السلام عليكم ورحمه الله وبركاته،،،،
قبل كل شي،،اتمنى فقط من البنات اللي متعقدين شراااااتي يشاركون في الموضوع
ونتناقش فيه،،،
انا ياما سرت صالونات،،،واحس عمري اصير مثل الساحره بالميك اب مالهم اللي يحطونه
خصوصا الكريم اساس يخلي الوحده كانها ورقه مخرمه
وغير معاملتهم ،،،صدق اني كرهت الصالونات،،،وخلااااااص لاعت جبدي
وخلاص قررت احط الميك اب لنفسي،،ترى الصراحه وبدون غرور،،الميك اللي احطيه احلى
بوااايد من الصالونات،،والكل يقول ان الميك اللي تحطينه بروحج احلى عليج
،،،
والفضل يعود لله سبحانه وتعالى،،، ثم المنتدى اللي خلاني اتقدم في هذا المجال
والحمد لله ما راح احتاج صالون بعد اليوم،،
بس في مشكله تواجهني،،وهي انه عرس اختي في اجازة الربيع،،وطبعا انا اختها الوحيده
ولااااااااازم على قولتهم اني اكون احلى وحده ،،كل بنات خالتي يقولون بنوديج المكان الفلاني والعلاني عسب تتعدلين،،هم حاطين في بالهم انهم يسيرون مورا
بس تبون الصراحه انا مرة شفت عليهم مكياج مورا والصرااااااحه كان بااااايخ
وكريم الاساس كانه حاطين مستنقع على ويوهم
وفي منهم راح صالون شارم في دبي وتعدلت كم من وحده منهم عند الخبيرة الفرنسيه
ومكياجهم يعني اي وحده ممكن تحطه وهو عبارة عن لون واحد شدو واللون الابيض تحت الحاجب ولمعه،،ورموووش تركيب،،،بس ،،،
ومن هني حبيت آخذ رايكم خواتي،،ترى انا مالي غيركم
هل انتو تشجعوني اعتمد على نفسي،، واحط الميك اب بروحي،،
ولا لكم راي ثاني
ارججوكم ما ابيكم تدلوني على اسامي صالونات،،او خبيرات تجميل
ابي اسمع منكم كلام يشجعني،،،،ارجووووووكم
والحمد لله اعرف ادمج الالوان واحط الآي لاينر،،واظبط رسمه عيوني عدل
يعني نفس اللي ينعرض في المنتدى
على فكرة انا ملجه اختي الاسبوع الياي،،،وبسوي كل شييي في البيت
حتى شعري بسويه سشوار،،وخلاص
ترى الموضوع مفتوح للمناقشه،،وكل وحده تبدي رايها بصراحه
وشكرا لكم
وبالنسبة لرأيي أقول حاولي اتسوين بروفه لنفسج ، حطي مكياج واسألي الي حوالينج عن رايهم واقتراحاتهم
واذا انتي عارفه ومتأكده ان ما في احد يضبط المكياج لج لا تجازفين وسوي لنفسج الميك اب
أولا اسمحيلي اني دخلت وانا مش من الامارات…
باقولك رايي بصراحة ..
انا اشوف انك تخلين وحدة تمكيجج … يعني مب لازم تروحين صالون .. ممكن تيبين وحدة تمكيجج
لأنك في ليلة عرس اختك ((( وهذا عن تجربة ))) ماراح تكونين على أعصابك
حتى لو انتي اخت العروس بس راح تكونين متوترة وايد
فالنتيجة بتكون عليج مش معاج … يعني انتي بتراقبين الترتيبات والا احتياجات العروس والا بتقعدين متسمرة ساعة عشان تسوين لك مكياج راقي يليق باخت العروس ؟؟؟؟؟؟؟؟؟؟؟؟
وانتوا عندكم في الامارات مجموعة كبيرة من خبيرات التجميل عندك مثلا وحدة اسمها فوز أظن أو شي من هذا القبيل مكياجها راقي ورائع بصراحة
هذا رايي بصراحة عن تجربة ولك القرار الأول والأخير
ت ح ي ا ت ي
مشكورة الغلا على ردج مشكورة الغلا على ردج المهم انا مثلج بأعتمد على نفسي في عرس اخويه
عندي اقتراح المكياج جربي المائي وما بتندمين ؟؟؟؟؟
وروحي صالون قنطار ام في دبي عندهم خبيره مكياج هي اللي تبيع اسأليها عن الكيك ميك اب من ماركه كريولان وصدق ما بتندمين
واشتري الرموش من عندهم روووعه والله بعد ما رحتلها ما حد مكيجني واعتمدت على نفسي
ووالله سرت عنده وطلبت المكياج الاسبشل والغالي بس والله طلع شكلي موول ما عيبني
وعاهدت نفسي خلاص من يوم وساير روحي بحط مكياج وانصحج انج اتحطين روحج وماعليج من رمست الباقين وانا متاكده انج بتطلعين قمر بمكياجج 
اختج هفووفه
<— وحده قطرية ملقووووفة 😎 😎
انا من رايي اقولج انتي جربي تحطين الميك اب بنفسج في الملجه وشوفي الناس شرايهم فيج
واذا تمكيجتي بنفسج في العرس مابتتغيرين عن الملجه اذا انتي بتحطين الميك اب بس لو رحتي لصالون اكيد بيتغير شكلج كثير عن مكياج الملجه وحلو انج تكونين مميزة في العرس وبلوك جديد وخاصه انه عرس اختج يعني مب اي وحده
هذا رايي وانتي حره حبيبتي
الف مبروك لاختج والله يجعل ايامكم كلها فرح وسعادة
شكرا لكم على الردود،،
احس انه في ناس معاي وناس تفضل اروح الصالون،،،
بس انا بسوي بروفه وبسأل اللي حوالي وباخذ رايهم،،لاني الصراحه مو مستعده حق الصياح في ملجه اختي
لان كل ما اسير صالون لازم ارد البيت واصيييييح:confused: :confused:
ما كسرت خاطركم،،،،،:confused: :confused: