سلام عليكم ورحمه الله وبركاته
شحالكم عرايس ان شالله طيبات
7
7
7
7
7
اول شي باركولي نجحت و نسبتي 84%
حبيت اسوي حفله بس وين اسويها ؟ انا ابي قاعات تكون اسعارها معقوله؟
وبعدين ابي افكار حق الحفله من الناحيه التزيين ؟ وشو المسابقات الي ممكن اسويها حق البنات ؟
وابي رقم دي جي . وارقام الي يزينون الحفلات لان امي تبي تسوي هالاسبوع وانا ماعندي افكار ؟
انا كانت عندي فكره هو اني اكتب قصيده حق امي والقيها جدام الكل وبسويها مفاجأه شرايكم في الفكره حلوه ولا لا؟
والف شكر للجميع
كان ودي اساعدك حبيبتي
بس انتي بقطر و أنا بالسعوديه بس
لو كنتي هنا كان عطيتك ارقام دي جي كثيرررررررررررره
و ماما تزين طاولا ت و حركات و عندي خبره بهالأمور واجد بس
للأسف
ما اعرف بقطر
تحياتي لك
ساهرة مع القمر
ياليت لو في ردود اكثر
انا بعد من السعوديه
ان شاء الله في احد يكون من قطر ويساعدونك
ان شاء الله البنات مابيقصرون
بس صبري عليهم شويه 
والافكار المنتدى مليان افكار للتزين
والمسابقات ممكن انك تسوين كذا مسابقه
مثل اممممم
ممكن تسوين مسابقة ولا كلمه هذي جديده وحلوة <<< تحبهاااا
ووو تسوين اسئله ثقافيه للجمهور وهدايا بسيطه
بس يعني مو انتي تخلين وحده من خواتك الكبار ولا اي احد لانك اميرة الحفله 
يعني في افكار كثيرة للمسابقات بس مو حاضرتني الحين
شوفي خلي المسابقات بالاخير
بعد ما تقصين الكيكه ويوزعون عليك الهدايا
ان شاء الله تستفيدي من افكاري
و1000 مبرووووووك يالغلا
وعقباااال التخرج من الجاااامعه
و بالنسبة لفكرة القصيدة للوالدة مرررررة حلووو ..
و مبرووووووووك التخرج .. و ان شاء الله بنات قطر يساعدونك..
بس للاسف اني من البحرين ماقدر افيدج
ان شاء الله البنات يساعدونج
والله ما ادري اذا ردي متأخر والا لا …. بس توني اشوف الموضوع …
بالنسبة للقاعات … اغلب الفنادق تسوي حسب العدد اللي تبين تعزمينه …
يعني مثلا راح تشوفين فنادق تاخذ عالشخص 150 واماكن ثانية 350 والاسعار تتفاوت من مكان لي مكان
فندق ميلينيوم …. من فترة سألتهم .. قالوا لي .. 20 شخص 8 الاف …. 100 شخص 20 الف …
وعندج جنه الخليج فيه قاعه .. وووايد بنات يسوون فيها …
في بعد فندق الفور سيزنز … قااعته يقولون انها صغيره ومناسبه …
وبالنسبة للتزيين .. لا تبغالين حبيبتي لان بس ثانوية … وراج جامعه وخطوبة وعرس ووووو ..!! …
يعني ماله داعي تزيين … بس خلي الكيكة على شكل كبوسة التخرج !! …
انتي البسي فستان او اللي تبين تلبسينه …. وعقب ما يجون الضيوف كلهم … اختفي من المكان
سكروا الليتات … وانزلي ببدلة التخرج والكبوس وطفوا الشموع من الكيكة … !! ..
والله يهنيج حبيبتي ..