداك فهديتهـ واستنصرك فنصرتهـ ❤