قرأنافي مكان ما ان مخلوط عصير الليمون مع الجلسرين يسهم في تبييض المناطق الغامقة في الجسم عموما وحتى المنطقة الحساسة..ونود بارك الله فيكم ان نستوضح بعض الامور…
1- ماالمقصود بالجلسرين ؟؟؟ ومن اين احصل عليه؟؟؟
2- بعد وضع هذا المخلوط على الجسم كم دقيقة من المفترض تركه ثم غسلة؟؟
3- هل جربت احداكن هذه الامر و هل كان نافعا ؟؟؟
4- هل يتم وضع هذا المخلوط بعد ازالة الشعر ام قبله ؟؟؟
نعتذر على الاطالة و جزاكم الله خيرا…
اختكم في الله: لآليء
اما الفترة فالاحسن انها تكون اطول مدة ممكنة.. انا عن نفسي كنت احطها بالليل ادهن بها المناطق الغامجة بين الافخاذ بس الصراحة ماكملت اسبوعين لانها سوت لي حكة والتهاب صرت مااقدر انام .. فتركتها
جزاك الله خير و بارك الله فيك…
بس خوفتيني بهالكلام…يعني هالخلطة تسوي حساسية…!!!!
طيب…استخدمتي خلطة غيرها…؟؟؟؟
بصراحة محتاجة خلطة تزيل السواد ومب عارفة شو اللي بيفيدني…:confused:
مشكورة و يزاج الله خير مرة ثانية
أنصحج تستخدمين خلطة مجربة .. تتكون من
جليسرين سائل + ليمون + زيت الزيتون .. (بكميات متساوية) .. تفركين جسمج ووجهج كل ليلة وتستحمين بماء فاتر في الصباح .. واستمري على الوصفه.
تحياتي
ام عدووول
ان شاااااااااااء الله بستخدمها و ياااااارب تييب نتيجة بدون اي حساسية و ماشابه…
دعواااااااااااتكم…
اختكم في الله: لآليء
اذا كانت المنطقه غامقه بين الافخاذ فتقدرين تقضين عليها من غير اي خلطه
وانا مجربتها
بس حاولي ان تكون ملابسج الداخليه شورتات ولا تلبسين النوع الثاني
انتي فاهمتني …واستمري على الشورت راح تلاحظين ان اللون الغامج اللي بين الافخاذ وعلى اطراف الفخذ من فوق كله راح يروح …
وفعلا انا الحين ما البس الا الشورتات …
لان الشورت يمنع احتكاك الافخاذ ….
وصراحه ابتعدوا عن الشيره ( الحلاوه ) لانها اهيا اللي تسبب سواد هالمنطقه