الغيرة بين الأبناء وفرق العمر البسيط بينهم 2024.

في هذه المرحلة تصبين كل اهتمامك على البنت الكبيرة ، عشان ما تتأثر نفسيتها ،و حاولي تفهمينيها أن أختها الصغيرة تحبها و لما تكبر راح تلعب معاها ،و خليها تدوم تطبب عليها بحنية و طبعاً لازم أنتي تراوينها شلون ، وقولي لها مثلاً لا تخلين أحد يضرب أختك و راح تشوفينها هي اللي تتحمل بها ، و عندما يجيك ضيوف أو تزورين الأهل لا تخلين أحد يعصب عليها و كل امديحها قدامهم و لا تقولين قدامها أنها تغار من أختها لأن الطفل يدرك كل شيء و يخزنه و يتأثر به.

و على فكرة أنا في ولادتي الثانية جهزت هدية لبنتي الكبرى و في أول زيارة جاتني فيها قدمتها لها و قلت لها من هدية من عند أختك الصغيرة ، و هالشيء تدوم تتذكره للحين .

و لا تنسين نصيب الصغيرة من الحنان بس بشكل ما يأثر على الكبيرة