وش علومكم ان شاء الله تكونون بأتم صحة وعافية يارب
حبايبي بغيت مساعدتكم بأفكاركم بالذات اللي عندها خيال وابداع اب هالمجال….من فترة وانا ناوية اسوي البوم زواجي بس ماكنت فاضية وكل امرة اجي بشتغل يطرأ طارئ وماسوي شي ولحين انا معزمة ابدي وعندي لفكار مبعثرة في عقلي و ودي من تساعدني اعرف انكم مبدعات وتحبون هالسوالف ياليت تساعدوني وماراح انسى لكم هالخدمة ولا راح انساكم من الداء الطيب ان شاء الله 
من تشوف عندها فكرة او ابتكار او ميزة تحب تسوي هالسوالف وتخترع افكار رهيبة تساعدني
راح اقول لكم شنو مفكرة اعمل ان شاء الله…بالبداية راح احط صورة عروس ومعرس واطبع كلمات وادعية حلوة وانسقها بطريقة مبتكرة وبعدها راح اخلي بطاقة الزواج
شو رايكم؟؟ان شاء الله تعجبكم الفكرة
ولاتنسوني انا في انتظاركم وفي انتظار مساعدتكم و وقفتكم معاي تراني ماعندي خبرة في هالمجال و انتوا اخبر مني اكيد
ناطرتكم لتخيبون ظني فيكم خواتي
ومن رايي انج اول شى تحددين الفكره اللى بتشتغلين عليها..
أوالنمط اللى راح يكون عليه الالبوم..يعنى هل راح يكون تقليدى(البوم خشب )
رومانسي(زهور على الغلاف وحول الصور)…فيه اشكال واااااااااااايد للالبومات ..
فيه بعد بنات يزينون الاللبومات بالصدف المحار والولو..
أو الخيش وخرز وسلاسل…ع الغلاف واخل الصفحات..
فيه افكار وايد …بس اول شى ابدئي بالالبوم…والباقى بيسهل عليج
والله يوفقج
تصدقين اول ماقريت طلبج قلت تكتبين تعليقات على الصور وطلع الفكرة براسج
شوفي حبيبتي انا مع البساااطة
الالبوم صعب تسوينه لانه طبيعي فيه وايد صور فبياخذ وايد تزيين ويمكن ماتنضبط معاج كل صفحة او كل مجموعة "فاهمة علي"
فاشتريه من محل راقي وسوي فكرة التعليقات والادعية
وبيكون بسيط وناعم وكفاية الصور الحلوة تزين الالبوم ولا انا غلطانة
والله يوفقكم ويسعدكم دنيا واخرة يارب
اختج:
#رومانسية#
هلا حبيبتي..
انا من رأي مشرفتنا رومانسيه..
في البومات فخمه في استديوهات التصوير المعروفه.. ناعمه ومرتبه وممكن يكتبون عليها اسمك واسمه واي كلمه حلوه معها..
انا رأيي احلى لو كانت الصور بألبوم مثل كذا عشان ما تشتتين الانتباه عن الصور.. وتضيع حلاوتها
وممكن تسوين البوم ثاني بس للمتعه بصور الزواج
ومثل ما قالولك ابدإيها بصوره لك وله وانتوا صغار.. وبعدين صورة للملكه وبعدين كرت الزواج.. وبعدين تدرج الصور صوره له وصوره لك وبعدين وانتوا سوا ولو في صور منهم صار فيها موقف واو قال لك كلمه حلوه فيها او ضحكتوا على شي فيها اكتبيها تحتها..
ممكن تزينيته بورد مجفف من بوكيه الزواج بعد ما تضغطين الورد ويصير مثل الورقه..
او تطبعين فريمات وتحطينها فوق الصور.. وممكن تستخدمين الترتر او الاكليل تزينين فيه حواليه مع شرايط..
اما من بره ممكن تغلفينه ساتان ابيض من نفس قماش فستانك ولو عندك وصله من القطعه المطرزه تجمعينها بشكل حلو بالجنب من وحده من الزوايا وتنزلين منه شرايط تل ولو تبين سلاسل لولو وتنثرين كريستال.. وتكتبين اي كلمه على الغلاف مثل البوم قصة حبنا او بداية مشوار حبنا..
اتمنى اكون وصلت لك اللي تبينه..
الله يعطيكم العافيه يارب وجزاكم الله خير
الزمن الصعب
#رومنسية#
دلوعة حبيبي
ياهلا ومسهلا فيكم خواتي فرحكم الله وجزاكم الف خير ان شاء الله وحقق مناكم وحفظكم من كل شر وعين وسخر لكم كل ماهو صالح وخير لكم ووسع عليكم وفتح لكم الرزق من ابوابه الواسعة ويسر لكم كلماهو صعب وفرج لكن اموركن ان شاء الله قولوا آمين
كم اسعدتني ردودكن الطيبة وياعسى ربي مايحرمني منها ويجزاكم كل خير ويسعدكم مع ازواجكم واولادكم ويهنيكم ربي ويرزقكم بالذرية الصالحة وتعيشون حياة سعيدة ومريحة والله لايغير عليكم يارب
افكاركم مثلكم في منتها الأبداع والجمال وخيالكم ولا اكرم
من كل قلبي اشكركم ماتعرفون اش كثر فحتوا قلبي الله يعلم بفرحتي والله واحمد الله ان لي خوات فالله مثلكن
شكرا خواتي من كل اعماق قلبي
حبيبة ريلها
تسلمين حبيبتي على مرورك ومشاركتك الطيبة وردك المشجع
آميييييييييييييييييييييييييين يا رب.. الله يسمع منك حبيبتي..
وجزاك الله كل خير على الدعاء الحلو اللي دعيتيه لنا.. ولك مثل ما دعيتيلنا وازود..