وحدة جاها عريس وافقت ..و…….وافقوا أهلها …وسأل العريس هاه
إيش طلباتكم … طبعا الكلمة كانت للأم والأب ياحرام …..والعريس شاري
البنت. المهم بدت الأم تطلب..نبغى للبنت ذهب ,فرح يسمع فيه القاصي والداني
وبيت مستقل..طبعا العريس وافق .ولما راح يشوف الذهب كم بيكلفه
طلع المبلغ كبير ..وكلم الأم تتنازل عن جزء من الذهب وقالت لا مستحيل
هذي أول فرحتي
وماعرف كيف يتصرف يستلف مين بيسلفه؟ وهو عنده مبلغ محدد يعني
يكفي لو إن الأم تنازلت عن بعض الطلبات ..
المهم قال طيب..وراح اشترى الذهب وأستأجر البيت وحجز صالة الفرح
وتم الزواج (العروس فرحانه ماصدقت تنفك من ذاك البيت)
وبعد فترة أحتاجت الأم مبلغ وطلبت من بنتها تعطيها من الذهب وأعطتها
وراحت تبغى تبيعه …وكــــــانت الفــــــــاجعة!!!!
طلع الولد مصيبة أشترى فضة ورشها ذهب..تخيلوا وبغت تنجن وراحت
لبنتها واخذتها من بيتها غصب وردتها لبيتهم والولد داااااااخ ال 7دوخات عشان يردها مافي فايدة وفي النهاية طلقها
على فكرة البنت شخصيتها ضعيفة مرة والأم وحده داهية
إيش رايكم…….:confused::confused:
بصراحه هذا زوج مايخاف الله يغشها من اول يوم بمهرها
المفروض يعرف ان المهر يبقى دين بذمته الى ان يدفعه للزوجه أو هي
تتنازل عنه
كيف بتثق فيه بعد الى سواه
يستاهل خله يدوخ شويه عشان يعرف معنى تقوى الله في السر والعلن
ومن يتق الله يجعل له مخرجا ويرزقه من حيث لا يحتسب
تستاهل والمفروض بما انه تزوج البنت يعوضها
والشيطان شاطر
وعلى فكرة ترا هو جاهل والجاهل عدو نفسه…….
والي ضاع في الموضوع البنت
مايبي افرط فيها ويخسرها غصبا عنه
يمكن بحسن النيه
بس المفروض من ام الزوجه تتفاهم معاه
بالذات اذا كانت العاقه بينهم ممتازه
والله اسامحها واسامحه كمان
والبنت المسكينه الله اصبرها على مابلاها من الام والزوج
انا اعتقد ان الشئ اذا كان من بدايته غلط ما يستمر
فالام بالغت في المهر والشاب ما عنده غير مبلغ محدد
يعني لو رضت بها المبلغ شو اللي راح يصير
ترى الاساس في الزواج هو حسن الاختيار دينيا وخلقيا
والمهر المكلف ومظاهر البذخ تراها كلها قشور تختفي بعد الزواج
ويبقى الاخلاق والدين
واعتقد ان الشاب من قلة حيلته سوى اللي سواه وصحيح هو بعد غلطان
لازم من البدايه يقول للام انه هذا اللي عنده ويحطهم جدام الامر
الواقع
وتصرف البنت كان غلط يعني شكايل تسمح لامها انها تخرب بيتها
طبعا الام من الحره سوت جذيه بس شو اللي استوى غير خربت بيت
بنتها واعتبر هذي النتيجه لمن يركض ورا الماديات
والي ردو كلامهم صحيح والحلو كل وحده لها وجهة نظر
يعطيكم العافية
وطبعا كل الطرفين غلطانين ويستاهلون ما جاهم..