السلام عليكم ورحمة الله وبركاته
اخباركم ياحلوين 
نبدا الان برنامجنا مع نسيم السيد خخخخخخ
لا تخافون ماني مطوله ولا متفلسفه بخش في الموضوع على توووووووول
هذا الطبق الثاني اللي قلت لكم عليه امس فاكرين اللي متابعين برنامجي راح يعرفون
طبعا اول مره اسويه في حياتي وان شاء الله ماهي اخر مرره
لانه بصراحه طلع طعمه روووووووووووووووووعه 😉
يلا نبذا بالمقادير وهي :
_ دجاجه مقطعه صغير ونظيفه وشكلها حلو عشان الصوره خخخ .
_ 2 زبادي واذا الكميه كبيره عندك زيدي الزبادي.
_ بصل كثير اربع او خمس شرائح + 3 فصوص ثوم مقطع شرائح .
_ ملعقه اكل نشاء .
_ بهارات وهي [ ملح + 2 هيل بالعدد + 1 قرفه + ملعقه كزبره مطحونه + ملعقه صغييره كركم]
_ نعناع مقطع صغير
الطريقه :
نحط البصل المقطع والثوم في القدر كالعاده واذا تحبون ان الثوم يطلع طعمه في الاكل حطوه الاول قبل البصل …
لين ما يحمر البصل نضع فوقه الدجاج والبهارات والنعناع مثل كذا …
نحركه ونخليه شوي مع البصل وبيصير معنا بهذا الشكل ..
بعد كذا نضيف عليه كاس مويه لا تكثرون المويه تعتفس الطبخه ,,
نخليه لين ما ينشف شوي وتثقل المويه وتستوي الدجاجه لو ما استوت زيدي شوي مويه مو كثير وشوفي الملح معك بيصير بهذا الشكل …
لين ما تستوي الدجاجه ناخذ زبديه ونحط فيها ملعقة النشاء والزبادي النشاء عشان يحافظ
على سيلانه ولا يتكور معك ..
بعد ما نخلطهم مع بعض ويكون كل شي جاهز نضيف الزبادي فوق الدجاج بالشكل هذا ..
نخليه شوي ع النار مع الزبادي ونغرفه يناكل مع رز او مع خبز اللي تحبون مع صحن سلطه
وبكذا نكون انتهينا وصحه وهنا يارب ..
ان شاء الله تكون حازت على اعجابكم ورضاكم .. لا تحرموني ردوكم وتقيمكم
والى الملتقى في طبق آخر باذن الله ,,,
استودعكم الله اللذي لا تضيع ودائعه 
تسلم الايادي اختي شكله لذيذ جدااااااااااا
مع الاسف الميزان رافض التقيم
تسلم ايدك ياقلبوا
نورتي ركن المطبخ:wink:
الله يعطيك العافيه
وماننحرمش من الطبخات الحلوه ياحلوه
شكلها لذيذ تسلم ايديكى يا قمر
شكلها لذيذ تسلم ايديكى ياعسولة خصصت ملف لاكلتك السهلة والرائعة ما شاء الله
وتسلمى على الوصفة الجميلة