خواتي وحبيباتي العروسات ابغيكم تساعدوني بأفكاركم وخبراتكم في تنسيق شقتي آنا عندي 3 حجر طبعا غرفة النوم وغرفة الجلوس والغرفة الثالثة امفكره اسويها حجرة رياضة يعني اخلي فيها اجهزة وابغيكم تنصحوني شنو اسوي في الصالة وشنو الالوان الحلوة والمتناسقة حبيباتي ابغيكم تساعدوني في نصايحكم لي لاني ابغي اسوي شقتي احلى ما يكون بما اني عروس جديدة يعني عرسي تقريبا بعد 3 شهور تقريبا يعني يمديني انسق فيها
حبيباتي لا تبخلون علي يلا تراني انتظركم
أنا شقتي ثلاث غرف
غرفة للنوم وأخترت لها لون البيج والبني
وغرفة للمجلس وأخترت لها اللون الأخضر بدرجاته
والغرفة الثالثة غرفة مكتب لأني أحتاجهاكوني موظفة وأحتاج المكتب للكومبيوتر والكتب وأغراضي الخاصةبالدوام وأخترت لها اللون الأزرق الفاتح مع بعض الديكورات البسيطة
وإذا أنتي ناوية تسوين الغرفة الثالثة للصالة الرياضية فحلو يكون أحد الجدران عليه مراية كبيرة وباقي الجدران تكون كل واحد لون من الألوان الفاتحة وتدخلين عليها ديكورات وكل جهة يكون لها نشاط معين يعني جهه فيها أجهزة وجهه لتمارين البطن والظهر وإللي ماتحتاج إلى إجهزة وجهة لكرسي مساج أو طاولة صغيرة وتحطين عليها بعض الكتب والمجلات للإسترخاء
والله يسهل عليج أمرج ويتمم لج على خير