حبيت استفسر عن قسم ادب الانجليزي يابنات ؟شنو رايكم فيه سهل ولا صعب ..
انا متخوفه ادخله ..انا احب الانجليزي بس ماعندي حصيلة كلمات ذاك الزوود
الكل يحطمني ويقولي لاتدخليه ..في بنات شطار دخلونا وحملوا اربع مواد من التخصص
أنا ابي احد يشجعني ……..بليزز بنااات
طمنوني هل القسم حلو وسهل ؟وهل يبيلا ؟
وهل انتي قبل ماتدخلي القسم واجهتي تشجيع او تحطيم ؟وكيف عديتي ذا الشي..
كيف واجهتي وتعديتي الصعوبات الي واجهتك ؟؟
وهل انتي قبل ماتدخلي عندك حصيلة كلمات انجليزي قوويه ؟؟
وكيف نميتي لغتك الانجليزيه؟؟
وشنو تنصحوني من الكتب والمواقع الي استفدتوا منها ؟
وشنو النصائح الي تنصحوني بها اتقيد بها في حياتي الدراسيه؟
الله يوفقكم ويحقق كل ماتتمنوا ان شاء الله ..ويفرج همكم مثل مارح تفرجوا همي ويبعد عنكم الهم الغم والهم .ويبعد عنكم كل الاعداء وينصركم عليهم ويستر عليكم ياااااااااااااااااارب
أولا خلي ثقتك في نفسك كبيره ولاتسمعين كلام الناس ..
(( صحيح إنه مو سهل يبغى متابعه وتررركيز ))
لكن ..
إذا عندك إراده وطموح .. صدقيني لو تدخلين طب كان فلحتي فيه !
أنا دخلت قسم أدب إنجليزي لكن صارت لي ظروف أسريه وماكملت ..
أهم شي تكونين أنتي تحبين الأدب ..
لأنه ترى مثل الأدب العربي قصايد تحفظينها ونبذه عن الكاتب وتحليل الأبيات .. جناس طباق سجع تشبيه ..
وغيرها من الأمور الأدبية ..
بصراحة أنا استمتعت فيه كثير لولا ظروفي ..
لأني أصلا أحب الأدب بشكل عام سواء عربي أو اجنبي ..
واستخيري وربي يوفقك .. 
بصراحة كان الود ودي لو دخلت الأدب أو ترجمه لكن ما حصل لي
ومع ذلك أحاول أطور اللغه
اذا انتي تحبين شي اسمه اللغه أكيد بتمشين فيه ان شالله لو لغه بنغاليه برضوا بتمشين فيه XD
و الأدب الإنجليزي ممتع بحيث تدرسين مسرحية و روايات و ترجمه بعد
و اللي اعرفه شي طبيعي ان البنات يحملون ماده في أي تخصص كان لأنه أول سنه ونظام جديد
اتمنى يفيدك الموقعين هذي أنا استخدمه حاليا
http://www.livemocha.com
http://edufire.com
اول شي مجموعي ماكان مرتفع وايد و جامعه البحرين لازم المجموع مرتفع حتى لو ما رسبتي
مع اني ماقط مره رسبت و حملت ماده كله انجح فيهم بس
درجات شوي نازله و تبين الصج كان فيني اشويه اهمال ههههه
بس التخصص حلو كله قصص و روايات و مسرحيه وايد حلو
و الحين تزوجت و استقريت في السعوديه و ابشرج ودي ارجع ادرس نفس التخصص
اذا تحبين الانجليزي توكلي على الله ماعليج من احد يعني بذمتج
مافي ولا وحده في العالم تخرجت من هالتخصص ؟؟ و اللي تخرجت لها
مخين و انتي واحد ؟؟ اهم شي حب الماده و الاهتمام في الجراسه
توكلي على الله و دشي اذا تحبين الانجليزي
و بالتوفيق
انا كان تخصصي ادب انجليزي صحيح اني فحطت شوي
لكن ترا والله اللحين حتى اسهل من قبل الخطه كلها تغيرت
انا مدري انتي بالسعوديه ولا وين
بس هذا اللي اقدر اقوله
والله يوفقك يارب
انا تخصصت فيه والى الان ادرسه..وبقولك نصيحه ترى الناس كلهم يحطمونك ويخوفونك بس انتي اعملي مثلي وقولي غيري مو احسن مني ..انا كثيييير حطموني بس اتكلت على الله ودخلت وكانو يقولون لي شوفي فلانه وفلانه اشطر منك وحملو مواد ويعدون السنه بعد…وهذا انا مشيت فيه ولله الحمد
ماكان عندي حصيله كبيره من المفرادت وتوهقت بس الى الان اطووووور من نفسي والنت ملئ بالمواقع المفيييده..
ترى هو مو سهل بس اذا عندك عزيمه بتتخطين كل الصعوبات ان شاءالله
وانتي استخيري
والله يوفقك
اتمنى من باقي الاعضاء يفيدوني
انا درست ادب انجليزي ولغتي الانجليزية كانت لابأس بها.. بس ما كنت اريد ادخل هذي الكلية كنت حابة ادخل علوم
والحمد لله ان مجموعي ما دخلني علوم ودخلت كلية الاداب … من جد استمتعت جدا وما كنت بعرف اني سوف ابدع في هذه الكلية وهذا لاني حبيتها .. وانتي التخصص لو حبيتيه اكيييييييد بتشوفي انه سهل وبتبدعي فيه . انا شخصيا استفدت كثير ومن الكلية وقوت لي لغتي وحتى في مجال العمل بتساعدك كثير وانتي بتعرفي ان اللغة الانجليزية مطلوبة في جمييييييييييع المجالات
اذا انتي في الاساس حابة الفكرة ادخلي واتكلي على الله … انا بقولك .. مافي دراسة سهلة كله صعب بس الناس بتنجح لانها بتكون بتحب التخصص وكمان لانها مجتهدة ومتابعة..
صدقيني بتستمتعي جدا .. وبتحبي اللغة الانجليزية كثير واقولك شي اللغة الانجليزية اسهل من العربي بالرغم من ان العربي لغتنا الام ..المواد عبارة عا قصص وروايات وادب ونقد وقصائد وما عليك تحفظيها فقط تفهميها وتكتبي نقد فيها … هذا كل ما في الامر.
اتكلي على الله وانا بعرف انتي شاطرة وذكية وقدها وقدود!!