وكوني هالسنة باكمل دراستي الجامعية…
الألوان اللي اخترتها
البنفسجي الفاتح اللون الأساسي…واللون الثانوي هو اللون اللي اتشوفونه…وباتعرفون شو معني هالكلام…
وعلى فكرة كل الألوان والمواصفات اللي باشرحها من جوتن اللي خلت حياتنا كلها ألوان خخخخخخخ:hahaha:
اللون الأساسي…مائي…أو المصطلح فانوماستيك…
وهو اللون البنفسجي الفاتح…والحلو اللي فيه ينشف على طول من على الطوفة…وما يبيله وقت ولا ريحة وحلوة في غرف العيال واترومين تغشلين أي شي منه بسهولة…
وهذي شكل العلبة…
وصبغت الطوفة كلها…
ومثل ماهو واضح في الصورة حاطة لزق أبيض الكبير في نص الطوفة علشان اتحضر للمرحلة الثانية…
وفي المرحلة الثانية …
أطلبي عند جوتن أي لون تبينه بس يكون أغمق من اللون الأساس…وقوليله نوعيته ليدي غليز…
وهذي شكل علبته…
وتنر علشان اتخففين اللون…وباخبركم كيف…شوفوا شكل العلبة…
واتصبني مقدار ثلث علبة الليدي غيليز وتخلطينه فيها…بيطلع شكله غليظ وهذا المطلوب…
هذا شكله بعد الخلط…
واستخدمي رول خاص بالليدي غليز يكون أصغر من الرول الكبير…
بعدها تحطينه تحت اللزق…يعني في النص السفلي في الطوفة…
بعد ما تخلصين ييبي أي كيسة…مالت الجمعية…أو مالت الزبالة وأنتوا بكرامة…
كرمشيها في يدج…
واضربيها ضربات عشوائية على الطوفو فوق صبغة الليدي غليز…
بيطلع شكل الصبغة بالطريقة هذي
هذا شكل الطوفة النهائي…واتطلعين اللصق بعد شاعة…
عيب الليدي غليز زيتي فيه ريحة ويتم يومين ألى 3 أيام ليما ينشف…وأنا على حظي الممر مفتوح ويدخل ويطلع منه الهواء طوالي مداه يوم ليما نشف الصبغ…
وطبعاً بعدني ما حطيت الكماليات وخلصت المكتب والمفروشات لما اكمله باحط الصور بأذن الله…
وأي استفسار أنا حاضرة
يعطيج العافية ع الطريقة
ودمتي لنا
حلو
الله يعطيج العافية
واللون يجنن .. حبيته وايد
الله يوفقك بدراستك اللي راح تكملينها
والله يوفقك في دراستك…
وكيف ضبطتي اللزق وطلع سيدة ؟؟ من غير اعوجاج ؟
 |
اقتباس |  |
 |
المشاركة الأساسية كتبها نــــور |  |
 |
| نصب الليدي غليز ويا التنر | ||
 |
 |
صبيه لأن ما يستوي اتصبين بدون تنر…
|
اقتباس | |
|
المشاركة الأساسية كتبها نــــور | |
|
| وكيف ضبطتي اللزق وطلع سيدة ؟؟ من غير اعوجاج ؟ | ||
|
|
عادي…حاولي اتلصقين تروحين بعيد اتشوفين سيدة ولا لأ…تردين اتفجين اللصق…وتتأكدين…الخ الخ