حبيت اكتبلكم طبخة شفتها في التيلفزيون (برنامج ريتشار ري) و الصراحة انا طبقتها ونجحت عندي من اول مرة والحمدالله. و حبيتكم تستفيدون منها بعد. يعني هالاكلة حق العشا او اذا عندكم ضيوف يعني كنوع من التغيير. ويالله بسم الله نبدأ. :21_207:
بنات انا اول مرة اكتب شي مفيد حقكم ياليت ماتبخلون عليييه بالدعاء.:gum:
+++++++++++++++++++++++++++++++++++++
المقادير :-
اسباقيتي (حسب الاشخاص) انا سويت حق 4 أشخاص
حبتين بصل + 2 فص ثوم
3 حبات كوسا + 3 حبات جرز + 3 حبات خيار (اللي انسويها حق السلطة) والحجم لازم يكون من النوع الوسط.
نعناع + بقدونس
ليمونة كبيرة + برتقاله كبيرة
ملفوف ملون او اي شي اتزينين فيه اكلتج.
ملح + بهار ابيض + زعتر بري
++++++++++++++++++++
اول شي نغلي الماي حق الاسباقتي وانحطه فيه ( بس قبل مانحط الاسباقتي في الماي المغلي انحط شويه زيت في الماي عشان الاسباقتي مايلصق ويسويلنا مشاكل )
انخلي الاسباقتي يستوي , وفي هاااي اللحظة انقص الكوسا و الخيار حبات دائرية و الجزر نبشره واحطه كله في مقلاه (لازم اتكون كبيرة لانه بنحط الاسباقتي فيه) فيها شوية زيت ( و نحن انسميه بلغتنا العامية تاااااوه ) لوووول … لاتنسون البصل والثوم بعد اتحطونه لانه يعطي نكله حلوة حق الأكل. انييب الليمونة والبرتقالة ونبشرهم القشرة في الخلطة, و بعد مابشرتيهم قصيهم واعصريهم في الخلطة. وشمي الريحة الحلوة.
انخلي هاااي الخلطة 5 لين 10 دقايق لين اتلاحظين انه الكوسا والخيار صاروا لينين.
وبعدين اتحطين ملح والبهار الأبيض والزعتر البري ( حسب الرغبة)
خلينا الخلطة شوية , تعالي انروح حق الاسباقتي. شليه من النار يعني حطي في المشخله بس لاتخلينه وااايد , لانه مانبغيه يبرد.
حطي الاسباقتي في الخلطة وحركيه شوية وأضيفي البقدونس والنعناع و بعدين ييبيلج ملة كبيرة يعني (طبق كبير) اتحطين فيها الاسباقتي. بس هاااااااا لاتنسين اتزينين الطبق بالملفوف الملون او اي شي انتي اتحبينه من الخضروات.
وصحتين و هناااء حبيباتي. أتمنى انه شرحي كان واضح. :sm229:
تحياتي لكم
زينب