الي تعرف طريقة عمل الزعتر ترد علي

السلام عليكم يا بنات
طلبي جدا سهل فقط ابغى اعرف طريقة عمل الزعتر الي نحشيبه
السندوتشات .. انا احبه كثير وكمان اسرتي بس ما اعرف اسويه ..
والي تتكرم وتوصفلي طريقته جزاها الله الف خير .. وراح ادعيلها..
بس ابغى الطريقه بالتفصيل .. وانا عارفه انكم ما راح تقصرون

السلام عليكم……
غالية والطلب رخيص:p
الطريقة:
-تشتري ورق زعتر أخضر (من سوق الخضرة أعتقد) وتتركيه فتره حتى يجف ويصير يابس.
_وبعدين تطحنيه (بطحانة القهوة)
-بضيفي عليه سمسم حسب الرغبة
-ملح (بس مو كثير يعتمد على الكمية) وحطي ملح الليمون (ما تحطي كثير)لما تخلطيهم كلهم تذوقي طعمه اذا حسيتي انه ناقصة ملح أو ملح ليمون ضيفله كميه لين ما يصير طعمه أوكيه
-ضيفي سماق حسب الرغبة.
-بعدين لما تخلصي ضيفي زيت زيتون (كمية قليلة) وفي ناس ما يضيفون زيت الزيتون يعني كل واحد ومزاجه
انتهى وبالهنا والشفا
اتمنى إني أكون ساعدت

مشكوره جدا جدا يا اخت kitty -cat والله ما قصرتي
اسعتيني بردك على سؤالي والله يسعدك في دنيا واخره
خصوصا انها كانت اول مشاركه لي في المنتدى ..
وانا كنت فقط متابعه له من فتره وكنت معجبه فيه ،وكنت اشوف
المشتركات فيه اخوات كل وحده تحب تساعد الثانيه من غير اي مقابل
ومحتسبه ذلك عند الله ..
بس حابه اسئلك عن السماق هل هو البقسماط ام حاجه ثانيه..
مشكوره مره ثانيه وخلي تواصلك معايا دائم .

البقسماط عباره عن فتات الخبز والسماق هو شي احمر ناعم يوضع على السلطه وعلى فطاير السبانخ وانشاء الله افدتك