وين احصل منتجات ريميل.. وشن ورايكم في قلم الحواجب مالهم .. وبكم سعره ومكياجي شنو رايكم في قلمهم وبكم سعره
والي عندها فكره عن بودره ماك وبكم ..
وديور كريم الاساس تبعهم من تعرف كم سعره .. استخدمته فترة خطوبتي وبداية زواجي وحده ناااااااايس بس ماتذكر بكم كان .. استخدمت واحد غلافه ازرق تغطيته حدها طبيعيه والثاني غلافه بيج .. 
ياريت تسااعدوني
بالنسبه لماركه ريميل تلاقينها فى السنتر بوينت
وبصراحه ماجربت قلم الحواجب مالهم ولا تبع مكياجي ولا اعرف اسعارهم
بس بشكل عام اسعارهم معقوله ومب غاليه مقارنه بباقي الماركات
,,,,,,,
بورده ماكـ حلوه وسعرها فى حدود 11 دينار وشوي
,,,,,,,
اما اساس ديور انا جربته من قبل ومازلت استخدمه للمناسبات
حسيته ثقيل علي البشره وانصحك هالمره تجربين استي لودر الدبل وير:thumbs_up:
عجبني اكثر من ديور وتغطيه حلوه وسعره اقل من ديور
استي لودر تقريبا 17.500 دينار
ديور ماتذكر بالضبط بس كان فوق الـ 20 دينار
بخصوص الكريم اساس الي ذكرتيه .. بس وين يبيعونه .. لاني احتاج واحج تكون تغطيته حلوه ويبين طبيعي وانا بشرتي مافيها عيوب بس احب التغطيه المتناسقه ..
والله يعطيج العافيه اختي ..
ووين البنات البااقين .. محد عنده عن اسعار مكياجي وريميل ..
وماركه استي لودر تلقينها فى دبنهامز – السيتي سنتر
والله مكياجي وريميل مايتجاوزون الـ 10 دينار .. بين الــ 5 والــ7 عادة ..
وبالنسبة الى بودرة ماك توني شاريتها بــ 14 ونص .. وعلى كثر المدح اللي عليها ، يعني ماحسيتها وااو اعطيها 5.5 من 10
يعني للأمانه اهي تغطي العيوب بس اتعرفين شلون يعني تخلي الويه باهت .. وانا اهم شي عندي في البودرة اهي النعومة والنضارة ..
استي لودر عليه مدح مو صج .. عاد استي لودر دبل وير مب العادي ، .. اهو ع العموم فيه ماركات سنتر بوينت رخيصة تلاقينها بنفس جودة استي لودر وديور بسعر ارخص