ايش رايكم تشاركوا معانا في افادتنا بأهم الزيوت الطبيعية المفيدة للشعر ؟!!
أنا راح أبدأ واللي عندها اية اضافة تتفضل …
زيت اللوز الحلو : مفيد للشعر الجاف وللمحافظة على الشعر من التقصف وللقشرة
زيت الخروع : ايضا للشعر الجاف وللمحافظة على الشعر من التقصف ولمنع التساقط وتقوية الشعر .
زيت الحنة : لتكثيف الشعر وتطويله ومنع التساقط والتقصف والقشرة
زيت الجرجير : لتكثيف الشعر وتطويله ومنع التساقط والتقصف ومفيد للشعر الجاف
زيت الصبار : لتقوية الشعر ومنع التساقط والتقصف وللقشرة
زيت الثوم : لتقوية الشعر ومنع التساقط وللقشرة
زيت النارجيل : لتقوية الشعر ومنع التساقط
زيت الحلبة : لتقوية الشعر ومنع التساقط
زيت السمسم : لتغذية الشعر ومنع التساقط
زيت الزيتون : لمنع التقصف وللقشرة ومفيد للشعر الجاف
بالنسبه للزيوت عندك .. زيت العافيه مع المحلب ..
كمان زيت أبو الجدايل ..
زيت جنين القمح ..
والكثير من الزيوت ..
أتذكر قبل حوالي 5سنوات .. كنت مداومه على زيت إسمه
هير بنول .. بالأعشاب الطبيعيه .. وهههههههههههههههههب أختفي من الأسواق داومت عليها سنتين .. والله شعري طال بصوره مو طبيعيه
بس وين ألاقيه ألحين
تقبلي تحياتي
جزاك الله خير ولي عوده للموضوع مره ثانيه
بس بغيت اسأل000
زيت الزيتون صحيح انه يسبب تساقط اذا استخدمته لحاله؟؟؟؟
*عندك زيت صانسيلك
انا مجربته ولحد الان استخدمه واقدر اقولك انه رهيب 
فيه سبعة انواع من الزيوت
وهو يجي على نوعين ….
اللون الاخضر للشعر الجاف والمتقصف
واللون الاصفر للشعر العادي
يعطي نعومه رائعة للشعر وملمس ولمعان تبدين تحسين فيه وتلاحظينه كل ما صرتي تستخدمينه اكثر ..
وهو انه يفيد الشعر المصبوغ لأنه يعوضه عن المواد الي يفقدها مع كثر الصبغات والهايلات
واحلى مافيه ان ريحتة مثل العطر … ولا كأنك حاطه زيت
*وعندك زين باراشوت الازرق
اكثر فايده انه يعطي لمعان للشعر … وهو خفيف ماتحسين انك حاطه زيت من الاساس
حتى ممكن تستخدمينه بعد الحمام ، تحطين منه شوي بيدك ( كم نقطه ) وتفركينها بشعرك … يعطيك لمعان ويسهل عليك تمشيط شعرك لو كان من النوع المتشابك
وحتى أنا ياجوووري كنت استخدم الهير بنول جدا رائع حتى ريحته ومازلنا انا واخوتي نبحث عنه وفجأة اختفى لكن سألت مندوب الشركة وقال انه مامشي في الأسواق فسحبوا كل الكمية .
كفيتوا و وفيتوا
و الله ما ني عارفه وش اكتب لكم اي نوع ؟؟ كل اللي اعرفه كتبتوه
لكن اعرف زيت الزيوت السبعه هذا زيت رهيييب و انا مجربته
و زيت الحلبة يمدحونه بعد .. لكني ما بعد جربته ..
و على فكرة ترى ريحته تروح من بعد الإستحمام
.. تحياتي للجميع ..
مشكورة رهف على هالمشاركة الحلوة و بغيت اقول اني جربت خلطة دهان اتسويها حرمة مواطنة تنعم وتكثف الشعر و توقف التساقط وايد حلوة باقل من خمسين درهم بس صراحة رهييييييييييييبة…..
كل مره اخلط معاه شي مره اخلط معاه زيت باراشوت (الخاص بالطبخ) لانه مفعوله احسن مافيه مواد حافظه ولا معطره
ومره اخلط معاه زيت خروع..
حسيت ان شعري صار اكثف عن اول الحمدلله
وبعد في زيت جوز الهند مع الحبه السوده هذا للشعر الجاف وطبعا جوز الهند يساعد في نمو الشعر يزيد طوله بسرعه
زيت صانسيلك اشتريته بس من بعد ما جربت زيت عافية مع الحلبه وزيت باراشوت وقفته لان الطبيعي في النهايه احسن من اللي يحتوي على مواد معطره ومواد كيماويه
يعني لما احنا نسوي الخلطات بنفسنا وايد احسن من الجاهز اللي ما ندري شنو حاطيين فيه
😎